ກຳປູເຈຍຕັ້ງເປົ້າເປັນປະເທດ ພັດທະນາໃນປີ 2050

- advert banner 728 90 728x90 - ກຳປູເຈຍຕັ້ງເປົ້າເປັນປະເທດ ພັດທະນາໃນປີ 2050

ນາຍົກລັດຖະມົນຕີ ຮຸນ​ເຊ​ນ ຂອງ​ກຳປູ​ເຈຍ ປະກາດ​ໃນ​ວັນ​ທີ 15 ມີນາ​ວ່າ: ກຳປູ​ເຈຍ​ຈະ​ກາຍ​ເປັນ​ປະ​ເທດ​ພັດທະນາ​ໃນ​ປີ 2050.

- lattana 1 - ກຳປູເຈຍຕັ້ງເປົ້າເປັນປະເທດ ພັດທະນາໃນປີ 2050

ຜູ້ນຳ​ກຳປູ​ເຈຍ​ປະກາດ​ໃນ​ລະຫວ່າງ​ກ່າວ​ເປີດ​ກອງ​ປະຊຸມ​ວ່າ​ດ້ວຍ​ອະນາຄົດ​ຂອງ​ກຳປູ​ເຈຍປີ 2018 ວ່າ: ວິ​ໄສ​ທັດ​ຂອງ​ກຳປູ​ເຈຍ ກໍ​ຄື​ການ​ເປັນ​ປະ​ເທດ​ທີ່​ມີ​ລາຍ​ຮັບ​ປານ​ກາງ​ລະດັບ​ສູງ​ພາຍ​ໃນ​ປີ 2030 ​ແລະ ​ເປັນ​ປະ​ເທດ​ທີ່​ມີ​ລາຍ​ຮັບ​ສູງ​ໃນ​ປີ 2050. ທັງ​ນີ້ ​ເພື່ອ​ໃຫ້​ບັນລຸ​ວິ​ໄສ​ທັດ​ດັ່ງກ່າວ ກຳປູ​ເຈຍ​ຈະ​ຍັງ​ຄົງ​ເນັ້ນການ​ພັດທະນາ​ຊັບພະຍາກອນ​ມະນຸດ, ພັດທະນາ​ປະສິດທິພາບ​ສະ​ຖາ​ບັນ, ປັບປຸງ​ອຸປະກອນ​ເຄື່ອງມື​ທາງ​ເຕັກນິກ​ໃຫ້​ທັນ​ສະ​ໄໝ ​ແລະ ພັດທະນາ​ໂຄງ​ລ່າງ​ພື້ນຖານ​ດ້ານ​ເຕັກ​ໂນ​ໂລ​ຊີ​ຂໍ້​ມູນ​ຂ່າວສານ ​ແລະ ກຳປູ​ເຈຍ​ຄາດ​ຫວັງ​ທີ່​ຈະ​ບັນລຸ​ເປົ້າໝາຍ​ການ​ເຕີບ​ໃຫຍ່​ທາງ​ເສດຖະກິດ 7% ​ໃນ​ປີ 2018 ນີ້ ​ໂດຍ​ມີ​ລວມຍອດ​ຜະລິດ​ຕະພັນ​ພາຍ​ໃນ ຫລື GDP ​ເພີ່ມ​ຂຶ້ນ​ເປັນ 24.500 ລ້ານ​ໂດ​ລາ​ສະຫະລັດ.

ລາຍ​ງານ​ຂອງ​ທະນາຄານ​ໂລກ​ລະບຸ​ວ່າ: ປັດຈຸບັນ​ກຳປູ​ເຈຍ​ເປັນ​ປະ​ເທດ​ທີ່​ມີ​ລາຍ​ຮັບ​ປານ​ກາງ​ລະດັບ​ຕໍ່າ ​ໂດຍ​ຢູ່​ໃນ​ສະຖານະ​ດັ່ງກ່າວ​ນັບ​ແຕ່​ປີ 2015 ມີ​ລາຍ​ຮັບ​ປະຊາ​ຊາດ 1.070 ​ໂດ​ລາ​ສະຫະລັດ.