ອັງກິດຂັບໄລ່ທູດຣັດເຊຍ 23 ຄົນ ເພື່ອຕອບໂຕ້ ກໍລະນີວາງຢາອະດີດສາຍລັບຣັດເຊຍ

- advert banner 728 90 728x90 - ອັງກິດຂັບໄລ່ທູດຣັດເຊຍ 23 ຄົນ ເພື່ອຕອບໂຕ້ ກໍລະນີວາງຢາອະດີດສາຍລັບຣັດເຊຍ

ທາງ​ການ​ອັງກິດ​ປະກາດ​ຂັບ​ໄລ່​ຄະນະ​ທູດ 23 ຄົນອອກ​ຈາກ​ປະ​ເທດ​ເປັນຄັ້ງ​ໃຫຍ່​ທີ່​ສຸດ​ນັບ​ແຕ່​ສົງຄາມ​ເຢັນ ຕາມ​ຂໍ້​ກ່າວ​ຫາ​ວ່າຣັດ​ເຊຍ​ໃຊ້​ສານ​ເຄມີ​ວາງຢາ​ອະດີດ​ສາຍ​ລັບ​ສອງ​ໜ້າ​ຂອງຣັດ​ເຊຍ​ໃນ​ອັງກິດ ​ເຊິ່ງນາຍົກລັດຖະມົນຕີ ​ເທ​ເຣຊາ ​ເມ ຂອງ​ອັງກິດ​ກ່າວ​ໂທດ​ວ່າ​ເປັນ​ການ​ກະທຳ​ຂອງຣັດ​ເຊຍ ​ແລະ ອາ​ເມ​ລິ​ກາ​ສະໜັບສະໜູນ​ຂໍ້​ກ່າວ​ຫາ​ທີ່​ມີ​ຕໍ່ຣັດ​ເຊຍ​ຄັ້ງນີ້.

- lattana 1 - ອັງກິດຂັບໄລ່ທູດຣັດເຊຍ 23 ຄົນ ເພື່ອຕອບໂຕ້ ກໍລະນີວາງຢາອະດີດສາຍລັບຣັດເຊຍ

ນາຍົກລັດຖະມົນຕີ ​ເມ ກ່າວ​ໂຈມ​ຕີ​ດ້ວຍ​ຄວາມ​ໝັ້ນ​ໃຈ​ໄປ​ທີ່​ປະທານາທິບໍດີ ວະ​ລາ​ດິ​ເມຍ ປູ​ຕິນ ຂອງຣັດ​ເຊຍ, ພ້ອມ​ປະກາດ​ຈະ​ຫາ​ມາດ​ຕະການ​ຕອບ​ໂຕ້​ໃນ​ກອງ​ປະຊຸມ​ສະພາ. ສ່ວນຣັດ​ເຊຍ​ປະຕິ​ເສດ​ວ່າ​ບໍ່​ໄດ້​ກ່ຽວຂ້ອງ​ກັບ​ການ​ວາງຢາ​ທ່ານ ​ເຊີ​ເກ ສກຣີປາລ ອະດີດ​ສາຍ​ລັບຣັດ​ເຊຍ ​ແລະ ຢູ​ເລຍ ລູກ​ສາວ ​ເຊິ່ງຍັງ​ອາການ​ສາຫັດ. ນາຍົກລັດຖະມົນຕີອັງກິດ​ປະກາດ​ວ່າ: ອາດ​ໃຊ້​ມາດ​ຕະການ​ຢຶດຊັບ​ສິນຣັດ​ເຊຍ​ທີ່​ອາດ​ເປັນ​ໄພ​ຕໍ່​ຄວາມ​ໝັ້ນຄົງ, ອອກ​ກົດ​ໃໝ່​ເພື່ອ​ຫລຸດ​ລະດັບ​ການ​ຕິດ​ຕໍ່ ​ແລະ ການ​ເຂົ້າຮ່ວມ​ຂອງ​ອັງກິດ​ໃນ​ບານ​ໂລກ​ທີ່ຣັດ​ເຊຍ. ກະຊວງ​ຕ່າງປະ​ເທດຣັດ​ເຊຍ​ຖະ​ແຫລ​ງວ່າ: ຣັດ​ເຊຍ​ຈະ​ຕອບ​ໂຕ້​ທັນທີ​ທີ່​ອັງກິດ​ມີ​ມາດ​ຕະການ​ກັບຣັດ​ເຊຍ. ​ເອກ​ອັກຄະລາຊະທູດຣັດ​ເຊຍ​ປະຈຳ​ສະຫະ​ປະຊາ​ຊາດ​ຢືນຢັນ​ການ​ປະຕິ​ເສດ​ວ່າ: ຣັດ​ເຊຍ​ບໍ່​ກ່ຽວຂ້ອງ​ກັບ​ການ​ວາງຢາ​ພິດ​ອະດີດ​ສາຍ​ລັບ ​ແລະ ຂໍ​ໃຫ້​ສະ​ແດງ​ຫລັກ​ຖານ​ພິສູດ​ເລື່ອງ​ດັ່ງກ່າວ.