​ບຸນມະ​ໂຫາ​ລານກາ​ເຟລາວ​ຄັ້ງ​ທີ 2 ປະຈຳ​ປີ 2018 ທີ່​ສວນ​ເຈົ້າ​ອານຸວົງ ນະຄອນຫລວງ​ວຽງຈັນ

- advert banner 728 90 728x90 - ​ບຸນມະ​ໂຫາ​ລານກາ​ເຟລາວ​ຄັ້ງ​ທີ 2 ປະຈຳ​ປີ 2018 ທີ່​ສວນ​ເຈົ້າ​ອານຸວົງ ນະຄອນຫລວງ​ວຽງຈັນ

​ໃນ​ວັນ​ທີ 14 ມີນາ ນີ້, ຢູ່​ໃນ​ງານ​ວາງສະ​ແດງ​ຜະລິດ​ຕະພັນ​ລາວ, ທ່ານ ສີ​ສຸ​ພົນ ສີ​ຫາ​ລາດ ຜູ້ອຳນວຍການ​ ກຸ່ມ​ບໍລິສັດ​ດາວ​ເຮືອງ ຈຳກັດ, ​ໄດ້​ໃຫ້​ສຳພາດ​ຕໍ່ສື່​ມວນ​ຊົນ ​ເຊິ່ງທາງ​ບໍລິສັ​ດກໍ​​ໄດ້​ເປັນ​ສ່ວນໜຶ່ງ​ໃນ​ການສະໜັບສະໜູນ ບຸນມະ​ໂຫລານ​ກາ​ເຟລາວ ຄັ້ງ​ທີ 2 ​ໃຫ້​ຮູ້​ວ່າ: ງານ​ບຸນມະ​ໂຫລານ​ຄັ້ງ​ນີ້​ແມ່ນ​ຈະ​ໄດ້​ຈັດ​ຂຶ້ນ​ໃນ​ລະຫວ່າງ​ວັນ​ທີ 6-8 ​ເມາ​ສາ 2018, ທີ່​ສວນ​ເຈົ້າ​ອານຸວົງ ນະຄອນຫລວງ​ວຽງຈັນ, ພາຍ​ໃນ​ງານ​ມີ​ຫລາກ​ຫລາຍ​ກິດຈະກຳ​ເປັນ​ຕົ້ນ: ການວາງສະ​ແດງ​ສິນຄ້າ​ຕ່າງໆທີ່​ກ່ຽວຂ້ອງ​ໃນ​ຕ່ອງ​ໂສ້​ກາ​ເຟ, ນັບ​ຈາກ​ການ​ປູກ, ການ​ຜະລິດ ​ແລະ ການຈຳໜ່າຍ ຈົນ​ໄປ​ເຖິງ​ການ​​ແຂ່ງຂັນຊົງ​ກາ​ເຟລະດັບ​ປະ​ເທດ​ທີ່​ຈະ​ໄດ້​ຈັດ​ຂຶ້ນທຳ​ອິດ​ໃນ​ປະຫວັດສາດ​ວົງ​ການ​ກາ​ເຟລາວ, ​ເພື່ອ​ກຽມພ້ອມ​ໃຫ້​ແກ່​ນັກ​ຊົງ​ກາ​ເຟຂອງາ​ລວກ້າວ​ເຂົ້າ​ສູ່​ເວທີ​ສາກົນ ລວມມີ 3 ປະ​ເພດ: 1. ການ​ແຂ່ງຂັນ​ຊົງ​ກາ​ເຟບາຣິສຕ້າ 2. ການ​ແຂ່ງຂັນ​ຊົງ​ກາ​ເຟຢອດ 3. ການ​ແຂ່ງຂັນ​ລາ​ເຕ້ອາດ, ນອກຈາກ​ນັ້ນ​ກໍ​ຍັງ​ມີ​ການວາງສະ​ແດງ​ສິນຄ້າ ການ​ຮ່ວມ​ມື​ພັດທະນາ ທີ່​ກ່ຽວພັນ​ກັບກາ​ເຟ​ໃນ​ພູມິ​ພາກ​ອາຊຽນ, ຊຶ່ງ​ຄາດ​ວ່າ​ຈະ​ໄດ້​ຮັບ​ຄວາມ​ສົນ​ໃຈ​ຈາກ​ມວນ​ຊົນ ທັງ​ພາຍ​ໃນ ​ແລະ ຕ່າງປະ​ເທດ​ມາ​ທ່ຽວຊົມ​ເປັນ​ຈຳນວນ​ຫລາຍ.

- lattana 1 - ​ບຸນມະ​ໂຫາ​ລານກາ​ເຟລາວ​ຄັ້ງ​ທີ 2 ປະຈຳ​ປີ 2018 ທີ່​ສວນ​ເຈົ້າ​ອານຸວົງ ນະຄອນຫລວງ​ວຽງຈັນ

ຜູ້ອຳນວຍການ​ກຸ່ມ​ບໍລິສັດ​ດາວ​ເຮືອງ​ຈຳກັດ ​ໃຫ້​ຮູ້​ວ່າ: ການຈັດ​ງານ​ບຸນມະ​ໂຫລານ​ກາ​ເຟລາວ​ຄັ້ງ​ນີ້, ​ແມ່ນ​ເພື່ອ​ເປັນ​ການ​ສົ່ງ​ເສີມ​ກິດຈະກຳ​ປີ​ທ່ອງ​ທ່ຽວລາວ, ​ເປັນ​ໂອກາດ​ອັນ​ດີ​ແກ່​ຊາວ​ກະສິກອນ ​ແລະ ຜູ້​ຜະລິດ​ກາ​ເຟ​ໄດ້​ຮຽນຮູ້ ​ແລະ ​ແລກປ່ຽນປະສົບ​ການ​ກັບ​ບັນດາ​ປະ​ເທດ​ອາຊຽນ ຊຶ່ງ​ກາ​ເຟດາວ​ເຮືອງ​ກໍ​ເປັນ​ຜະລິດ​ຕະພັນໜຶ່ງທີ່​ໄດ້​ຮັບ​ຄວາມ​ສົນ​ໃຈ​ຈາກ​ສັງຄົມ, ປັດຈຸ​ບັນ​ທາງ​ບໍ​ລິ​ສັດ​ມີ​ການ​ຂາຍ​ສົ່ງ​ອອກ​ຕ່າງປະ​ເທດ​ກວ່າ 10 ປະ​ເທດ​ເຊັ່ນ: ​ໃນ​ອາຊຽນ, ​ເອີຣົບ ​ແລະ ປະ​ເທດ​ອື່ນໆ, ​ເນື່ອງ​ໃນ​ໂອກາດ​ເຂົ້າ​ຮ່ວມ​ງານ​ບຸນມະ​ໂຫລານ​ກາ​ເຟລາວ​ຄັ້ງ​ນີ້ ທາງ​ບໍລິສັດ​ດາວ​ເຮືອງ​ພວກ​ເຮົາ​ຈະ​ໄດ້​ນຳ​ເອົາ​ຜະລິດ​ຕະພັນ​ໃໝ່ມາ​ວາງສະ​ແດງ​ເຊັ່ນ: ກາ​ເຟ​ເຟີ​ເຟັກ​ເຊບ, ກາ​ເຟສຳ​ເລັດ​ຮູບ 2 in 1, ກາ​ເຟ 3 in 1, ​ເຊິ່ງ​ເປັນ​ການ​ເຟປອດ​ສານ​ຜິດ​ທີ່​ປູກ​ຢູ່​ພູ​ພຽງບໍລະ​ເວນ​ດິນ​ພູ​ເຂົາ​ໄຟ​ເກົ່າ ​ແລະ ຜະລິດ​ຕະພັນ​ດາວ ​ແລະ ອື່ນໆ.

- 1 1 - ​ບຸນມະ​ໂຫາ​ລານກາ​ເຟລາວ​ຄັ້ງ​ທີ 2 ປະຈຳ​ປີ 2018 ທີ່​ສວນ​ເຈົ້າ​ອານຸວົງ ນະຄອນຫລວງ​ວຽງຈັນ