ສາເຫດທີ່ແມ່ຍິງເມົາໄວກ່ວາຜູ້ຊາຍ

- 011203 2018 - ສາເຫດທີ່ແມ່ຍິງເມົາໄວກ່ວາຜູ້ຊາຍ
- Untitled design - ສາເຫດທີ່ແມ່ຍິງເມົາໄວກ່ວາຜູ້ຊາຍ

ອານກໍຮໍເປັນສານເສບຕິດຊະນິດໜຶ່ງ ເກີດຈາກການໝັກດອງຜັກ, ໝາກໄມ້ ຫລື ແກ່ນພືດຊະນິດຕ່າງໆ. ຮ່າງກາຍແມ່ຍິງ ຫາກດື່ມຫລາຍຈະໄດ້ຮັບພິດຂອງອານກໍຮໍ ແລະ ສ່ຽງເປັນພະຍາດຕັບແຂງ, ຕັບອັກເສບໄດ້ຫລາຍກ່ວາຜູ້ຊາຍ.

ແມ່ຍິງທີ່ມັກດື່ມອານກໍຮໍ ຫລື ສິ່ງມຶນເມົາທັງຫລາຍຮ່ວມກັບແມ່ຍິງດ້ວຍກັນເອງ ຫລື ຮ່ວມກັບຜູ້ຊາຍ ຈະຕ້ອງລະວັງໂຕເລື່ອງນີ້ນຳ ເພາະຈະເວົ້າໄປແລ້ວ ອາດຈະຕ້ອງເອີ້ນວ່າເປັນມວຍຄົນລະທຳມະຊາດກັນໃນການທີ່ຈະດວນຕໍ່ສູ້ກັນແບບນັ້ນ ເນື່ອງຈາກໂດຍທຳມະຊາດແລ້ວ ແມ່ຍິງເຮົາມັກຈະມີຂະໜາດຂອງຮ່າງກາຍທີ່ນ້ອຍກ່ວາຜູ້ຊາຍ, ມີນຳ້ໂຕໜ້ອຍກ່ວາ ແລະ ມີອັດຕາສ່ວນຂອງໄຂມັນຕໍ່ນຳ້ໃນຮ່າງກາຍຫລາຍກ່ວາ ໂດຍຮ່າງກາຍຂອງແມ່ຍິງໂດຍທຳມະຊາດຈະມີໄຂມັນຫລາຍກ່ວາ ຈຶ່ງເຮັດໃຫ້ອານກໍຮໍທີ່ດື່ມເຂົ້າໄປມີຄວາມເຂັ້ມຂຸ້ນຫລາຍກ່ວາຜູ້ຊາຍ ເຖິງວ່າຈະດື່ມໃນປະລິມານເທົ່າກັນກໍຕາມ.

ນອກຈາກນີ້ແລ້ວ ອະໄວຍະວະສຳຄັນທີ່ກ່ຽວຂ້ອງກັບການກຳຈັດອານກໍຮໍແມ່ນຕັບ ຍັງຜະລິດເອັນໄຊ (Alcohol Dehyge nase) ໄດ້ຈຳນວນໜ້ອຍກ່ວາຜູ້ຊາຍນຳອີກ ເມື່ອອານກໍຮໍຖືກກຳຈັດໄດ້ໜ້ອຍກ່ວາ ຕົກຄ້າງຫລາຍກ່ວາ ແມ່ຍິງຈຶ່ງມີໂອກາດທີ່ຈະໄດ້ຮັບພິດຈາກອານກໍຮໍຫລາຍກ່ວາຜູ້ຊາຍ ໂດຍຈະເຫັນໄດ້ວ່າແມ່ຍິງທີ່ດື່ມອານກໍຮໍຫລາຍໆຈະມີຄວາມສ່ຽງຕໍ່ການເປັນພະຍາດຕັບແຂງ ແລະ ຕັບອັກເສບໄດ້ຫລາຍກ່ວາຜູ້ຊາຍທີ່ດື່ມໃນປະລິມານເທົ່າໆກັນ. ນອກຈາກເລື່ອງສຸຂະພາບແລ້ວ ການດື່ມຫລາຍເກີນໄປກໍບໍ່ໄດ້ເປັນສິ່ງທີ່ດີຕໍ່ແມ່ຍິງຫລາຍໆຄົນອາດຈະເສຍບຸກຄະລິກໄປເລີຍເມື່ອເມົາ ທັງຍັງເລື່ອງການຂັບລົດ ແລະ ສະ ຫວັດດິພາບຕ່າງໆສ່ວນບຸກຄົນນຳອີກ. ດັ່ງນັ້ນ, ອານກໍຮໍນັ້ນຍັງຄົງເປັນເຄື່ອງດື່ມທີ່ຄວນຈະຫລີກເວັ້ນ ຫລື ຫາກດື່ມໜ້ອຍໆ ບໍ່ເກີນຈອກກໍພໍດີແລ້ວ.

- Wave100S AD to Website 2020 0 - ສາເຫດທີ່ແມ່ຍິງເມົາໄວກ່ວາຜູ້ຊາຍ

 

 

- WhatsApp Image 2020 05 27 at 5 - ສາເຫດທີ່ແມ່ຍິງເມົາໄວກ່ວາຜູ້ຊາຍ
- WhatsApp Image 2020 05 27 at 5 - ສາເຫດທີ່ແມ່ຍິງເມົາໄວກ່ວາຜູ້ຊາຍ
error: Alert: ເນື້ອຫາຂ່າວມີລິຂະສິດ !!