ຫລິ້ນໂທລະສັບຫລາຍເຮັດໃຫ້ມີອາການຕາແຫ້ງແລະຈໍປະສາດຕາເສື່ອມ

- advert banner 728 90 728x90 -   ຫລິ້ນໂທລະສັບຫລາຍເຮັດໃຫ້ມີອາການຕາແຫ້ງແລະຈໍປະສາດຕາເສື່ອມ

        ແພດເຕືອນໃຊ້ສະມາດໂຟນຫລາຍເຮັດໃຫ້ຕາແຫ້ງ ແລະ ຈໍປະສາດຕາເສື່ອມໄວ ສ່ວນການຫລິ້ນໂທລະສັບໃນບ່ອນມືດບໍ່ໄດ້ ເຮັດໃຫ້ຕາບອດ. ອາການຕາແຫ້ງເປັນອາການທີ່ພົບໄດ້ຫລາຍທີ່ສຸດ 70 – 80% ນອກຈາກມາພົບແພດດ້ວຍອາການເຄືອງຕາ, ບໍ່ສະບາຍຕາ ເຊິ່ງເມື່ອສອບຖາມອາການແລ້ວກໍໍພົບວ່າມີອາການຕາແຫ້ງທັງໝົດ ໂດຍອາການຕາແຫ້ງເກີດໄດ້ຈາກຫລາຍສາເຫດ ເຊັ່ນ : ຈາກຄວາມເສື່ອມຂອງຕ່ອມນຳ້ຕາຕາມໄວ ຫລື ຄວາມບໍ່ດຸ່ນດ່ຽງຂອງຮໍໂມນໃນຮ່າງກາຍ ໂດຍສະເພາະໃນເພດຍິ່ງ ເຊິ່ງເຮັດໃຫ້ຄຸນນະພາບຂອງນຳ້ຕາຫລຸດລົງ. ການໃສ່ຄອນແທັກເລັນ ສະພາບແວດລ້ອມທີ່ມີແຕ່ມົນລະພິດ ເຮັດໃຫ້ເກີດອາການພູມແພ້ຢູ່ຕາ ລວມເຖິງພຶດຕິກຳການໃຊ້ຊີວິດຂອງຜູ້ຄົນໃນຍຸກປະຈຸບັນ ເຊັ່ນ : ການຈ້ອງຈໍຄອມພິວເຕີ ຫລື ສະມາດໂຟນເປັນເວລາດົນເກີນໄປ.

- lattana 1 -   ຫລິ້ນໂທລະສັບຫລາຍເຮັດໃຫ້ມີອາການຕາແຫ້ງແລະຈໍປະສາດຕາເສື່ອມ

ຄົນປ່ວຍອາການຕາແຫ້ງມັກມີອາການຄັນ ຫລື ເຄືອງຄ້າຍຄືມີດິນຊາຍ ຫລື ຂີ້ຝຸ່ນຢູ່ໃນຕາ, ບໍລິເວນຕາຂາວມີສີແດງຈາກການອັກເສບ, ຂອບເປືອກຕາແດງ, ແພ້ແສງ, ແພ້ລົມ, ຕາມົວເປັນບາງເວລາ ແລະ ຮູ້ສຶກບໍ່ສະບາຍຕາຕອນຕື່ນນອນ ເຊິ່ງຫາກປະໄວ້ໃນໄລຍະຍາວ ອາການເຄືອງຕາຈະຍິ່ງຮຸນແຮງຂຶ້ນເກີດການອັກເສບ ແລະ ການເຄັ່ງຂອງເປຶອກຕາ ເຮັດໃຫ້ຂົນຕາລົງມາແທງຕາ ສຸດທ້າຍຫາກເກີດການລະຄາຍເຄືອງຈົນແກ້ວຕາເປັນບາດແຜ ອາດຈຳເປັນຕ້ອງໄດ້ຮັບການຜ່າຕັດແກ້ໄຂໃນທີ່ສຸດ.

ອາການຕາແຫ້ງອາດເປັນໝົດເວັນໝົດຄືນ ຜົນທີ່ຕາມມາຄືປະສິດທິພາບ ແລະ ຄວາມອົດທົນໃນການເຮັດວຽກຈະຫລຸດລົງ ບໍ່ຢາກອ່ານໜັງສື, ບໍ່ຢາກໃຊ້ສາຍຕາ, ບໍ່ຢາກເຮັດວຽກ. ປະຈຸບັນຄົນທຸກກຸ່ມທຸກໄວຫັນມາໃຊ້ໂທລະສັບສະມາດໂຟນກັນຫລາຍຂຶ້ນ ບັນຫາຢ່າງໜຶ່ງທີ່ຕັ້ງຂໍ້ສັງເກດຄື ແສງທີ່ອອກມາຈາກສະມາດໂຟນສົ່ງຜົນກະທົບຕໍ່ດວງຕາຫລືບໍ່ ເນື່ອງຈາກມີຄວາມກັງວົນເຖິງລັງສີ ຫລື ແສງສີຟ້າທີ່ອອກມາຈາກໂທລະສັບສະມາດໂຟນ ວ່າຈະກະທົບດວງຕາ, ແຕ່ຮູ້ຫລືບໍ່ວ່າ ແສງສີຟ້າບໍ່ແມ່ນບັນຫາຫລາຍ ເນື່ອງຈາກແສງທີ່ອອກມາຈາກໂທລະສັບຍັງມີລັງສີອັລຕຣາໄວໂອເລດ ເຊິ່ງຕິດກັບແສງສີຟ້າ ໂດຍລັງສີນີ້ໜ້າຢ້ານຫລາຍ ເນື່ອງຈາກຫາກກະທົບກັບດວງຕາຫລາຍໆເປັນເວລາດົນ ຈະສົ່ງຜົນໃຫ້ຈໍຕາເສື່ອມກາຍເປັນຕາຕໍ້ໄດ້. ແສງສີຟ້າບໍ່ໄດ້ເກີດບັນຫາໂດຍກົງ ແຕ່ເປັນຕົ້ນກຳເນີດຂອງລັງສີອັລຕຣາໄວໂອເລັດ. ແນວໃດກໍຕາມ, ບໍ່ໄດ້ໝາຍຄວາມວ່າຈະຫ້າມໃຊ້ໂທລະສັບສະມາດໂຟນ ຫລື ແທັບເລັດ, ແຕ່ໃຫ້ຮູ້ຈັກໃຊ້ຢ່າງເປັນເວລາ ໂດຍຫລາຍສຸດໃຫ້ພັກການໃຊ້ທຸກໆ 2 ຊົ່ວໂມງ, ແຕ່ດີທີ່ສຸດແມ່ນທຸກ 1 ຊົ່ວໂມງຄວນພັກສາຍຕາຈັກໄລຍະ, ເບິ່ງໄປໄກໆ ຫລື ປັບປ່ຽນທ່າທາງໄປເຮັດກິດຈະກຳອື່ນແດ່ ທັງຫລິ້ນກິລາ, ອອກກຳລັງກາຍ ໂດຍ ສະເພາະເດັກນ້ອຍ ພໍ່ແມ່ຜູ້ປົກຄອງຄວນໝັ່ນເບິ່ງແຍງ ແລະ ກຳນົດເວລາໃນການຫລິ້້ນເກມໃນໂທລະສັບມືຖື ຫລື ແທັບເລັດນຳ ເພາະນອກຈາກລັງສີດັ່ງກ່າວແລ້ວ ການຈ້ອງເບິ່ງໂທລະສັບຫລາຍໆ ຍັງສົ່ງຜົນໃຫ້ເກີດອາການປວດຕາ ເນື່ອງຈາກກ້າມຊີ້ນຕາຖືກໃຊ້ງານຫລາຍ ແລະ ຍັງເກີດສາຍຕາສັ້ນທຽມ ໄປຈົນເຖິງອາດສາຍຕາສັ້ນຖາວອນໄວຂຶ້ນ ລວມທັງໃນຜູ້ເຖົ້າຄືກັນ ເນື່ອງ ຈາກຕ້ອງຈ້ອງສາຍຕາຫລາຍໆກໍຈະເຮັດໃຫ້ຕາອິດເມື່ອຍປວດຕາຫລາຍຂຶ້ນ.

ການຫລິ້ນໂທລະສັບສະມາດໂຟນ ຫລື ແທັບເລັດໃນຕອນກາງຄືນຈະບໍ່ເຮັດໃຫ້ຕາບອດ ພຽງແຕ່ແສງໜ້ອຍ ແລະ ແສງຈາກໂທລະສັບຈະສົ່ງຜົນໃຫ້ມີການໃຊ້ກ້າມຊີ້ນຕາຫລາຍຂຶ້ນ ເຮັດໃຫ້ປວດຕາ ແຕ່ບໍ່ເຖິງຂັ້ນຕາບອດ.

- 1 1 -   ຫລິ້ນໂທລະສັບຫລາຍເຮັດໃຫ້ມີອາການຕາແຫ້ງແລະຈໍປະສາດຕາເສື່ອມ

ແພດຍີ່ປຸ້ນເຕືອນວ່າການໃຫ້ລູກຫລິ້ນໂທລະສັບມືຖືສົ່ງຜົນເສຍທຸກດ້ານ ເພາະໂທລະສັບມືຖືເປັນອັນຕະລາຍສົ່ງຜົນກະທົບດ້ານລົບຕໍ່ເດັກທັງສຸຂະພາບພາບກາຍ, ການຮຽນ ແລະ ພັດທະນາການໃນດ້ານຕ່າງໆ ເຊິ່ງຜົນກະທົບຈາກການໃຊ້ສະມາດໂຟນຫລາຍເກີນໄປເຮັດໃຫ້ນອນຫລັບບໍ່ພຽງພໍ, ຜົນການຮຽນອ່ອນ, ສະມັດຕະພາບທາງຮ່າງກາຍຫລຸດລົງ, ສາຍຕາບໍ່ດີ, ພັດທະນາການທາງສະໝອງຊ້າລົງ, ຄວາມສາມາດໃນການສື່ສານຫລຸດລົງ ຜົນກະທົບຕໍ່ການຕ້ອງຈ້ອງເບິ່ງຈໍໂທລະສັບເຮັດໃຫ້ເສຍສາຍຕາ, ນອນຫລັບບໍ່ພຽງພໍ ແລະ ຂາດການອອກກຳລັງກາຍຈົນສຸຂະພາບຖົດຖອຍລົງ ນັ້ນເປັນເລື່ອງທີ່ຮູ້ກັນດີ, ແຕ່ຜົນກະທົບຕໍ່ສະໝອງ ແລະ ການຮຽນກໍໄດ້ຮັບການພິສູດໂດຍຜົນການສຳຫລວດແລ້ວ ໂທລະສັບມືຖືຍິ່ງນ້ອຍ ຜົນກະທົບຍິ່ງຫລາຍ.