ທ້າຍເດືອນນີ້ຈະສະຫຼອງສູນການຄ້າວຽງຈັນເຊັນເຕີ ຄົບຮອບ 3 ປີ

- advert banner 728 90 728x90 - ທ້າຍເດືອນນີ້ຈະສະຫຼອງສູນການຄ້າວຽງຈັນເຊັນເຕີ ຄົບຮອບ 3 ປີ

ໃນວັນທີ 15 ມີນານີ້, ທ່ານ ສົມບັດ ສີລິພອນວິທະຍາ ຜູ້ອໍານວຍການໃຫຍ່ ສູນການຄ້າວຽຈັນເຊັນເຕີ ແລະ ຕົວແທນ ບໍລິສັດ ພັດທະນາສູນເສດຖະກິດການຄ້າຄົບວົງຈອນໜອງຈັນ ຕອນເໜືອຈໍາກັດ,  ໄດ້ຖະແຫຼງຕໍ່ສື່ມວນຊົນວ່າ: ໃນວັນທີ 28-31 ມີນານີ້, ຈະມີການຈັດງານ ເພື່ອສະເຫຼີມສະຫຼອງວັນ ຄົບຮອບ 3 ປີ ຂອງສູນການຄ້າຂອງຕົນ, ໂດຍຈະຈັດໃຫ້ມີຫຼາຍກິດຈະກໍາເຊັ່ນ: ຕອນເຊົ້າຂອງວັນທີ 28 ຈະມີການທໍາບຸນຕັກບາດ ເພື່ອເປັນສິລິມຸງຄົນໃນວັນຄົບຮອບດັ່ງກ່າວ ແລະ ຈະມີໂຄງການໃຈອາສາບໍລິຈາກເລືອດ, ຮ່ວມກັບອົງການກາແດງລາວ ເພື່ອຊ່ວຍເຫຼືອສັງຄົມ. ນອກນີ້ຍັງຈະມີການສະແດງຟ້ອນລໍາລາວ, ດົນຕີພື້ນເມືອງ, ສະແດງການສາທິດການຊ່ວຍເຫຼືອເຈັບ ແລະ ຫຼິ້ນເກມແຈກຂອງລາງວັນ ແລະ ອື່ນໆ. ສ່ວນວັນທີ 31 ຈະເປັນພິທີການສະເຫຼີມສະຫຼອງວັນດັ່ງກ່າວ, ຊຶ່ງຈະມີກິດຈະກໍາຫຼາຍອັນຈະດໍາເນີນໄປຕະຫຼອດເດືອນ ແລະ ຈະມີໂປໂມຊັ່ນຫຼຸດສູງສຸດ 70% ຂອງສິນຄ້າບາງຊະນິດ ແລະ  ຍັງຈະມີກິດຈະກໍາຊີງໂຊກລຸ້ນລາງວັນໃຫຍ່ອື່ນໆອີກ, ມີກິດຈະກິດເຂົ້າເບິ່ງຮູບເງົາ ໂດຍບໍ່ໄດ້ເສຍຄ່າສໍາລັບ 100 ຄົນທໍາອິດ, ໂຍນໂບລິ່ງບໍ່ເສຍຄ່າ ແລະ ພິເສດ ຕັ້ງແຕ່ເວລາ 10 ໂມງເຊົ້າເປັນຕົ້ນໄປ ພາຍໃນງານຈະມີກິດຈະກໍາຫຼິ້ນເກມແຈກລາງວັນ, ສະແດງດົນຕີ, ປີວາໂນ  ແລະ ໄວໂອລິນ, ສະແດງກາຍະສິນ, ສະແດງລະນາດ, ສະແດງເທຄວັນໂດ້, ການເດີນແບບ ແລະ ພົບກັບສິລະປິນຊື່ດັງຂອງລາວ ແລະ ຈາກປະເທດໄທຫຼາຍທ່ານ ດັ່ງນັ້ນ, ຈຶ່ງຂໍເຊີນຊ່ວນໃຫ້ທຸກທ່ານມາຮ່ວມງານດັ່ງກ່າວນໍາດ້ວຍ.

- 1 1 - ທ້າຍເດືອນນີ້ຈະສະຫຼອງສູນການຄ້າວຽງຈັນເຊັນເຕີ ຄົບຮອບ 3 ປີ
- lattana 1 - ທ້າຍເດືອນນີ້ຈະສະຫຼອງສູນການຄ້າວຽງຈັນເຊັນເຕີ ຄົບຮອບ 3 ປີ