ຫລວງພະບາງກຽມສະຫລອງບຸນປີໃໝ່ລາວຢ່າງຍິ່ງໃຫຍ່ຕ້ອນຮັບປີທ່ອງທ່ຽວລາວ

- advert banner 728 90 728x90 - ຫລວງພະບາງກຽມສະຫລອງບຸນປີໃໝ່ລາວຢ່າງຍິ່ງໃຫຍ່ຕ້ອນຮັບປີທ່ອງທ່ຽວລາວ

ບຸນປີໃໝ່ລາວປີນີ້ ຫລວງ ພະບາງເມື່ອງມໍລະດົກໂລກ ກຽມສະເຫລີມສະຫລອງ ຢ່າງ ຍິ່ງໃຫຍ່, ເພື່ອຕ້ອນຮັບປີທ່ອງ ທ່ຽວລາວນີ້, ຫລາຍກິດຈະກຳ ແລະ ໄດ້ກຽມຄວາມພ້ອມດ້ານ ໂຮງແຮມເຮືອນພັກຫລາຍ ກວ່າ 400 ແຫ່ງໃຫ້ສາມາດ ຮອງຮັບຈໍານວນທ່ອງທ່ຽວ ໄດ້ ຢ່າງພຽງພໍ, ເຊິ່ງຄາດວ່າປີນີ້ ຈະມີນັກທ່ອງທ່ຽວເຂົ້າຮ່ວມ ງານດັ່ງກ່າວ,ປະມານ 5-6 ພັນຄົນ.
ທ່ານ ວົງດາວອນ ວົງໄຊ ຍະລາດ ຫົວໜ້າຂະແໜງໂຄ ສະນາການທ່ອງທ່ຽວ ແຂວງ ຫລວງພະບາງ ໄດ້ເປີດເຜີຍໃຫ້ ຮູ້ວ່າ: ບຸນປີໃໝ່ລາວ ປີນີ້ ຫລວງ ພະບາງຈະເລີມຈັດຕັ້ງແຕ່ ວັນທີ 11-20 ເມສາ, ໂດຍຈະ ມີງານປະກວດນາງສັງຂານ ປະຈຳປີ ພສ 2561, ວັນທີ 13 ມີພິທີແຫ່ຊ້າງຮຽງເກີຍຈາກ ເດີ່ນທາດຫລວງ ຫາ ວັດໃໝ່ ສຸວັນນະພູມາຣາມ ແລະ ວັດ ຊຽງທອງ.

- lattana 1 - ຫລວງພະບາງກຽມສະຫລອງບຸນປີໃໝ່ລາວຢ່າງຍິ່ງໃຫຍ່ຕ້ອນຮັບປີທ່ອງທ່ຽວລາວ

 

- img 4643 640x330 - ຫລວງພະບາງກຽມສະຫລອງບຸນປີໃໝ່ລາວຢ່າງຍິ່ງໃຫຍ່ຕ້ອນຮັບປີທ່ອງທ່ຽວລາວ
(ພາບປະກອບ)

 

+ ສະຖານທູດຫວຽດນາມປະຈຳລາວສະຫລອງປີໃໝ່ປະຈຳຊາດດ້ວຍບັນຍາກາດຟົດຟື້ນ

+ ປີໃໝ່ນີ້ນະຄອນຫລວງຈະສູ້ຊົນໃຫ້ເສດຖະກິດຂະຫຍາຍຕົວບໍ່ຫລຸດ 10,5%

 

ຫລັງຈາກນັ້ນ, ຈະ ມີງານເປີດຕະຫລາດນັດ ຫັດຖະກຳສີມືຂອງປະຊາຊົນ ຫລວງພະບາງ ແລະ ງານເທດ ສະການອາຫານລາວ; ສ່ວນ ວັນທີ 14 ຈະມີການໂລະລາດ ແບບມວນຊົນແຕ່ 3 ແຍກ ບ້ານ ຈຸມຄ້ອງ ຫາ 3 ແຍກພະແນກ ໂຍທາແຂວງ, ຊົມການວາງ ສະແດງຜະລິດຕະພັນສິນຄ້າ ພາຍໃນ ແລະ ຕ່າງປະເທດ. ຈາກນັ້ນ, ຈະມີພິທີອັນເຊີນອາ ລາດທະນາ ພະພຸດທະຮູບລົງ ຫົດສົງຢູ່ຕາມວັດຕ່າງໆ ພາຍ ໃນເມືອງຫລວງພະບາງ, ຕົບ ພະທາດຊາຍ ທີ່ດອນຊາຍມຸງ ຄຸນ, ບູຊາພະທາດຊາຍ, ບາສີ, ສະແດງສິລະປະວັນນະຄະ ດີ, ກິລາພື້ນເມືອງ, ຈູດບັ້ງໄຟ ຫາງ, ທ່ຽວຊົມສະຖານທີ່ ທ່ອງ ທ່ຽວ ເມືອງຈອມເພັດ, ສົງນ້ຳ ພະຢູ່ວັດຕ່າງໆ ແລະ ມີຈະມີ ພິທີໂຮມຊຸມນຸມເພື່ອປະກາດ ການສ້າງຕັ້ງນະຄອນຫລວງ ພະບາງທີ່ເດີ່ນທາດຫລວງ; ວັນທີ 15 ຈະມີການທ່ຽວຊົມ ບ້ານວັດທະນະທຳເຜົ່າລື້ຜາ ນົມ, ຊົມການສະແດງສີລະ ປະວັນນະຄະດີ ທີ່ເປັນເອກະ ລັກຂອງເຜົ່າລື້, ບາສີໃຫ້ແກ່ ບັນດາການນຳ ຫລັງຈາກນັ້ນ ກໍຈະມີການສະຫລອງປີທ່ອງ ທ່ຽວລາວທີ່ແຂວງຫລວງພະ ບາງ ຢູ່ດ້ານໜ້າ ຫໍພິພິທະພັນ, ເຊິ່ງຈະເລີ່ມຕົ້ນຂະບວນແຫ່ ຫວໍ່ ໄປຕາມເສັ້ນທາງຖະໜົນສີສະ ຫວ່າງວົງ, ແຕ່ວັດທາດນ້ອຍ ຫາວັດຊຽງທອງພ້ອມກັບສົງ ນ້ຳພະເພື່ອເປັນສິລີມຸງຄຸນຕາມ ວັດຕ່າງໆ, ວັນທີ 16 ຈະມີພິ ທີໃສ່ບາດ ຢູ່ໜ້າວັດແສນ ແລະ ຂຶ້ນບູຊາພະທາດຈອມສີ, ຊົມ ຂະບວນແຫ່ຫວໍ່ ຢູ່ຕາມເສັ້ນ ທາງສີສະຫວ່າງວົງແຕ່ຊຽງ ທອງຫາວັດທາດນ້ອຍ, ຊົມ ຂະບວນແຫ່ ພະຍານາກ, ໂຄມ ໄຟ ແຕ່ພະທາດຈອມສີລົງມາ ເຂົ້າສູ່ຫໍພິພິທະພັນ (ພະລາດ ຊະວັງເກົ່າ) ແລະ ຊົມການສະ ແດງລະຄອນພະລັກ-ພະລາມ, ຟ້ອນຍັກ, ຟ້ອນລິງ ແລະ ຟ້ອນ ນາງແກ້ວ, ສ່ວນວັນທີ 17 ຈະມີພິທີ ອາລາດທະນາອັງ ເຊີນພະບາງລົງປະດິດ ສະ ຖານໄວ້ວັດໃໝ່ສຸວັນນະພູມ ມາຣາມ ແລະ ຈັດຕັ້ງພິທີຫົດ ສົງຫລັງຈາກນັ້ນການນຳພັກ- ລັດ ແລະ ນາງສັງຂານທັງ 7 ກໍຈະໄປສົງນ້ຳພະພຸດທະຮູບ ຢູ່ຖໍ້າຕິ່ງຕາມຮິດຄອງປະເພນີ, ສ່ວນວັນທີ 18-19 ສືບຕໍ່ສົງ ນ້ຳພະບາງ ແລະ 20 ຈະມີພິ ທີອາລາດທະນາອັງເຊີນພະ ບາງຈາກວັດໃໝ່ ສຸວັນນະພູ ມາຣາມ ກັບຄືນປະດິດສ ຖານ ຂຶ້ນສູ່ຫໍພະບາງ./.

- 17632461 468700473470684 3050182952582570061 o 1024x692 - ຫລວງພະບາງກຽມສະຫລອງບຸນປີໃໝ່ລາວຢ່າງຍິ່ງໃຫຍ່ຕ້ອນຮັບປີທ່ອງທ່ຽວລາວ
(ພາບປະກອບ)