ຜົນກອງ​ປະຊຸມ​​ຄະນະ​ກຳມະການສູນກາງແນວລາວສ້າງຊາດຄັ້ງທີ 3 ສະ​ໄໝ​ທີ X

- advert banner 728 90 728x90 - ຜົນກອງ​ປະຊຸມ​​ຄະນະ​ກຳມະການສູນກາງແນວລາວສ້າງຊາດຄັ້ງທີ 3 ສະ​ໄໝ​ທີ X

​ກອງ​ປະຊຸມ​ສະໄໝສາມັນ​ຄົບ​ຄະນະ​ກຳມະການ​ສູນ​ກາງ​ແນວ​ລາວ​ສ້າງ​ຊາດ​ຄັ້ງທີ 3 ສະ​ໄໝ​ທີ X ໄດ້ອັດລົງ​ໃນວັນທີ 16 ມີນານີ້, ພາຍຫລັງດໍາເນີນມາເປັນເວລາ 2 ວັນ, ໂດຍການເປັນປະທານຂອງທ່ານ ໄຊ​ສົມ​ພອນ ພົມວິຫານ ກຳມະການກົມ​ການ​ເມືອງ​ສູນ​ກາງ​ພັກ, ປະທານ​ສູນ​ກາງ​ແນວ​ລາວ​ສ້າງ​ຊາດ, ມີຜູ້ຕາງໜ້າຈາກ​ອົງການ​ພາຄີ, ກຳມະການສູນກາງແນວລາວ ​ແລະ ພາກສ່ວນ​ກ່ຽວຂ້ອງຕ່າງໆ​ເຂົ້າຮ່ວມເປັນຈໍານວນຫລາຍ.

- lattana 1 - ຜົນກອງ​ປະຊຸມ​​ຄະນະ​ກຳມະການສູນກາງແນວລາວສ້າງຊາດຄັ້ງທີ 3 ສະ​ໄໝ​ທີ X

ກອງປະຊຸມ​ໄດ້​ທົບ​ທວນ​ຜົນສຳ​ເລັດ ແລະ ຂໍ້ຄົງຄ້າງຂອງ​ການຈັດຕັ້ງປະຕິບັດ​ມະຕິ​ກອງ​ປະຊຸມ​ຄັ້ງຜ່ານມາ, ​ເພື່ອ​ສ້າງ​ເງື່ອນ​ໄຂ​ໃຫ້​ກຳມະການ​ສູນ​ກາງ​ແນວ​ລາວ​ສ້າງ​ຊາດ​ນັບແຕ່​ສູນ​ກາງ, ທ້ອງ​ຖິ່ນ ແລະ ຢູ່​ຕ່າງປະ​ເທດໄດ້​ພົບ​ປະ​ແລກປ່ຽນ​ບົດຮຽນ​ຕົວ​ຈິງ​ໃນ​ການ​ເຄື່ອນ​ໄຫວ​ວຽກ​ງານ​ຂອງ​ຕົນ ກໍຄື​ນຳ​ເອົາ​ຄວາມ​ມຸ້ງ​ມາດ​ປາດຖະໜາ, ຄວາມ​ຂັດຂ້ອງ​ໝອງ​ໃຈ​ຂອງ​ປະຊາຊົນ​ບັນດາ​ເຜົ່າ​ຢູ່​ແຕ່ລະ​ທ້ອງ​ຖິ່ນມາຄົ້ນຄວ້າ, ໂດຍຜູ້ແທນໄດ້ຮັບຟັງລາຍງານ 6 ວຽກ​​ສຳຄັນຄື: ​ບົດ​ສະຫລຸບ​ຕີ​ລາຄາ​ການ​ເຄື່ອນ​ໄຫວ​ວຽກ​ງານ​ຂອງ​ຄະນະ​ກຳມະການ​ສູນ​ກາງ​ແນວ​ລາວ​ສ້າງ​ຊາດ​​ໜຶ່ງ​ປີຜ່ານມາ ​ແລະ ທິດ​ທາງ​ການ​ເຄື່ອນ​ໄຫວ​ໃນ​ຕໍ່ໜ້າ, ບົດສະຫລຸບ​ຕີ​ລາຄາ​ປະ​ເມີນ​ຜົນ​ກ່ຽວ​ກັບ​ວຽກ​ງານ​ສ້າງ​ຄອບຄົວ ​ແລະ ບ້ານ​ສາມັກຄີ​ປອງ​ດອງ​ຂອງ​ແນວ​ລາວ​ສ້າງ​ຊາດ, ຮັບ​ຟັງ​ການ​ປະກອບ​ຄຳ​ເຫັນ​ຂອງ​ອົງການ​ພາຄີ, ການ​ປະກອບ​ຄຳ​ເຫັນ​ຂອງ​ກະຊວງ​ໂຍທາ​ທິການ ​ແລະ ຂົນ​ສົ່ງ​ໃນ​ຫົວ​ຂໍ້: “ຄວາມ​ຄືບ​ໜ້າ​ໃນ​ການ​ກໍ່ສ້າງ​ທາງ​ລົດ​ໄຟລາວ-ຈີນ”, ກະຊວງ​ກະສິກຳ-ປ່າ​ໄມ້ ​ຫົວ​ຂໍ້: “ການ​ພັດທະນາ​ຊົນນະບົດ​ຕິດ​ພັນ​ກັບ​ການ​ແກ້​ໄຂ​ຄວາມທຸກ​ຍາກ​ຂອງ​ປະຊາຊົນ”, ກະຊວງ​ຖະ​ແຫລ​ງຂ່າວ, ວັດທະນະທຳ ​ແລະ ທ່ອງ​ທ່ຽວ ​ຫົວ​ຂໍ້: “ຂະ​ບວນການ​ເປີດ​ປີ​ທ່ອງ​ທ່ຽວ​ລາວ 2018”. ນອກ​ນັ້ນ ຍັງ​ໄດ້​ຮັບ​ຟັງ​ການ​ປະກອບ​ຄຳ​ເຫັນ​ຂອງກຳມະການ​ສູນ​ກາງ​ແນວ​ລາວ​ສ້າງ​ຊາດ​ຈາກ​ປະ​ເທດ​ຝຣັ່ງ, ກາ​ນາ​ດາ ​ແລະ ອາ​ເມ​ລິ​ກາ ​ຫົວ​ຂໍ້ການ​ເຕົ້າ​ໂຮມ​ຄວາມ​ສາມັກຄີ​ຂອງ​ຄົນ​ເຊື້ອຊາດ​ລາວ​ຢູ່​ປະ​ເທດ​ດັ່ງກ່າວ, ພ້ອມທັງ​ປະກາດ​ແຕ່ງຕັ້ງຄະນະ​ທີ່​ປຶກສາ​ວຽກ​ງານ​ເສດຖະກິດ ​ແລະ ກົດໝາຍ ແລະ ປະກາດ​ແຕ່ງຕັ້ງທົດ​ແທນ​ກຳມະການ ສູນກາງແນວລາວສ້າງຊາດສະ​ໄໝ​ທີ X ທີ່​ຫວ່າງ​ລົງ.

- Tiger Head 728x90 - ຜົນກອງ​ປະຊຸມ​​ຄະນະ​ກຳມະການສູນກາງແນວລາວສ້າງຊາດຄັ້ງທີ 3 ສະ​ໄໝ​ທີ X
- 1 1 - ຜົນກອງ​ປະຊຸມ​​ຄະນະ​ກຳມະການສູນກາງແນວລາວສ້າງຊາດຄັ້ງທີ 3 ສະ​ໄໝ​ທີ X
error: Content is protected !!