ມາລະຍາດເທິງຖະໜົນທີ່ທ່ານຄວນປະຕິບັດ

- advert banner 728 90 728x90 - ມາລະຍາດເທິງຖະໜົນທີ່ທ່ານຄວນປະຕິບັດ

ການຂັບຂີ່ລົດເທິງທ້ອງຖະໜັນຫົນທາງ (ລວມເຖິງພຶດຕິກຳອື່ນໆໃນສັງຄົມ) ບໍ່ພຽງຕ້ອງປະຕິບັດຕາມກົດໝາຍເທົ່ານັ້ນ, ແຕ່ຍັງຄວນຄຳນຶງເຖິງມາລະຍາດຕໍ່ໝູ່ຮ່ວມທ້ອງຖະໜົນນຳ ເພາະບໍ່ພຽງຈະຊ່ວຍຫລຸດຄວາມເຄັ່ງຄຽດເທິງທ້ອງຖະໜົນທີ່ມີການສັນຈອນໜາແໜ້ນເທົ່ານັ້ນ, ແຕ່ບາງເທື່ອຍັງຫລຸດຜ່ອນບັນຫາຈະລາຈອນໄດ້ນຳອີກ. ຕໍ່ໄປນີ້ແມ່ນ 6 ມາລະຍາດທີ່ຄວນປະຕິບັດເທິງທ້ອງຖະໜົນ.

- lattana 1 - ມາລະຍາດເທິງຖະໜົນທີ່ທ່ານຄວນປະຕິບັດ

     1.​ ຂໍອະໄພລົດຄັນອື່ນ : ການຂໍອະໄພເປັນມາລະຍາດຂັ້ນພື້ນຖານທີ່ຄວນປະຕິບັດຢ່າງສະໝໍ່າສະເໝີ ຫາກທ່ານພາດພັ້ງເຮັດພຶດຕິກຳທີ່ບໍ່ເໝາະສົມຢ່າງບໍ່ຕັ້ງໃຈ ດັ່ງການຂັບລົດຕັດໜ້າຄັນອື່ນ, ການຈອດລົດກີດຂວາງເທິງເສັ້ນເຫລືອງ ແລະ ອື່ນໆ ຄວນຂໍອະໄພໂດຍສາມາດເຮັດໄດ້ໂດຍການຍົກມື ຫລື ອາດເປີດໄຟສຸກເສີນໃຫ້ຄັນຫລັງໄດ້ຮູ້ ການຂໍອະໄພຈະຊ່ວຍຫລຸດບັນຍາກາດຄວາມເຄັ່ງຄຽດເທິງທ້ອງຖະໜົນໄດ້ເປັນຢ່າງດີ.

  1. ໃຫ້ສັນຍານຂອບໃຈ : ທຸກເທື່ອທີ່ຜູ້ຂັບຂີ່ລົດຄັນອື່ນໃຫ້ທາງທ່ານຄວນສະແດງຄວາມຂອບໃຈດ້ວຍການສະແດງອອກຄ້າຍຄືກັບການຂໍອະໄພ ຄືການຍົກມື ແລະ ການເປີດໄຟສັນຍານສຸກເສີນ.

     3.​ ບໍ່ເປີດໄຟສູງຕາມໃຈ : ການເປີດໄຟສູງທີ່ຖືກຕ້ອງຈະໃຊ້ເມື່ອຖະໜົນບໍ່ມີແສງສະຫ່ວາງພຽງພໍ ຫລື ການແຈ້ງເຕືອນລົດທີ່ແລ່ນສວນມາທາງໜ້າມີອຸປະຕິເຫດ, ແຈ້ງເຕືອນດ່ານຕຳຫລວດ (ເຊິ່ງການກະທຳດັ່ງກ່າວນີ້ຜິດກົດໝາຍໃນບາງປະເທດ ດັ່ງອົດສະຕຣາລີ) ແລະ ການແຈ້ງວ່າຈະເລັ່ງແຊງ. ໃນທາງກົງກັນຂ້າມ ການເປີດໄຟສູງບໍ່ຄວນໃຊ້ໄລ່ລົດຄັນທີ່ແລ່ນຊ້າກ່ວາຢູ່ທາງໜ້າ ຫລື ໃຊ້ໃນທາງຫຍາບຄາຍ.

- 1 1 - ມາລະຍາດເທິງຖະໜົນທີ່ທ່ານຄວນປະຕິບັດ
  1. ປິດໄຟເມື່ອຈອດທາງແຍກ: ຖ້າທ່ານຈອດເປັນຄັນທາງໜ້າສຸດຢູ່ 4 ແຍກ ຫລື 3 ແຍກໄຟແດງ (ໂດຍສະເພາະທາງແຍກຂະໜາດນ້ອຍ) ໄຟໜ້າຂອງທ່ານຍ່ອມສ່ອງຕາລົດຟາກກົງກັນຂ້າມ ຜູ້ຂັບຂີ່ລົດໃນບາງປະເທດມັກປິດໄຟໜ້າເມື່ອຈອດຕິດໄຟແດງ ເພື່ອບໍ່ໃຫ້ລົບກວນເພື່ອນຮ່ວມທ້ອງຖະໜົນ. ຂະນະດຽວກັນ ເມື່ອຕ້ອງຂັບລົດສວນກັນໃນທາງແຄບໆ ການປິດໄຟໜ້າໃຫ້ເຫລືອພຽງໄຟຕາຫລີ່ກໍຈະເປັນການຮັກສາມາລະຍາດທີ່ດີເຊັ່ນກັນ, ແຕ່ຄວນກະທຳເມື່ອໝັ້ນໃຈວ່າເທິງຖະໜົນມີແສງສະຫ່ວາງພຽງພໍ ແລະ ຢ່າລືມເປີດໄຟໜ້າຫລັງຈາກນັ້ນນຳ.
  2. ຮັກສາຊ່ອງທາງຈະລາຈອນ : ຖ້າຜູ້ຂັບຂີ່ທຸກຄົນຂັບລົດຢູ່ໃນເລນຂອງຕົນເອງ ແລະ ບໍ່ປ່ຽນເລນເລື້ອຍໆຈະຊ່ວຍໃຫ້ການຈະລາຈອນໃນພາບລວມໄຫລລ່ຽນໄປຕາມປົກກະຕິ. ໃນທາງກົງກັນຂ້າມ ຖ້າມີການປ່ຽນເລນຢູ່ຕະຫລອດເວລາຈະເຮັດໃຫ້ການຈະລາຈອນເກີດຄວາມຂັດຂ້ອງຂຶ້ນທັນຕາເຫັນ ຜົນວິໄຈລະບຸວ່າການຂັບຂີ່ເທິງທ້ອງຖະໜົນຫລວງທາງໄກ ຖ້າຜູ້ຂັບຂີ່ຄົນໃດຄົນໜຶ່ງຢຽບເບຣກຈະເຮັດໃຫ້ເກີດປະຕິກິລິຍາຕ່ອງໂສ້ທີ່ເຮັດໃຫ້ການຈະລາຈອນມີຄວາມໜາແໜ້ນຂຶ້ນທັນທີ.
  3. ເຄົາລົບເພື່ອນຮ່ວມທ້ອງຖະໜົນ : ການຂັບຂີ່ຢ່່າງສຸພາບບໍ່ໄດ້ໝາຍເຖິງການເສຍໜ້າ ຫລື ເຮັດໃຫ້ຕົນເອງເສຍປະໂຫຍດແຕ່ຢ່າງໃດ, ຜູ້ຂັບຂີ່ຄວນຄຳນຶງເຖິງມາລະຍາດໃນດ້ານອື່ນໆ ເຊັ່ນ : ການບໍ່ຈອດຢູ່ບ່ອນຈອດລົດຄົນພິການ, ຈອດລົດໃຫ້ກົງຕາມຊ່ອງຈອດ, ລະມັດລະວັງລົດຖີບ ແລະ ລົດຈັກ ລວມເຖິງຄົນຍ່າງຕາມທາງ, ຂັບຊ້າໃນເຂດຊຸມນຸມຊົນ ແລະ ຈອດໃຫ້ຄົນຂ້າມທາງມ້າລາຍ (ຄວນເອົາໃຈໃສ່ວ່າທາງມ້າລາຍໝາຍເຖິງການຢູ່ໃນພື້ນທີ່ຊຸມນຸມຊົນທີ່ມີຄົນຫລາຍ) ແລະ ການບີບແກຢ່າງເໝາະສົມໂດຍບໍ່ຄວນບີບແຊ່ຍາວໆ.