ພຸດທະໄຊ ນັກເຕະລາວຟອມເກັ່ງໃນໄທ ຊ່ວຍ ນະຄອມປະຖົມ ເກັບໄຊ 5 ນັດລວດ

- advert banner 728 90 728x90 - ພຸດທະໄຊ ນັກເຕະລາວຟອມເກັ່ງໃນໄທ ຊ່ວຍ ນະຄອມປະຖົມ ເກັບໄຊ 5 ນັດລວດ

ຖື​ວ່າ​ໜ້າ​ຈັບ​ຕາ​ສຸດໆ​ສຳລັບ ພຸດທະ​ໄຊ ​ໂຄຈະ​ເລີ​ນ ນັກ​ເຕະ​ສາລະພັດ​ປະ​ໂຫຍ​ດຂອງ​ລາວ ທີ່​ຍ້າຍ​ໄປ​ຫລິ້ນ​ໃຫ້​ກັບ​ ນະຄອນ​ປະຖົມ ຢູ​ໄນ​ເຕັດ ທີ​ມ​ໃນ​ໄທ​ລີກ 4 ​ໂຊນ​ພາກ​ຕາ​ເວັນ​ຕົກ ລະ​ເບີດ​ຟອມຢ່າງ​ໂດດ​ເດັ່ນ​ພາ​ທີ​ມ​ເກັບ​ໄຊ 5 ນັດ​ລວດ ຍຶດທີ​ມນຳ​ຕາຕະລາງ.

- lattana 1 - ພຸດທະໄຊ ນັກເຕະລາວຟອມເກັ່ງໃນໄທ ຊ່ວຍ ນະຄອມປະຖົມ ເກັບໄຊ 5 ນັດລວດ

ກ່ອນ​ໜ້າ​ນີ້, ພຸດທະ​ໄຊ ​ໂຄຈະ​ເລີ​ນ ຍິງ​ປະຕູ​ທຳ​ອິດ​ໃນ​ການ​ໄປ​ຫລິ້ນ​ໃນ​ປະ​ເທດ​ໄທ​ໄດ້​ໃນ​ນາທີ 10 ນັດ​ທີ່​ພາ​ທີ​ມຖະຫລົ່ມ ​ໄຊ​ນາດ ຮອນ​ບິ​ລ ຊຸດ​ບີ 5-1 ​​ໃນ​ເດືອນ​ກຸມພາ​ຜ່ານ​ມາ ​ແລະ ສ້າງ​ຜົນງານ​ດີ​ຢ່າງ​ຕໍ່​ເນື່ອງ. ຈົນ​ຫລ້າ​ສຸດ​ພາ​ທີ​ມລົງ​ສະໜາມ​ນັດ​ທີ 5 ດ້ວຍ​ການ​ເປ​ັນຕົວ​ຈິງ ພາ​ທີ​ມ​ເອົາ​ຊະນະ ອັສສຳ​ຊັນ ຢູ​ໄນ​ເຕັດ ​3-1 ​ເຮັດ​ໃຫ້​ທີ​ມລົງ​ສະໜາມ 5 ນັດ ຊະນະ​ລວດ​ມີ 15 ຄະ​ແນນ ໜີ​ຫ່າງ​ອັນ​ດັບ 2 ຢ່າງ ສະໝຸດ​ສົງຄາມ ​ເອັຟຊີ ​ເຖິງ 7 ຄະ​ແນນ.

ສຳລັບ ພຸດທະ​ໄຊ ລຸຍ​ການ​ແຂ່ງຂັນ​ໄທ​ລີກ 4 ​ໂຊນພາກ​ຕາ​ເວັນ​ຕົກ ​ໃນ​ລະດູ​ການ 2018 ພ້ອມ​ທັງ​ເປັນ​ນັກ​ເຕະ​ຄົນ​ລາວ​ຄົນ​ທຳ​ອິດ​ທີ່​ໄດ້​ລົງ​ຫລິ້ນ​ໃຫ້​ກັບສະ​ໂມ​ສອນ ນະຄອນ​ປະຖົມ ຢູ​ໄນ​ເຕັດ ​ແລະ ​ເປັນ​ໂກ​ຕາ​ອາ​ຊຽນຂອງ​ສະ​ໂມ​ສອນ​ທີ່​ຈະ​ສົ່ງ​ຊື່​ເຂົ້າຮ່ວມ​ໄທ​ລີກ 4 ລະດູ​ການ 2018.

ພຸດທະ​ໄຊ ​ເປັນ​ນັກ​ເຕະ​ລາວ​ຄົນທີ 13 ທີ່​ຫລິ້ນ​ໃນ​ລີກ​ອາຊີບ​ທີ່​ປະ​ເທດ​ໄທ ​ເຊິ່ງມີ​ນັກ​ເຕະ​ລາວ​ທີ່​ເຄີຍ​ຫລິ້ນ​ໃນ​ລີກ​ອາຊີບ​ກ່ອນ​ໜ້ານັ້ນມີ: ລຳ​ເນົາ​ ສິງ​​ໂຕ, ກັນລະຍາ ສີ​ສົມ​ຫວັງ, ຄຳ​ແພງ ​ໄຊ​ຍະ​ວຸດ​ທິ, ສຸກ​ອາພອນ ວົງ​ຈຽງ​ຄຳ, ​ເກດ​ສະ​ດາ ສຸກ​ສະຫວັນ, ​ແລມ​ໂບ້ ​ໄຊຊະນະ, ​ໂສພາ ​ໄຊຊະນະ, ມະ​ໂນ​ລົມ ພົມ​ສຸວັນ, ທາ​ນິນ ພັນທະ​ວົງ, ພັດທະນາ ພົມມະ​ເທບ, ທົດ​ນີລາດ ສີ​ບຸນ​ເຮືອງ ​ແລະ ຈັນທະ​ພອນ ​ແຫວນ​ວົງ​ສົດ.