ນັກວິໄຈສ້າງແບັດເຕີຣີໂປຣຕອນແບບສາກໄຟໃໝ່ໄດ້ສໍາເລັດແລ້ວ

- advert banner 728 90 728x90 - ນັກວິໄຈສ້າງແບັດເຕີຣີໂປຣຕອນແບບສາກໄຟໃໝ່ໄດ້ສໍາເລັດແລ້ວ

ທີມນັກວິໄຈຈາກມະຫາວິທະຍາໄລ RMIT ເມືອງເມລເບິຣ໌ນ ປະເທດອົດສະຕຣາລີ ໄດ້ສ້າງແບັດເຕີຣີໂປຣຕອນ   ຊະນິດສາກໄຟໄດ້ສໍາເລັດເປັນຄັ້ງທໍາອິດຂອງໂລກ ຄວາມສໍາເລັດໃນຄັ້ງນີ້ນັບເປັນອີກກ້າວທີ່ຍິ່ງໃຫຍ່ສໍາລັບການສ້າງແຫຼ່ງພະລັງງານທີ່ເປັນມິດຕໍ່ສິ່ງແວດລ້ອມ ແລະ ມີລາຄາຍ່ອມເຍົາ.

- lattana 1 - ນັກວິໄຈສ້າງແບັດເຕີຣີໂປຣຕອນແບບສາກໄຟໃໝ່ໄດ້ສໍາເລັດແລ້ວ

- download 1 1 - ນັກວິໄຈສ້າງແບັດເຕີຣີໂປຣຕອນແບບສາກໄຟໃໝ່ໄດ້ສໍາເລັດແລ້ວ

            ຄວາມສໍາເລັດດັ່ງກ່າວຍັງເປັນພຽງຜະລິດຕະພັນຕົ້ນແບບເທົ່ານັ້ນ ແຕ່ທີມນັກວິໄຈກໍເຊື່ອວ່າພາຍໃນເວລາ 5-10 ປີນີ້ ແບັດເຕີຣີໂປຣຕອນ ຈະສາມາດລົງສູ່ຕະຫຼາດແທ້ ເພື່ອແຂ່ງຂັນກັບແບັດເຕີຣີລິຣຽມໄອອອນໄດ້.

ໃນຂະນະທີ່ຄວາມຕ້ອງການດ້ານພະລັງງານຂອງໂລກກໍາລັງເພີ່ມຂຶ້ນຢ່າງຕໍ່ເນື່ອງ John Andrews ຫົວໜ້າທີມວິໄຈ ເຊື່ອວ່າແບັດດັ່ງກ່າວມີປະສິດທິພາບໃນການເສີມ ຫຼື ທົດແທນແບັດເຕີຣີລິຣຽມໄດ້.

ເຂົາກ່າວວ່າ “ແບັດເຕີຣີລິຣຽມໄອອອນນັ້ນມີປະສິດທິພາບດີ ແຕ່ໃນການຜະລິດຈະຕ້ອງໃຊ້ຊັບພະຍາກອນທີ່ຫາໄດ້ຍາກ ແລະ ມີລາຄາແພງ ໃນຂະນະທີ່ແບັດເຕີຣີໂປຮຕອນ ອາ​ໄສແຫຼ່ງພະລັງງານຫຼັກຈາກກາກບອນ ຊຶ່ງມີປະລິມານຫຼາຍ ແລະ ລາຄາຖືກ ໂດຍສະເພາະເມື່ອປຽບທຽບກັບໂລຫະປະສົມທີ່ໃຊ້ເກັບໄຮໂດຣເຈນ ແລະ ລິຣຽມ ຊຶ່ງເປັນສິ່ງຈໍາເປັນສໍາຫຼັບແບັດເຕີຣີລິຣຽມໄອອອນແບບສາກໄຟໄດ້”

ນອກຈາກນີ້ການທີ່ແບັດເຕີຣີໂປຣຕອນນັ້ນໃຊ້ພະລັງງານຈາກກາກບອນ ຊຶ່ງມີວິທີການຜະລິກທີ່ບໍ່ແມ່ນການເຜົ່າ ເຮັດໃຫ້ບໍ່ມີຄວັນຖືກປ່ອຍສູ່ອາກາດ ມັນຈຶ່ງເປັນມິດກັບສິ່ງແລວລ້ອມຫຼາຍກວ່າແບັດເຕີຣີລິຣຽມອີກດ້ວຍ.

ສ່ວນໃນມຸມຂອງຜູ້ບໍລິໂພກກໍອາດເກີດຄວາມສົ່ງ​ໄສວ່າ ແລ້ວແບັດເຕີຣີໂປຣຕອນຈະ​ເຮັດ​ວຽກໄດ້ດີພຽງໃດ ? ສໍາລັບຜະລິດຕະພັນຕົ້ນແບບໃນປັດຈຸບັນຂອງແບັດເຕີຣີໂປຣຕອນນັ້ນ ມີຂະໜາດພື້ນຜິວ 5,5 ຕາລາງຊັງຕີແມັດ ສາມາດເກັບພະລັງງານຕໍ່ມວນລະພິດໄດ້ຫຼາຍກວ່າແບັດເຕີຣີລິຣຽມ ແລະ ທີມວິໄຈກໍຍັງ​ເຮັດ​ວຽກເພື່ອປັງປຸງມັນໃຫ້ດີຍິ່ງຂຶ້ນໄປອີກ.