ລາວ-ກໍາປູເຈຍ ເພີ່ມທະວີຮ່ວມມືວຽກງານແຮງງານ ແລະ ສະຫວັດດີການສັງຄົມ

- Laos Combodia1 - ລາວ-ກໍາປູເຈຍ ເພີ່ມທະວີຮ່ວມມືວຽກງານແຮງງານ ແລະ ສະຫວັດດີການສັງຄົມ
- AGL banner - ລາວ-ກໍາປູເຈຍ ເພີ່ມທະວີຮ່ວມມືວຽກງານແຮງງານ ແລະ ສະຫວັດດີການສັງຄົມ

ແຫລງຂ່າວກະຊວງແຮງງານ ແລະ ສະຫວັດດີການສັງຄົມ ໃຫ້ຮູ້ວ່າ: ໃນວັນ ທີ 7-11 ມີນານີ້, ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ທ່ານ ຄໍາແພງ ໄຊສົມແພງ ພ້ອມຄະນະ ໄດ້ໄປຢ້ຽມຢາມ ແລະ ເຮັດວຽກຢູ່ຣາຊະອານາຈັກກໍາປູເຈຍ ແລະ ໄດ້ພົບປະກັບທ່ານ ວົງ ສົດ ລັດຖະມົນຕີກະຊວງກິດຈະການສັງຄົມ, ນັກຮົບເກົ່າ ແລະ ພັດທະນາຊາວໜຸ່ມກໍາປູເຈຍ, ເພື່ອປຶກສາຫາລືກະຕຸກຊຸກຍູ້ການພົວພັນຮ່ວມມືດ້ານວຽກງານແຮງງານ ແລະ ສະຫວັດດີການສັງຄົມ, ແນໃສ່ປະກອບສ່ວນເສີມຂະຫຍາຍມູນເຊື້ອຄວາມສາມັກຄີລະຫວ່າງສອງປະເທດລາວ ແລະ ກໍາປູເຈຍໃຫ້ນັບມື້ແໜ້ນແຟ້ນຍິ່ງໆຂຶ້ນ.

ໃນໂອກາດນີ້, ທ່ານ ຄໍາແພງ ໄຊສົມແພງ ແລະ ທ່ານ ວົງ ສົດ ກໍໄດ້ຮ່ວມກັນລົງນາມບົດບັນທຶກຄວາມເຂົ້າໃຈວ່າດ້ວຍການຮ່ວມມືລະຫວ່າງສອງກະຊວງດັ່ງກ່າວ ເພື່ອຈະໄດ້ແລກປ່ຽນບົດຮຽນ ແລະ ປະສົບຕ່າງໆເຊິ່ງກັນ ແລະ ກັນກ່ຽວກັບວຽກງານປະກັນສັງຄົມ, ການປົກປ້ອງຜູ້ພິການ-ຜູ້ອາຍຸສູງ ແລະ ວຽກງານສະຫວັດດີການສັງຄົມ, ໂດຍຈະມີການແລກປ່ຽນການຢ້ຽມຢາມຂອງຄະນະຜູ້ແທນລະດັບຕ່າງໆນໍາກັນປີລະ 2 ຄັ້ງ.

- Wave100S AD to Website 2020 0 - ລາວ-ກໍາປູເຈຍ ເພີ່ມທະວີຮ່ວມມືວຽກງານແຮງງານ ແລະ ສະຫວັດດີການສັງຄົມ

ໃນໂອກາດນີ້, ທ່ານລັດຖະມົນຕີກະຊວງແຮງງການ ແລະ ສະຫວັດດີການສັງຄົມ ຍັງໄດ້ເຂົ້າຢ້ຽມຂ່ຳນັບທ່ານນາງ ເມັນ ຊຳອອນ ຮອງນາຍົກລັດຖະມົນຕີ ແຫ່ງຣາຊະອານາຈັກກຳປູເຈຍ ແລະ ໄປຢ້ຽມຢາມສະຖານທີ່ວັດທະນະທຳ ແລະ ເຂດພັດທະນາເສດຖະກິດ-ສັງຄົມຂອງກໍາປູເຈຍອີກຈໍານວນໜຶ່ງ.

- lattana 1 - ລາວ-ກໍາປູເຈຍ ເພີ່ມທະວີຮ່ວມມືວຽກງານແຮງງານ ແລະ ສະຫວັດດີການສັງຄົມ
error: Alert: Content is protected !!