ເຜີຍ​ແຜ່​ຜົນ​ຮ້າຍ​ຢາສູບ​ໃຫ້​ນັກຮຽນ​ໂຮງຮຽນ ຮາກ​ແກ້ວ

- Anti drug - ເຜີຍ​ແຜ່​ຜົນ​ຮ້າຍ​ຢາສູບ​ໃຫ້​ນັກຮຽນ​ໂຮງຮຽນ ຮາກ​ແກ້ວ
- Untitled design - ເຜີຍ​ແຜ່​ຜົນ​ຮ້າຍ​ຢາສູບ​ໃຫ້​ນັກຮຽນ​ໂຮງຮຽນ ຮາກ​ແກ້ວ

ວັນ​ທີ 16 ມີນາ ນີ້, ​ໂຮງຮຽນ ຮາກ​ແກ້ວ ​ເມືອ​ງ ສີ​ສັດຕະ​ນາກ ນະຄອນຫລວງ​ວຽງຈັນ,  ​ໄດ້​ຈັດ​ກິດຈະກຳ​ເຜີຍ​ແຜ່​ສິນ​ທຳ ​ແລະ ຜົນ​ຮ້າຍ​ຂອງ​ຢາສູບ​ໃຫ້​ກັບ​ນັກຮຽນ, ​ໂດຍ​ໄດ້​ເຊີນ​ພະ​ອາຈານ ບຸນ​ຍາດ ຄຳ​ພູ ຈາກ​ວັດນາກ​ໃຫຍ່ ​ເມືອງ ສີ​ສັດຕະ​ນາກ​ໃຫຍ່, ມາ​ບັນ​ລະ​ຍາຍ​ທຳ ​ແລະ ຄວາມ​ຮູ້​ກ່ຽວກັບ​ການ​ອອກ​ຈາກ​ຢາສູບ​ ຊຶ່ງ​ໄດ້​ໃຫ້​ຮູ້​ວ່າ: ຢາສູບ​ເປັນ​ອັນຕະລາຍ​ຕໍ່ສັງຄົມ, ​ແລະ ​ເປັນ​ພິດ​ໄພ​ຕໍ່ທັງ​ຜູ້​ສູບ ​ແລະ ຜູ້​ສູດດົມ​ຄວັນ, ສະ​ນັ້ນ ​ເພື່ອ​ຫລີກ​ເວັ້ນຈາກ​ຢາສູບ ຈຶ່ງ​ຕ້ອງ​ປະຕິບັດ​ຫລັກ​ສິນ​ທຳ​ຄື: ສິນ 5 ​​ເປັນ​ຫລັກ​ຄຳ​ສອນ ​ແລະ ຕ້ອງ​ຫລິ້ນກິລາ, ສິລະ​ປະ ​ເພື່ອ​ຫ່າງ​ໄກ​ຈາກ​ຢາ​ເສບ​ຕິດ ​ແລະ ອະບາຍ​ຍະ​ມຸກ​ຕ່າງໆ.

ທ່ານ ນາງ ຈັນ​ມະ​ລີ​ຢາ ​ແກ້ວຣາຊວົງ​ໄຊ ຜູ້​ຈັດການ​ທົ່ວ​ໄປ​ໂຮງຮຽນ ດັ່ງກ່າວ ​ໃຫ້​ຮູ້​ວ່າ: ​ໂຮງຮຽນ ຮາກ​ແກ້ວ ​ເປັນ​ໂຮງຮຽນໜຶ່ງທີ່​ໄດ້​ຮັບ​ນາ​ມະ​ຍົດ ປອດ​ສິ່ງ​ເສບ​ຕິດ ​ເພື່ອເນັ້ນ​ສ້າງ ​ແລະ ພັດທະນາ​ຊັບພະຍາກອນ​ມະນຸດ​ໃຫ້​ມີ​ຄຸນ​ນະພາ​ບ, ​ໃນ​ນັ້ນ ​ແມ່ນ​ສ້າງ​ນັກຮຽນ​ໃຫ້​ຮູ້ຈັກ​ສິນລະ​ທຳ ​ແລະ ມີ​ກິດຈະກຳ​ເຄື່ອນ​ໄຫວ​ນອກ ຫລັກສູດ ຕາມ 5 ຫລັກ​ມູນ​ການ​ສຶກສາ ຂອງ​ກະຊວງ​ສຶກສາ​ທິການ ​ແລະ ກິລາ​ວາງ​ອອກ ປັດຈຸບັນ, ມີ​ນັກຮຽນຊັ້ນ​ອານຸບານ ​ເຖິງຊັ້ນ ມໍ 2 ຈຳນວນ 200 ກວ່າ​ຄົນ.

- Wave100S AD to Website 2020 0 - ເຜີຍ​ແຜ່​ຜົນ​ຮ້າຍ​ຢາສູບ​ໃຫ້​ນັກຮຽນ​ໂຮງຮຽນ ຮາກ​ແກ້ວ
- WhatsApp Image 2020 05 27 at 5 - ເຜີຍ​ແຜ່​ຜົນ​ຮ້າຍ​ຢາສູບ​ໃຫ້​ນັກຮຽນ​ໂຮງຮຽນ ຮາກ​ແກ້ວ
- WhatsApp Image 2020 05 27 at 5 - ເຜີຍ​ແຜ່​ຜົນ​ຮ້າຍ​ຢາສູບ​ໃຫ້​ນັກຮຽນ​ໂຮງຮຽນ ຮາກ​ແກ້ວ
error: Alert: ເນື້ອຫາຂ່າວມີລິຂະສິດ !!