ຕາດນົກເຄົ້າຈຸດທ່ອງທ່ຽວໜຶ່ງທີ່ປະທັບໃຈ

- 895 3 - ຕາດນົກເຄົ້າຈຸດທ່ອງທ່ຽວໜຶ່ງທີ່ປະທັບໃຈ
- Untitled design - ຕາດນົກເຄົ້າຈຸດທ່ອງທ່ຽວໜຶ່ງທີ່ປະທັບໃຈ

ປັດຈຸບັນນີ້ ແຂວງເຊກອງ ມີຫຼາຍສິ່ງສາມາດອໍານວຍ ຄວາມສະດວກ ເປັນຕົ້ນຖະໜົນ ຫົນທາງຊ່ວຍ ເຮັດໃຫ້ຜູ້ຄົນທີ່ ເດີນທາງໄປມາໄດ້ສໍາຜັດກັບ ທໍາະຊາດ, ນໍ້າຕົກຕາດທີ່ສາ ມາດສ້າງຄວາມປະທັບໃຈແກ່ ນັກທ່ອງທ່ຽວທັງພາຍໃນ ແລະ ຕ່າງ ປະເທດເປັນ ຈໍານວນບໍ່ ໜ້ອຍ, ບໍ່ວ່າຈະເປັນແຫຼ່ງ ທ່ອງທ່ຽວທີ່ສ້າງຂຶ້ນມາເອງ ຫຼື ທຳມະຊາດສ້າງມາ. ໂດຍ ສະເພາະເຮົາຈະສໍາຜັດກັບ ສິ່ງ ໃຫຍ່ໆ ແລະ ທໍາມະຊາດອັນ ສວຍສົດງົດງາມເພື່ອຜ່ອນ ຄາຍສະບາຍໃຈ. ດັ່ງຕາດນົກ ເຄົ້າທີ່ຖືເປັນແຫຼ່ງທ່ອງທ່ຽວ ທາງທໍາມະຊາດທີ່ງົດງາມ ອີກແຫ່ງໜຶ່ງ ຂອງແຂວງ ເຊກອງທີ່ມີອາກາດສົດຊື່ນ ເໝາະແກ່ການພັກຜ່ອນ ຢ່ອນ ໃຈໃນຍາມວັນພັກໂດຍການ ໄປນັ່ງ ຊົມວິວສູບເອົາອາ ກາດ ສົດໆ ແລະ ກິ່ນຫອມຂອງ ດອກຄັດເຄົ້າ, ຟັງສຽງນົກໜູ ປູປີກຢ່າງສະອອນໃຈ, ຊຸມ ແຊວກິນເຂົ້າປ່າສາມັກຄີກັບ ຄອບຄົວ, ໝູ່ຄູ່ ດ້ວຍຄວາມ ສຳລານໃຈ.

 

- 521fd - ຕາດນົກເຄົ້າຈຸດທ່ອງທ່ຽວໜຶ່ງທີ່ປະທັບໃຈ

+ ທ່ຽວຕາດປ່າໄລ່

+ ຕາດວັງນ້ຳເຜີ້ງກຽມຕ້ອນຮັບປີທ່ອງທ່ຽວລາວ 2018

- Wave100S AD to Website 2020 0 - ຕາດນົກເຄົ້າຈຸດທ່ອງທ່ຽວໜຶ່ງທີ່ປະທັບໃຈ

ຕາດນົກເຄົ້າ ເປັນສະ ຖານທີ່ທ່ອງທ່ຽວທາງທໍາ ມະຊາດທີ່ ກໍາເນີດເກີດຂຶ້ນ ຢູ່ ຕາມລໍາຫ້ວຍວີ, ມີນໍ້າໄຫຼ ຜ່ານ ຕະຫຼອດປີ ມີອາກາດເຢັນ ສົດຊື່ນ ແຕ່ຈະສັງເກດເຫັນວ່າ ໄລຍະທີ່ມີນັກທ່ອງທ່ຽວເຂົ້າ ໄປທ່ຽວຊົມຫຼາຍທີ່ສຸດແມ່ນ ໄລຍະລະດູແລ້ງ ເພາະໄລຍະ ດັ່ງກ່າວນໍ້າຈະໃສສາມາດ ແນມເຫັນສັດນໍ້ານາໆຊະນິດ ແລະ ກະແສນໍ້າກໍຈະບໍ່ໄຫຼແຮງ ເໝາະແກ່ການລົງໄປຫຼິ້ນນໍ້າ ເພື່ອຜ່ອນຄາຍຄວາມອິດ ເມື່ອຍ ແລະ ສໍາຄັນໄປກວ່ານັ້ນ ໃນບໍລິເວນອ້ອມຮອບຕາດ ແມ່ນຈະປົກຄຸມໄປດ້ວຍປ່າໄມ້ ແລະ ມີອຸດົມໄປດ້ວຍພືດພັນ ທັນຍາຫານພ້ອມທັງເປັນແຫຼ່ງ ທໍາມາຫາກິນເພື່ອລ້ຽງຊີບໃນ ຊີວິດປະຈໍາວັນຂອງປະຊົນຢູ່່ ແຖບນັ້ນນໍາອີກ.

ມີເລື່ອງເລົ່າ ສູ່ກັນຟັງ ວ່າ: ຕາດດັ່ງກ່າວໃນເມື່ອກ່ອນ ແມ່ນຊາວບ້ານໄດ້ພາກັນມາ ຫາກິນແລ້ວກໍໄດ້ພົບເຫັນໝູ່ ນົກເຄົ້າມາເຮັດຮັງໃສ່ຢູ່ຕົ້ນ ໄມ້ໃຫຍ່ເທິງຕາດຕົ້ນໜຶ່ງ ຢ່າງຜິດປົກກະຕິ. ດັ່ງນັ້ນ ຊາວ ບ້ານຈຶ່ງໄດ້ເອີ້ນຊື່ຕາດນີ້ ວ່າ: ຕາດນົກເຄົ້າຈົນມາຮອດ ປັດຈຸບັນນີ້.

ດັ່ງນັ້ນ ຖ້າຫາກໃຜຍັງ ບໍ່ ທັນໄດ້ໄປສໍາຜັດກັບທໍາມະ ຊາດ-ອາກາດປອດ ໂປ່ງຂອງ ຕາດນົກເຄົ້າ ໂດຍມີທີ່ຕັ້ງຢູ່ ບ້ານ ໜອງບົງ ເມືອງລະມາມ ແຂວງເຊກອງ ຫ່າງຈາກເທ ສະບານເມືອງ ໄປ 14 Km ແລະ ຫ່າງຈາກເສັ້ນທາງເລກ ທີ 16B ປະມານ 2 Km ເຊິ່ງ ໄດ້ເລີ່ມເປີດບໍລິການນໍາໃຊ້ ແຕ່ ປີ 2008 ເປັນຕົ້ນມາ./.

- WhatsApp Image 2020 05 27 at 5 - ຕາດນົກເຄົ້າຈຸດທ່ອງທ່ຽວໜຶ່ງທີ່ປະທັບໃຈ
- WhatsApp Image 2020 05 27 at 5 - ຕາດນົກເຄົ້າຈຸດທ່ອງທ່ຽວໜຶ່ງທີ່ປະທັບໃຈ
error: Alert: ເນື້ອຫາຂ່າວມີລິຂະສິດ !!