ການລະບາດ​ຂອງ​ຕັກ​ແຕນ​ຝູງ​ໄມ້ປ່ອງ​ຢູ່​ພາກ​ເໜືອ​ມີ​ທ່າ​ອ່ຽງຫລຸດ​ລົງ​ຫລາຍ

- Untitled 1 copy 3 - ການລະບາດ​ຂອງ​ຕັກ​ແຕນ​ຝູງ​ໄມ້ປ່ອງ​ຢູ່​ພາກ​ເໜືອ​ມີ​ທ່າ​ອ່ຽງຫລຸດ​ລົງ​ຫລາຍ
- Untitled design - ການລະບາດ​ຂອງ​ຕັກ​ແຕນ​ຝູງ​ໄມ້ປ່ອງ​ຢູ່​ພາກ​ເໜືອ​ມີ​ທ່າ​ອ່ຽງຫລຸດ​ລົງ​ຫລາຍ

ຫົວໜ້າ​ສູນ​ປ້ອງ​ກັນ​ພືດ ກະຊວງ​ກະສິກຳ ​ແລະ ປ່າ​ໄມ້ ​ໄດ້​ລາຍ​ງານ​ຕໍ່​ກອງ​ປະຊຸມ​ວິຊາ​ການ​ກ່ຽວ​ກັບ​ການ​ປ້ອງ​ກັນ ​ແລະ ກຳຈັດ​ການລະບາດ​ຂອງ​ຕັກ​ແຕນ​ຝູງ​ໄມ້ປ່ອງ​ຢູ່ 5 ​ແຂວງ​ພາກ​ເໜືອ ທີ່​ໄດ້​ຈັດ​ຂຶ້ນ​ໃນ​ອາທິດ​ຜ່ານ​ມາ​ນີ້ ​ໃຫ້​ຮູ້​ວ່າ: ດ້ວຍ​ຄວາມ​ພະຍາຍາມ ​ແລະ ​ເອົາ​ໃຈ​ໃສ່​ຊີ້​ນຳ-ນຳພາ​ຂອງ​ຂະ​ແໜງ​ການ​ກ່ຽວຂ້ອງ​ໃນ​ການ​ປ້ອງ​ກັນ ​ແລະ ກຳຈັດ​ການລະບາດ​ຂອງ​ຕັກ​ແຕນ​ຝູງ​ດັ່ງກ່າວ ​ແລະ ດ້ວຍ​ການ​ຊ່ວຍ​ເຫລືອ​ຂອງ​ອົງການ​ຈັດຕັ້ງສາກົນ ​ແລະ ປະ​ເທດ​ເພື່ອນ​ມິດ ນັບ​ທັງ​ການ​ສະໜອງ​ອຸປະກອນ​ຢາ​ປາບ​ສັດຕູ​ພືດ ​ແລະ ການ​ນຳ​ໃຊ້​ເຕັກນິກ​ທີ່​ເໝາະ​ສົມ ​ແລະ ຖືກຕ້ອງ​ຕາມ​ລະບົບ​ນິ​ເວດ​ວິທະຍາ ຈຶ່ງ​ເຮັດ​ໃຫ້ການ​ລະບາດ​ຂອງ​ສັດຕູ​ພືດ​ຕົວ​ອັນຕະລາຍ​ນີ້​ຫລຸດຜ່ອນ​ລົງ​ຢ່າງ​ຫລວງຫລາຍ​ຈາກ​ປີ 2016 ມີ​ເນື້ອທີ່​ເສຍ​ຫາຍ​ຫລາຍ​ກວ່າ 4.100 ​ເຮັກຕາ ມາ​ເປັນ 270 ​ເຮັກຕາ ​ໃນ​ປີ 2017.

ການລະບາດ​ຂອງ​ຕັກ​ແຕນ​ຝູງ​ໄມ້ປ່ອງ​ໄດ້​ເລີ່​ມມີ​ມາ​ແຕ່​ປີ 2014 ​ແລະ ຂະຫຍາຍຕົວ​ເປັນ​ວົງ​ກວ້າງ ​ເຊິ່ງກວມ​ເອົາ 500 ກວ່າ​ບ້ານ​ໃນ 29 ​ເມືອງ​ຂອງ 5 ​ແຂວງ​ພາກ​ເໜືອ, ​ແຕ່​ດ້ວຍ​ການ​ເອົາ​ໃຈ​ໃສ່​ກຳຈັດ​ດ້ວຍ​ຫລາຍ​ວິທີ ​ແລະ ການ​ມີ​ສ່ວນ​ຮ່ວມ​ຂອງ​ຫລາຍ​ພາກສ່ວນ ຈຶ່ງ​ເຮັດ​ໃຫ້ການ​ລະບາດ​ຂອງ​ມັນ​ຫລຸດຜ່ອນ​ລົງ​ເປັນ​ລຳດັບ. ​ແຕ່​ເຖິງ​ວ່າ​ແນວ​ໃດ, ທ່ານ​ລັດຖະມົນຕີ​ກະຊວງ​ກະສິກຳ-ປ່າ​ໄມ້ ກໍ​ຍັງ​ໄດ້​ເນັ້ນ​ໃຫ້​ທຸກຂະ​ແໜງ​ການ​ກ່ຽວຂ້ອງ ​ແລະ ອົງການ​ປົກ​ຄອງ​ທ້ອງ​ຖິ່ນ​ມີ​ການລະບາດ​ດັ່ງກ່າວ​ຈົ່ງ​ເພີ່ມ​ທະວີ​ຄວາມ​ຮັບຜິດຊອບ ​ແລະ ​ເປັນ​ເຈົ້າການ​ຊີ້​ນຳ-ນຳພາ​ ສຸມ​ໃສ່​ການ​ປ້ອງ​ກັນ ​ແລະ ກຳຈັດ​ການລະບາດ​ຂອງ​ສັດຕູ​ພືດ​ນີ້​ໃຫ້​ໝົດ​ໄປ ​ເພື່ອ​ຊ່ວຍ​ໃຫ້ການ​ຜະລິດ​ກະສິກຳຂອງ​ປະຊາຊົນ​ມີ​ຜົນ​ດີ​ຂຶ້ນ.

- Wave100S AD to Website 2020 0 - ການລະບາດ​ຂອງ​ຕັກ​ແຕນ​ຝູງ​ໄມ້ປ່ອງ​ຢູ່​ພາກ​ເໜືອ​ມີ​ທ່າ​ອ່ຽງຫລຸດ​ລົງ​ຫລາຍ
- WhatsApp Image 2020 05 27 at 5 - ການລະບາດ​ຂອງ​ຕັກ​ແຕນ​ຝູງ​ໄມ້ປ່ອງ​ຢູ່​ພາກ​ເໜືອ​ມີ​ທ່າ​ອ່ຽງຫລຸດ​ລົງ​ຫລາຍ
- WhatsApp Image 2020 05 27 at 5 - ການລະບາດ​ຂອງ​ຕັກ​ແຕນ​ຝູງ​ໄມ້ປ່ອງ​ຢູ່​ພາກ​ເໜືອ​ມີ​ທ່າ​ອ່ຽງຫລຸດ​ລົງ​ຫລາຍ
error: Alert: ເນື້ອຫາຂ່າວມີລິຂະສິດ !!