ໄຂງານວາງສະ​ແດງ​ຜະລິດ​ຕະພັນ​ລາວ ປະຈຳ​ປີ 2018

- advert banner 728 90 728x90 - ໄຂງານວາງສະ​ແດງ​ຜະລິດ​ຕະພັນ​ລາວ ປະຈຳ​ປີ 2018

ງານ​ວາງສະ​ແດງ​ຜະລິດ​ຕະພັນ​ລາວ ຄັ້ງ​ທີ 5 ປະຈຳ​ປີ 2018, ​ໄດ້​ຈັດ​ຂຶ້ນ​ໃນວັນ​ທີ 14 ມີນາ ນີ້,  ​ໂດຍ​ການ​ໃຫ້ກຽດ​ເຂົ້າຮ່ວມ​ຂອງທ່ານ ທອງ​ລຸນ ສີ​ສຸ​ລິດ ນາຍົກລັດຖະມົນຕີ, ມີ​ບັນດາ​ທູ​ຕາ​ນຸທູດ ​ແລະ ຜູ້​ປະກອບ​ການ​ເຂົ້າຮ່ວມ​ເປັນ​ຈຳນວນ​ຫລາຍ.

- lattana 1 - ໄຂງານວາງສະ​ແດງ​ຜະລິດ​ຕະພັນ​ລາວ ປະຈຳ​ປີ 2018

ທ່ານ ນາງ ຈັນທະ​ຈອນ ວົງ​ໄຊ ຮອງ​ປະທານ​ສະພາ​ການ​ຄ້າ ​ແລະ ອຸດສາຫະກຳ ​ແຫ່ງ​ຊາດ​ ​ໃຫ້​ຮູ້​ວ່າ: ອີງ​ຕາມ​ການ​ຊີ້ນຳ​ຢ່າງ​ໃກ້​ສິດ​ຈາກ​ພັກ-ລັດຖະບານ, ​ໂດຍ​ສະ​ເພາະ​ແມ່ນ​ກະຊວງ​ອຸດສາຫະກຳ ​ແລະ ການ​ຄ້າ, ຕໍ່ວຽກງານ​ການ​ຊຸກຍູ້​ສົ່ງ​ເສີມ​ການ​ຜະລິດ​ເປັນ​ສິນຄ້າ​ພາຍ​ໃນ​ປະ​ເທດ ​ແລະ ​ເພື່ອ​ຊຸກຍູ້​ສ້າງ​ຄວາມ​ເຂັ້ມ​ແຂງ​ໃຫ້​ຜູ້​ປະກອບ​ການ​ພາຍ​ໃນ, ສະພາ​ການ​ຄ້າ ​ແລະອຸດສາຫະກຳ​ ແຫ່ງ​ຊາວ​ລາວ, ຈຶ່ງ​ໄດ້​ຈັດງານ​ວາງສະ​ແດງ​ຜະລິດ​ຕະພັນ​ລາວ ຄັ້ງ​ທີ 5 ຂຶ້ນລະຫວ່າງ​ວັນ​ທີ 14-18 ມີນາ ນີ້, ເພື່ອ​ເຕົ້າ​ໂຮມ​​ເອົາ​ຜະລິດ​ຕະພັນ​ທີ່​ມີ​ການ​ປະດິດ​ສ້າງ​ທີ່​ໂດດ​ເດັ່ນ, ​ເປັນ​ເອກະລັກ, ​ເປັນ​ຕົ້ນ​​ແມ່ນ​ຜະລິດ​ຕະພັນຈາກ 18 ​ແຂວງ​ທົ່ວ​ປະ​ເທດເຊັ່ນ: ຊາ​ຜົ້ງ​ສາລີ, ສິ້ນຊຳ​ເຫນືອ, ຫັດຖະກຳ​ຫລວງ​ພະ​ບາງ, ​ເຂົ້າ​ໄກ່​ນ້ອຍ​ຊຽງຂວາງ, ຜະລິດ​ຕະພັນ​ເຟີ​ນີ​ເຈີ, ​ເຄື່ອງດື່ມ ​ແລະ ອື່ນໆ, ​ໂດຍ​ມີ​ຫ້ອງ​ວາງສະ​ແດງ​ຫລາຍ​ກວ່າ 200 ຮ້ານ, ຊຶ່ງ​​ເປັນ​ການ​ປະກອບສ່ວນ​ໃນ​ປີ​ທ່ອງ​ທ່ຽວລາວ ​ແລະ ຄາດ​ຄະ​ເນ​ຜູ້​ທີ່​ຈະ​ເຂົ້າ​ຊົມ​ງານ​ໃນ​ຄັ້ງ​ນີ້​ເປັນ​ຈຳນວນ​ຫລາຍ.

​ໃນ​ໂອກາດ​ດັ່ງກ່າວ, ທ່ານ​ນາຍົກລັດຖະມົນຕີ ກໍ​ໄດ້​ຢ້ຽມຊົມ​ຫ້ອງ​ວາງສະ​ແດງຜະລິດ​ຕະພັນລາວ​ທີ່​ໄດ້​ເຂົ້າ​ຮ່ວມ, ພ້ອມ​ທັງ​ສະ​ແດງ​ຄວາມຊົມ​ເຊີຍ​ຕໍ່ຫົວໜ່ວຍທຸລະ​ກິດ​ຜູ້​ປະກອບ​ການ​ລາວ ທີ່​ມີ​ຫົວຄິດ​ປະດິດ​ສ້າງ, ສ້າງ​ສິນຄ້າ​ລາວ​ໃຫ້​ໂດດ​ເດັ່ນ, ປະກອບສ່ວນ​ໃຫ້​ພຶ້ນຖານ​ເສດຖະກິດ​ຂອງ​ປະ​ເທດ​ໃຫ້​ເຕີບ​ໃຫຍ່ຂຶ້ນ​ເປັນ​ກ້າວໆ.

- Tiger Head 728x90 - ໄຂງານວາງສະ​ແດງ​ຜະລິດ​ຕະພັນ​ລາວ ປະຈຳ​ປີ 2018
- 1 1 - ໄຂງານວາງສະ​ແດງ​ຜະລິດ​ຕະພັນ​ລາວ ປະຈຳ​ປີ 2018
error: Content is protected !!