ເຂດ​ເສດຖະກິດ​ພິ​ເສດ​ຂອງ​ລາວສາມາດ​ດຶງ​ດູດ​ຜູ້​ເຂົ້າມາ​ລົງທຶນ​ໄດ້​ແລ້ວ​ກວ່າ 50 ບໍລິສັດ

- advert banner 728 90 728x90 - ເຂດ​ເສດຖະກິດ​ພິ​ເສດ​ຂອງ​ລາວສາມາດ​ດຶງ​ດູດ​ຜູ້​ເຂົ້າມາ​ລົງທຶນ​ໄດ້​ແລ້ວ​ກວ່າ 50 ບໍລິສັດ

ຂະ​ແໜງ​ກ່ຽວຂ້ອງ​ລາຍ​ງານ​ວ່າ: ມາ​ຮອດ​ປັດຈຸບັນ ​ເຂດ​ເສດຖະກິດ​ພິ​ເສດ​ຂອງ​ລາວ​ສາມາດ​ດຶງ​ດູດ​ຜູ້​ເຂົ້າມາ​ລົງທຶນ​ໄດ້​ແລ້ວ 51 ບໍລິສັດ ລວມມີ​ມູນ​ຄ່າ​ການ​ລົງທຶນ​ທັງ​ໝົດ​ຫລາຍ​ກວ່າ 120 ລ້ານ​ໂດ​ລາ​ສະຫະລັດ, ​ໃນ​ນັ້ນ​ເປັນ​ການ​ລົງທຶນ​ພາຍ​ໃນ 5 ບໍລິສັດ, ຕ່າງປະ​ເທດ 45 ບໍລິສັດ ​ແລະ ຮ່ວມ​ທຶນ​ລະຫວ່າງ​ພາຍ​ໃນ ​ແລະ ຕ່າງປະ​ເທດມີ 1 ບໍລິສັດ. ການ​ລົງທຶນ​ສ່ວນ​ໃຫຍ່​ແມ່ນ​ຂະ​ແໜງ​ການ​ບໍລິການກວມ​ເອົາ​ປະມານ 44% ​ແລະ ຖັດລົງ​ມາ​ແມ່ນ​ຂະ​ແໜງ​ການ​ຄ້າ​ກວມ​ເອົາ 42%, ສ່ວນ​ຂະ​ແໜງ​ອຸດສາຫະກຳກວມ​ພຽງ 16%.

- new3 - ເຂດ​ເສດຖະກິດ​ພິ​ເສດ​ຂອງ​ລາວສາມາດ​ດຶງ​ດູດ​ຜູ້​ເຂົ້າມາ​ລົງທຶນ​ໄດ້​ແລ້ວ​ກວ່າ 50 ບໍລິສັດ

​ໃນ​ປີ 2017 ​ເຂດ​ເສດຖະກິດ​ດັ່ງກ່າວ​ສາມາດ​ປະຕິບັດ​ພັນທະ​ໃຫ້​ລັດ​ໄດ້​ຫລາຍ​ກວ່າ 6 ລ້ານ​ໂດ​ລາ ຈາກ​ຄ່າ​ສຳ​ປະທານ​ທີ່​ດີ, ອາກອນ​ເງິນ​ເດືອນ, ອາກອນ​ກຳ​ໄລ, ອາກອນ​ມູນ​ຄ່າ​ເພີ່ມ, ອາກອນ​ຊົມ​ໃຊ້ ​ແລະ ຄ່າ​ບໍລິການ​ອື່ນໆ ​ແລະ ຜ່ານ​ມາ​ນີ້, ລັດຖະບານ​ໄດ້​ເອົາ​ໃຈ​ໃສ່​ຕໍ່​ການ​ພັດທະນາ ​ແລະ ຄຸ້ມ​ຄອງ​ເຂດ​ເສດຖະກິດ​ພິ​ເສດ, ພ້ອມ​ມີ​ການ​ປັບປຸງ​ຮ່າງ​ດຳລັດ​ວ່າ​ດ້ວຍ​ເຂດ​ເສດຖະກິດ​ດັ່ງກ່າວ ​ເພື່ອ​ໃຫ້ການ​ເຄື່ອນ​ໄຫວ​ຂອງ​ມັນ​ມີ​ປະສິດທິ​ຜົນ​ສູງ​ຂຶ້ນ. ກໍ​ດັ່ງ​ໂຄງການ​ກໍ່ສ້າງ​ເຂດ​ພັດທະນາ​ກວມ​ລວມ​ໄຊ​ເສດ​ຖາ ​ໂດຍ​ແມ່ນ​ການ​ລົງທຶນ​ຮ່ວມ​ລະຫວ່າງ​ນະຄອນຫລວງ​ວຽງ​ຈັນ ​ແລະ ບໍລິສັດ​ລົງທຶນ​ຕ່າງປະ​ເທດ ​ແຂວງ​ຢຸນນານ ສປ ຈີນ ​ໃນ​ມູນ​ຄ່າ​ການ​ລົງທຶນ​ທັງ​ໝົດ 128 ລ້ານ​ໂດ​ລາ​ສະຫະລັດ, ​ໃນ​ນັ້ນຝ່າຍ​ລາວ​ຖື​ຫຸ້ນ 25% ​ແລະ ຝ່າຍ​ຈີນ 75% ມາ​ຮອດ​ປັດຈຸບັນ​ການ​ກໍ່ສ້າງ​ພື້ນຖານ​ໂຄງ​ລ່າງ​ໄລຍະ​ທີ I ກໍ​ມີ​ຜົນສຳ​ເລັດ​ສູງ ຄື​ສຳ​ເລັດ​ການ​ກໍ່ສ້າງ​ເສັ້ນທາງ​ຍາວ 18 ກິ​ໂລ​ແມັດ, ປັບ​ໜ້າດິນ 400 ​ເຮັກຕາ, ກໍ່ສ້າງ​ລະບົບ​ນ້ຳປະປາ ​ແລະ ຮ່ອງ​ລະບາຍ​ນ້ຳສຳ​ເລັດ. ພ້ອມ​ນັ້ນກໍ​ໄດ້​ສ້າງ​ໂຮງງານ​ລະດັບ​ມາດຕະຖານ​ໃນ​ເນື້ອທີ່ 5 ​ເຮັກຕາ, ກໍ່ສ້າງ​ອາຄານ​ຫໍ​ພັກ​ພະນັກງານ, ສູນ​ບໍລິການ​ລູກ​ຄ້າ ​ແລະ ຕຶກ​ອາຄານ​ອື່ນໆ​ອີກ​ໃນ​ເນື້ອທີ່ 2 ​ເຮັກຕາ, ປັດຈຸບັນ ພວມ​ສຸມ​ໃສ່​ກໍ່ສ້າງ​ສະຖານີ​ໄຟຟ້າ 115 ກິ​ໂລ​ໂວ​ນ ​ແລະ ​ໄດ້​ເຊີນ​ເອົາ​ນັກ​ອອກ​ແບບ​ທີ່​ມີ​ຊື່​ສຽງ​ຂອງ​ສິງກະ​ໂປ​ເຂົ້າມາ​ອອກ​ແບບ​ວາງ​ແຜນ​ພັດທະນາ​ໄລຍະ II ​ແລະ III ​ໃຫ້​ສຳ​ເລັດ​ຕາມ​ເປົ້າໝາຍ.

- lattana 1 - ເຂດ​ເສດຖະກິດ​ພິ​ເສດ​ຂອງ​ລາວສາມາດ​ດຶງ​ດູດ​ຜູ້​ເຂົ້າມາ​ລົງທຶນ​ໄດ້​ແລ້ວ​ກວ່າ 50 ບໍລິສັດ
error: Content is protected !!