ລາວລົງນາມໃນສັນຍາສ້າງຕັ້ງອົງການຮ່ວມມືປ່າໄມ້ອາຊີ

- advert banner 728 90 728x90 - ລາວລົງນາມໃນສັນຍາສ້າງຕັ້ງອົງການຮ່ວມມືປ່າໄມ້ອາຊີ

ປະຕິບັດຕາມແຈ້ງການຂອງຫ້ອງວ່າການສໍານັກງານນາຍົກລັດຖະມົນຕີ, ສະບັບເລກທີ 1935/ຫສນຍ.ກຄສ, ລົງວັນທີ 5/12/2017 ວ່າດ້ວຍການອະນຸມັດໃຫ້ທ່ານລັດຖະມົນຕີກະຊວງກະສິກໍາ ແລະ ປ່າໄມ້ລົງນາມໃນສັນຍາສ້າງຕັ້ງອົງການຮ່ວມມືປ່າໄມ້ອາຊີ (Asian Forest Cooperation Organization ຫຼື AFOCO), ບົນພື້ນຖານການມອບສິດໃຫ້ຕາງໜ້າລັດຖະບານ, ທ່ານ ລຽນ ທິແກ້ວ ລັດຖະມົນຕີກະຊວງກະສິກໍາ ແລະ ປ່າໄມ້ ພ້ອມຄະນະ, ໄດ້ໄປລົງນາມໃນສົນທິສັນຍາດັ່ງກ່າວທີ່ນະ​ຄອນ​ຫລວງເຊອູນ, ສ. ເກົາຫລີ, ໃນວັນທີ 13 ມີນານີ້.

- lattana 1 - ລາວລົງນາມໃນສັນຍາສ້າງຕັ້ງອົງການຮ່ວມມືປ່າໄມ້ອາຊີ

ອົງການ AFOCO ເປັນອົງການຮ່ວມມືດ້ານປ່າໄມ້ໃນລະດັບພາກພື້ນອາຊີ ທີ່ໄດ້ຖືກສ້າງຕັ້ງຂຶ້ນໂດຍມີເປົ້າໝາຍແນໃສ່ຜັນຂະຫຍາຍແນວທາງນະໂຍບາຍປ່າໄມ້ຂອງລັດຖະບານໃຫ້ປາກົດຜົນເປັນຈິງ, ເພື່ອຟື້ນຟູທີ່ດິນປ່າໄມ້ເຊື່ອມໂຊມ, ປົກປັກຮັກສາປ່າໄມ້ບໍ່ໃຫ້ບົກແຫ້ງ, ເຊື່ອມຄຸນນະພາບ, ເປັນໄປຕາມນະໂຍບາຍການຄຸ້ມຄອງ ແລະ ປົກປັກສາປ່າໄມ້ແບບຍືນຍົງ, ອັນເປັນການປະກອບສ່ວນແກ້ໄຂບັນຫາກ່ຽວກັບການປ່ຽນແປງສະພາບດິນຟ້າອາກາດອີກດ້ວຍ. ການເຂົ້າຮ່ວມເປັນພາຄີໃນອົງການນີ້, ລັດຖະບານລາວມີເປົ້າໝາຍປະກອບສ່ວນໃນການບັນລຸເປົ້າໝາຍລວມທີ່ກ່ຽວຂ້ອງກັບວຽກງານປ່າໄມ້ໃນລະດັບພາກພື້ນ ແລະ ສາກົນ ກໍຄື ໃນລະດັບຊາດ, ໂດຍສະເພາະບັນລຸຍຸດທະສາດປ່າໄມ້ 2020 ທີ່ຕິດພັນກັບເປົ້າໝາຍການພັດທະນາແບບຍືນຍົງຕາມທິດເຕີບໂຕສີຂຽວ ແລະ ເພື່ອເຮັດໃຫ້ສົນທິສັນຍາດັ່ງກ່າວມີຜົນນໍາໃຊ້ເປັນທາງການ, ຂະແໜງກະສິກາ ແລະ ປ່າໄມ້ ຈະຕ້ອງໄດ້ສະເໜີລັດຖະບານພິຈາລະນາອອກສັດຕະຍາບັນ ເພື່ອຮັບຮອງເອົາສົນທິສັນຍາດັ່ງກ່າວຢ່າງເປັນທາງການໃນໄວໆນີ້.

ນອກຈາກການລົງນາມໃນສົນທິສັນຍາດັ່ງກ່າວນີ້ແລ້ວ, ທ່ານລັດຖະມົນຕີ ກະຊວງກະສິກໍາ ແລະ ປ່າໄມ້ ຍັງໄດ້ເຂົ້າຮ່ວມເປັນສັກຂີພິຍານໃນການລົງນາມບັດບັນທຶກຄວາມເຂົ້າໃຈເພື່ອສ້າງ ແລະ ຈັດຕັ້ງປະຕິບັດໂຄງການຄຸ້ມຄອງປ່າສະຫງວນແຫ່ງຊາດດົງຫົວສາວ ເພື່ອປະກອບສ່ວນຫລຸດຜ່ອນການປ່ອຍອາຍພິດເຮືອນແກ້ວ ຈາກການທໍາລາຍປ່າໄມ້ (REDD+) ລະຫວ່າງ ກະຊວງກະສິກໍາ ແລະ ປ່າໄມ້ ສປປ ລາວ ແລະ ກົມໃຫຍ່ປ່າໄມ້ ສ. ເກົາຫລີ ທີ່ມີມູນຄ່າໂຄງການປະມານ 7 ແສນໂດລາ ສະຫະລັດ, ພ້ອມທັງໄດ້ຖືໂອກາດນີ້ໄປຢ້ຽມຢາມ ສູນ​ຈຳ​ຫນ່າຍ​ຜະ​ລິດ​ຕະ​ພັນການ​ກະ​ເສດ ຂອງ ​ສະ​ຫະ​ກອນ ເມືອງ​ອານ​ຊັອງ (NongHyup An-Seong Agri-food Distribution Center), ທີ່ເມືອງ ອານ​ຊັອງ (Anseong), ແຂວງ​ກັອງ​ກີ (Gyeonggi). ສູນດັ່ງກ່າວແມ່ນມີບົດຮຽນ ແລະ ປະສົບການສູງໃນດ້ານການແຈກຈ່າຍຜະລິດຕະພັນກະສິກໍາຈາກກຸ່ມຜູ້ຜະລິດ ໄປສູ່ ຜູ້ບໍລິໂພກ ດ້ວຍຮູບການຂາຍຍົກທີ່ມີປະສິດທິຜົນສູງ.

- Tiger Head 728x90 - ລາວລົງນາມໃນສັນຍາສ້າງຕັ້ງອົງການຮ່ວມມືປ່າໄມ້ອາຊີ
- 1 1 - ລາວລົງນາມໃນສັນຍາສ້າງຕັ້ງອົງການຮ່ວມມືປ່າໄມ້ອາຊີ
error: Content is protected !!