ລາວ ແລະ ອົງການຝຣັ່ງໂກໂຟນີຫາລືການຮ່ວມມືສິດສອນພາສາຝຣັ່ງ
ໃນວັນທີ 15 ມີນາ ນີ້, ທີ່ ນະຄອນຫຼວງວຽງຈັນ, ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິ ການ ແລະ ກິລາ ໄດ້ຕ້ອນຮັບ ການເຂົ້າຢ້ຽມຂໍ່ານັບຂອງທ່ານ Adama OUANE ຜູ້ບໍລິ ຫານຂອງອົງການຝຣັ່ງໂກໂຟນີ ສາກົນ (OIF) ເພື່ອປຶກສາຫາ ລືການຮ່ວມມືພັດທະນາຄຸນນະ ພາບຂອງການຮຽນ-ການ ສອນພາສາຝຣັ່ງ, ການນໍາ ໃຊ້ ພາສາຝຣັ່ງ ໃນສະຖາບັນການ ສຶກສາ ແລະ ໂຮງຮຽນວິຊາ ຊີບຕ່າງໆ ເພື່ອເປັນການເສີມ ຂະຫຍາຍການໃຊ້ພາສາຝຣັ່ງ ໃນລາວຫຼາຍຂຶ້ນ.
+ ງານສະຫລອງວັນຝຣັ່ງໂກໂຟນີຈະມີຂຶ້ນໃນກາງເດືອນມີນານີ້
+ ຄະນະຜູ້ແທນສະພາແຫ່ງຊາດລາວ ເຂົ້າຮ່ວມກອງປະຊຸມອົງການລັດຖະສະພາປະເທດທີ່ໃຊ້ພາສາຝຣັ່ງ
ໃນໂອກາດນີ້, ທ່ານ ນາງ ແສງເດືອນ ຫຼ້າຈັນທະບູນ ກໍ ໄດ້ກ່າວສະແດງຄວາມຂອບ ໃຈຕໍ່ອົງການດັ່ງກ່າວທີ່ໄດ້ ສະໜັບສະໜູນການສອນ ພາສາຝຣັ່ງໃນລາວ, ພ້ອມທັງ ສະແດງຄວາມຂອບໃຈຕໍ່ສະ ຖານທູດການາດາ, ແບນຊິກ ແລະ ຝຣັ່ງ ທີ່ໃຫ້ການຊ່ວຍເຫຼືອ ຈັດພິມປຶ້ມວິຊາຄະນິດສາດ, ຟີຊິກສາດ, ເຄມີສາດ ແລະ ຊີວະສາດຂອງຊັ້ນມັດທະຍົມ ຕົ້ນ ແລະ ມັດທະຍົມປາຍ ທີ່ ແປຈາກພາສາລາວ ເປັນພາ ສາຝຣັ່ງ ໂດຍແມ່ນຫຼັກສູດ ດຽວກັນກັບກະຊວງສຶກສາ ທິການ ແລະ ກິລາວາງອອກ ແລະ ສໍາຫຼັບໂຄງການຫ້ອງ ຮຽນ 2 ພາສາລາວ-ຝຣັ່ງ ແມ່ນໄດ້ດໍາເນີນມາແຕ່ສົກ ຮຽນປີ 1995-1996 ທີ່ນະ ຄອນຫຼວງວຽງຈັນ ໂດຍແມ່ນ ລັດຖະບານຝຣັ່ງເປັນຜູ້ໃຫ້ທຶນ ໃນນາມໂຄງການກອງທຶນ ບຸລິມະສິດເພື່ອຄວາມສາມັກ ຄີກໍໄດ້ສືບຕໍ່ຢ່າງມີປະສິດທິ ຜົນດີຂຶ້ນເປັນກ້າວໆ.
