ເດລ ປໍໂຕຣ ເອົາຊະນະ ເຟດເດີເຣີ ຄວ້າແຊ້ມ ມາສເຕີ 1000

- advert banner 728 90 728x90 - ເດລ ປໍໂຕຣ ເອົາຊະນະ ເຟດເດີເຣີ ຄວ້າແຊ້ມ ມາສເຕີ 1000

ການ​ແຂ່ງຂັນ​ເຕັນ​ນິດ ​ເອທີ​ພີ ທົວ ມາສ​ເຕີ 1000 ​ແລະ ດັບ​ເບີ​ນຢູທີ​ເອ ທົວ ລາຍການ ບີ​ເອັນ​ພີ ປາຣິບາສ ​ໂອ​ເພັນ ທີ່​ເມືອງ​ອິນ​ດຽນ ​ເວລ ປະ​ເທດ​ສະຫະລັດ​ອາ​ເມ​ລິ​ກາ ປະ​ເພດ​ຊາຍ​ດ່ຽວ ຮອບ​ຊີງ​ຊະນະ​ເລີດ ຮວນ ມາຣຕິນ ​ເດລ ປໍ​ໂຕຣ ມື​ວາງ​ອັນ​ດັບ 6 ຂອງ​ລາຍການ​ຈາກ​ອາ​ເຈນ​ຕິ​ນາ ພົບ​ກັບ ​ໂຣ​ເຈີ ​ເຟດ​ເດີ​ເຣີ ມື 1 ​ໂລກ​ຊາວ​ສະ​ວິດ​ ປາກົດ​ວ່າ ​ເດລ ປໍ​ໂຕຣ ສາມາດ​ເຊບ 3 ​ແຊມ​ປ້ຽນຊິ​ບພ້ອຍ ກ່ອນ​ເອົາ​ຊະນະ 2-1 ​ເຊັດ 6-4, 6-7 (8-10), 7-6 (7-2) ຄວ້າ​ແຊ້ມລາຍການ​ໃຫຍ່​ທີ່​ສຸດ​ຂອງ​ຕົນ​ເອງ​ໃນ​ຮອບ 9 ປີ ນັບ​ແຕ່​ໄດ້​ແຊມ​ຢູ​ເອສ ​ໂອ​ເພັນ, ສ່ວນ ​ເຟ​ເດີ​ເຣີ ​ເຈົ້າຂອງ​ແຊ້ມ​ເກົ່າ ​ເສຍ​ເປັນ​ເທື່ອ​ທຳ​ອິດ​ໃນ​ປີ​ນີ້ ຢຸດ​ສະຖິຕິ​ຊະນະ​ຕິດ​ຕໍ່​ກັບ​ລົງ​ໄວ້​ທີ່ 17 ​ແມດ ພາດ​ຄວ້າ​ແຊ້ມມາສ​ເຕີ 1000 ລາຍການ​ທີ 28 ​ແລະ ​ແຊ້ມ​ເອທີ​ພີ ທົວລາຍການ​ທີ 98.

- lattana 1 - ເດລ ປໍໂຕຣ ເອົາຊະນະ ເຟດເດີເຣີ ຄວ້າແຊ້ມ ມາສເຕີ 1000

​ປະ​ເພດ​ຍິງ​ດ່ຽວ ຮອງ​ຊີ​ງຊະນະ​ເລີດ ການ​ຕໍ່ສູ້​ລະຫວ່າງ​ນັກ​ເຕັນ​ນິດ​ອາຍຸ 20 ປີ ນາ​ໂອ​ມິ ​ໂອຊາ​ກະ ຈາກ​ຍີ່ປຸ່ນ ​ເອົາ​ຊະນະ ດາ​ເຣຍ ຄາ​ຊັຕຄິນາ ມື 20 ຈາກຣັດ​ເຊຍ 6-3, 6-2 ສ້າງ​ສະຖິຕິ​ເປັນ​ນັກ​ເຕັນ​ນິດ​ອາຍຸ​ນ້ອຍ​ສຸດ 20 ປີ 153 ວັນ ທີ່​ຄວ້າ​ແຊ້ມລາຍການ​ນີ້ ນັບ​ແຕ່ ອານາ ອິວາ​ໂນ​ວິຊ ສ້າງ​ໄວ້​ຕອນ​ອາຍຸ 20 ປີ 138 ວັນ ​ໃນ​ປີ 2008.

- 1 1 - ເດລ ປໍໂຕຣ ເອົາຊະນະ ເຟດເດີເຣີ ຄວ້າແຊ້ມ ມາສເຕີ 1000