ອາເມລິກາຂຶ້ນບັນຊີດຳ ໜ່ວຍຂ່າວລັບຣັດເຊຍ
ກະຊວງການເງິນອາເມລິກາປະກາດມາດຕະການຂວ້ຳບາດຊາວຣັດເຊຍ 19 ຄົນ ແລະ ໜ່ວຍງານຂອງລັດຖະບານມົດສະກູອີກ 5 ແຫ່ງ ລວມທັງໜ່ວຍສືບລາຊະການລັບຝ່າຍພົນລະເຮືອນ ແລະ ຝ່າຍທະຫານ ຂໍ້ຫາຮ່ວມກັນແຊກແຊງການເລືອກຕັ້ງປະທານາທິບໍດີ.
https://twitter.com/USTreasury/status/974292051624972288
ສຳນັກຂ່າວຕ່າງປະເທດລາຍງານຈາກນະຄອນຫລວງວໍຊິງຕັນ ປະເທດສະຫະລັດອາເມລິກາ ໃນວັນທີ 15 ມີນາວ່າ: ທ່ານ ສຕີຟ ມານູຊິນ ລັດຖະມົນຕີກະຊວງການເງິນອາເມລິກາ ກ່າວໃນວັນທີ 15 ມີນາວ່າ: ໄດ້ມີການຂຶ້ນບັນຊີດຳໜ່ວຍງານ 5 ແຫ່ງຂອງລັດຖະບານມົດສະກູ ໃນຈຳນວນນີ້ລວມທັງສຳນັກຂ່າວລັບລະດັບຊາດທັງສອງແຫ່ງ ຄືສຳນັກງານຄວາມໝັ້ນຄົງແຫ່ງລັດ (FSB) ແລະ ສຳນັກງານຂ່າວລັບຕົ້ນຕໍ (GRU) ເຊິ່ງເປັນໜ່ວຍສືບລາຊະການລັບຝ່າຍພົນລະເຮືອນ ແລະ ຝ່າຍທະຫານຂອງຣັດເຊຍ.
"If they really want to bring pain to Vladimir Putin, they're going to have to sanction the senior officials close to him … and maybe Putin's assets themselves."
– @matthewamiller on new Russia sanctions pic.twitter.com/LGgJMBsRhX
— MSNBC (@MSNBC) March 15, 2018
ຂະນະດຽວກັນ, ລັດຖະບານວໍຊິງຕັນຍັງຂຶ້ນບັນຊີດຳບຸກຄົນສັນຊາດຣັດເຊຍອີກ 19 ຄົນ ໃນຈຳນວນນີ້ 13 ຄົນຢູ່ໃນລາຍຊື່ທີ່ທ່ານ ໂຣເບິດ ມຸລເລີ ໄອຍະການພິເສດຂອງສຳນັກງານສອບສວນກາງ (FBI) ສັ່ງຟ້ອງໃນກາງເດືອນກຸມພາຜ່ານມາ ໜຶ່ງໃນນັ້ນຄືທ່ານ ເຢຟເກນີ ປຣີໂກຊິນ ນັກທຸລະກິດຊື່ດັງໃນວົງການອາຫານ ແລະ ຈັດລ້ຽງຂອງຣັດເຊຍ ເຊິ່ງຖືເປັນໜຶ່ງໃນບຸກຄົນໃກ້ຊິດຂອງປະທານາທິບໍດີ ວະລາດິເມຍ ປູຕິນ. ທັງນີ້ ທ່ານ ມານູຊິນ ກ່າວວ່າ: ການອອກມາດຕະການຂວ້ຳບາດຕໍ່ກຸ່ມຄົນ ແລະ ອົງການເຫລົ່ານີ້ ເພື່ອເປັນການລົງໂທດກໍລະນີການສົມຮູ້ຮ່ວມຄິດກັນສະແດງອິດທິພົນຕໍ່ການຕັດສິນໃຈຂອງຊາວອາເມລິກາ ໃນການເລືອກຕັ້ງປະທານາທິບໍດີອາເມລິກາ ໃນປີ 2016 ແລະ ການໂຈມຕີທາງໄຊເບີອີກຢ່າງໜ້ອຍ 2 ຄັ້ງ.
