ແມ່ຍິງລາວຈົ່ງກ້າວໄປບົນເສັ້ນທາງແຫ່ງຍຸກສະໄໝ

- 7 - ແມ່ຍິງລາວຈົ່ງກ້າວໄປບົນເສັ້ນທາງແຫ່ງຍຸກສະໄໝ
- Untitled design - ແມ່ຍິງລາວຈົ່ງກ້າວໄປບົນເສັ້ນທາງແຫ່ງຍຸກສະໄໝ

 ໂດຍ: ກ້ອງສ່ອງ ອິດສະຫລະ 

ໃນເງື່ອນໄຂທີ່ປະເທດຊາດ ບ້ານເມືອງຂອງພວກເຮົາພວມມີການສ້າງສາພັດທະນາໃຫ້ ກ້າວໄປຄຽງຄູ່ກັບການຂະ ຫຍາຍຕົວຂອງໂລກ, ໄດ້ມີ ຫລາຍປັດໄຈທີ່ຈະມາກະທົບ ອັນເຮັດ ໃຫ້ແມ່ຍິງລາວເຮົາ ໄດ້ຮັບອິດທິພົນຈາກພາຍນອກນັບທັງອັນຕັ້ງໜ້າ ແລະ ລ້າ ຫລັງ. ອັນທີ່ພົ້ນເດັ່ນທີ່ສຸດ ກໍ ແມ່ນຄວາມເປັນອັນທັນສະໄໝ ຄວາມຈະເລີນກ້າວໜ້າທາງ ດ້ານເຕັກໂນໂລຊີ, ນັບທັງດ້ານ ເສດຖະກິດ-ສັງຄົມ ໃນນີ້ກໍມີທັງ ແງ່ບວກ ແລະ ແງ່ລົບທີ່ແຕກ ຕ່າງກັນ ໜຶ່ງໃນສາເຫດທີ່ເຮັດ ໃຫ້ແມ່ຍິງລາວເຮົາຈະພ້ອມກັນກ້າວໄປທັນຍຸກທັນ ສະໄໝກໍ ແມ່ນປັດໄຈພື້ນ ຖານຂອງແມ່ຍິງ ລາວທີ່ມີເອກະລັກ ແລະ ອັດ ຕະລັກພາຍໃນຕົວເຊັ່ນ: ຄວາມ ດຸໝັ້ນຂະຫຍັນພຽນ, ຄວາມ ບາກບັ່ນມານະອົດທົນຕໍ່ໜ້າ ທີ່ການງານ, ຄວາມສະຫງົບ ສະຫງຽມເຍືອກເຢັນ ທີ່ເປັນໄປ ຕາມທຳມະຊາດກາຍເປັນສິ່ງ ບົ່ງບອກເຖິງຄວາມໝາຍ ແລະ ຄວາມມີສະເໜ່ພາຍ ໃນຕົວ ນອກຈາກນັ້ນ, ກໍພົວພັນເຖິງ ການດຳລົງຊີວິດ, ສິລະປະ, ວັດທະນະທຳ, ຮີດຄອງປະເພ ນີກາຍເປັນສັນຍາລັກໃຫ້ຜູ້ຍິງ ລາວມີຄວາມໂດດເດັ່ນ ໂດຍສະ ເພາະແມ່ນການນຸ່ງຖື, ການຕ່ຳ ຫູກທໍໄໝ, ຍິບປັກຖັກແສ່ວ, ການຕົບແຕ່ງປະດັບເອ້ຍ້ອງ ແລະ ການນຸ່ງຖືທີ່ສະແດງເຖິງ ຄວາມມີສິລະປະຂອງແມ່ຍິງ ລາວບັນດາເຜົ່າ ເວົ້າຄວາມຈິງ ຖ້າຫາກແມ່ຍິງລາວຍັງຮັກສາ ໄດ້ໃຫ້ຍືນຍົງອາດກາຍເປັນສັບ ສິນທາງປັນຍາ ແລະ ກາຍເປັນ ມໍລະດົກໂລກໃນອະນາຄົດ.

 

+ ປ້ອງກັນບໍ່ໃຫ້ແມ່ຍິງຕົກເປັນເຫຍື່ອນ້ຳກາມ

- Wave100S AD to Website 2020 0 - ແມ່ຍິງລາວຈົ່ງກ້າວໄປບົນເສັ້ນທາງແຫ່ງຍຸກສະໄໝ

+ ເຮືອນສາມ-ນ້ຳສີ່ ຍັງມີຄວາມສຳຄັນຕໍ່ແມ່ຍິງລາວ

ແນວໃດກໍຕາມ, ອີງໃສ່ ກົດເກນການຂະຫຍາຍຕົວ ຂອງໂລກທີ່ພວມມີການປ່ຽນ ແປງຢ່າງຕັ້ງໜ້າ ແລະ ທ້າ ທາຍ ອາດມີຫລາຍສິ່ງຫລາຍຢ່າງ ຈະເປັນເງື່ອນໄຂໃຫ້ແມ່ຍິງ ລາວປະລະສິ່ງທີ່ປະເສີດເຫລົ່າ ນີ້ ໄປທີລະເລັກທີລະໜ້ອຍ ໃນ ແນວທາງຂອງພັກ ແລະ ລັດຖະ ບານກໍຄື ບັນດາມະຕິຕ່າງໆ ນັບທັງກົດໝາຍ, ລຸ່ມກົດໝາຍ ຍາມໃດພັກ ແລະ ລັດຖະບານ, ກໍໄດ້ຖືເອົາ ແມ່ຍິງເປັນໜຶ່ງໃນ ກຳລັງແຮງສ້າງສາ ແລະ ພັດ ທະນາປະເທດຊາດ, ໃຫ້ສິດສະ ເໝີພາບລະຫວ່າງເພດຍິງກັບ ເພດຊາຍຢ່າງສະເໝີຕົ້ນສະ ເໝີປາຍ ຕາມເຮົາວ່າ: ສິ່ງທີ່ແມ່ ຍິງລາວເຮົາ ຄວນໄດ້ເອົາໃຈ ໃສ່ເປັນພິເສດໃນຍຸກນີ້ນັ້ນຄື ການພັດທະນາຕົນເອງໃຫ້ ກາຍເປັນບໍ່ບຳເພັນຂອງພັກ, ຂອງປະເທດຊາດ ແລະ ຂອງ ປະຊາຊົນບັນດາເຜົ່າ ທັງໝົດ ທີ່ ກ່າວມານີ້ ຕ້ອງ ສະແດງອອກ ໃນ ຄວາມເປັນຜູ້ຍິງລາວ ຢ່າງ ແທ້ຈິງ. ໃນພຶດຕິກຳທີ່ຈະຕ້ອງ ໄດ້ສະແດງອອກຢ່າງເປັນ ຮູບປະທຳນັ້ນຄືການປົກປັກ ຮັກສາສິ່ງທີ່ຍອດຍິ່ງຂອງແມ່ ຍິງລາວໃຫ້ກາຍເປັນມໍລະດົກ ຂອງຊາດ ແລະ ໃຫ້ກາຍເປັນ ມໍລະດົກຂອງໂລກໃນອະນາຄົດ ເປັນຕົ້ນຄື: ການນຸ່ງສິ້ນ, ນຸ່ງເສື້ອ ບ່ຽງແພໃນວັນສຳຄັນທາງ ປະເພນີ, ວັນສຳຄັນຂອງຊາດ ແລະ ສາກົນ, ນອກນັ້ນ ກໍແມ່ນ ຂະນົບທຳນຽມການເຄົາລົບ ນົບໄຫ້ວ, ການແຕ່ງຢູ່ຄົວກິນ, ການສະແດງສິລະປະວັນນະ ຄະດີ, ການປະດິດຄິດແຕ່ງ, ການສືບສານຕຳນານແຫ່ງວັດທະນະທຳຂອງຊາດຂອງຊົນ ເຜົ່າ ແລະ ອື່ນໆເຫລົ່າລ້ວນ ແລ້ວ ໄດ້ປູກຝັງ ແລະ ບົ່ມຊ້ອນຢູ່ໃນແມ່ ຍິງລາວຢ່າງຫລວງຫລາຍ.
ນອກຈາກສິ່ງຕ່າງໆ ທີ່ເຮົາ ໄດ້ຍົກມານີ້ແລ້ວ, ແມ່ຍິງລາວ ຍັງ ມີຫລາຍສິ່ງຫລາຍຢ່າງ ທີ່ພວກເຮົາຄວນໄດ້ຈົດຈຳຈາ ລຶກ ເປັນຕົ້ນສະໄໝ ຕໍ່ສູ້ເພື່ອ ປົດປ່ອຍປະເທດຊາດແມ່ຍິງ ລາວກໍໄດ້ຄຽງບ່າຄຽງໄລ່ກັບ ເພດຊາຍເຮັດທຸກສິ່ງທຸກຢ່າງ ເພື່ອສຳເລັດພາລະກິດປົດປ່ອຍຊາດ ພໍຕົກມາໃນຍຸກສ້າງສາພັດ ທະນາປະເທດຊາດແມ່ຍິງລາວກໍຍິ່ງມີບົດບາດອັນສຳຄັນໃນ ການສ້າງ ເສດຖະກິດ-ສັງຄົມ ຂອງປະເທດດັ່ງພວກເຮົາໄດ້ ເຫັນສະພາບຕົວຈິງ ໃນປັດຈຸ ບັນຈະເຮັດຫຍັງຢູ່ໄສ, ວຽກ ຫຍັງ, ງ່າຍດາຍ ແລະ ຫຍຸ້ງ ຍາກສັບສົນກໍມີແຕ່ແມ່ຍິງລາວ ໄດ້ປະກອບສ່ວນທັງນັ້ນ./.

- 7 - ແມ່ຍິງລາວຈົ່ງກ້າວໄປບົນເສັ້ນທາງແຫ່ງຍຸກສະໄໝ
(ພາບປະກອບ)
- WhatsApp Image 2020 05 27 at 5 - ແມ່ຍິງລາວຈົ່ງກ້າວໄປບົນເສັ້ນທາງແຫ່ງຍຸກສະໄໝ
- WhatsApp Image 2020 05 27 at 5 - ແມ່ຍິງລາວຈົ່ງກ້າວໄປບົນເສັ້ນທາງແຫ່ງຍຸກສະໄໝ
error: Alert: ເນື້ອຫາຂ່າວມີລິຂະສິດ !!