ໄທຈະໄຂງານສະແດງສິນຄ້າລົດຍົນອະໄຫລ່ລົດຍົນ ຄັ້ງທີ 8   

- advert banner 728 90 728x90 - ໄທຈະໄຂງານສະແດງສິນຄ້າລົດຍົນອະໄຫລ່ລົດຍົນ ຄັ້ງທີ 8   

ໃນວັນທີ 15 ມີນາ ນີ້, ທ່ານ ນາງ ຍານີ ສີມີໄຊ ອໍານວຍການສໍານັກງານສົ່ງເສີມການຄ້າລະຫວ່າງປະເທດ ປະຈໍານະຄອນຫຼວງວຽງຈັນ ແລະ ທ່ານ ພັດທະຍະພົນ ປັນຍາຈະເລ ຜູ້ຕາງໜ້າສະມາຄົມຜູ້ຜະລິດຊິ້ນສ່ວນລົດຍົນໄທ, ໄດ້ຖະແຫຼງຂ່າວວ່າ: ງານສະແດງສິນຄ້າລົດຍົນ, ຊິ້ນສ່ວນອະໄຫລ່ລົດຍົນ ແລະ ອຸປະກອບຕົບແຕ່ງ  (Tama 2018) ຄັ້ງທີ 8, ຊຶ່ງຈະຈັດຂຶ້ນໃນລະຫວ່າງວັນທີ 5-8 ເມສາ ນີ້, ທີ່ສູນນິທັດສະການ ແລະ ການປະຊຸມໄບເທກ ບາງນາ ກຸງເທບ ໂດຍກົມການສົ່ງເສີມການຄ້າລະຫວ່າງປະເທດ ກະຊວງພານິດ ຮ່ວມກັບ ສະມາຄົມຜູ້ຜະລິດຊິ້ນສ່ວນຍານຍົນໄທ, ສະມາຄົມຜູ້ປະກອບການຊິ້ນສ່ວນລົດຍົນ ແລະ ອະໄຫລ່ທົດແທນໄທ, ສະມາຄົມຜູ້ຄ້າອະໄຫລ່ວໍລະຈັກ, ສະມາຄົມສົ່ງເສີມການຮັບຊ່ວງການຜະລິດໄທ ແລະ ອົງກອນຊັ້ນນໍາໃນອຸດສາຫະກໍາລົດຍົນ.

- lattana 1 - ໄທຈະໄຂງານສະແດງສິນຄ້າລົດຍົນອະໄຫລ່ລົດຍົນ ຄັ້ງທີ 8   

ງານ Tama 2018 ເປັນຈຸດນັດພົບເພື່ອສ້າງໂອກາດທາງທຸລະກິດ ແລະ ຂະຫຍາຍເຄືອຂ່າຍທັງຜູ້ຜະລິດ ແລະ ຜູ້ຊື້. ພາຍໃຕ້ຄວາມຄິດ “lnnovation Clean for the Future” ໂດຍເນັ້ນເຖິງການພັດທະນາໃນອະນາຄົດຂອງອຸດສາຫະກໍາລົດຍົນທີ່ເນັ້ນປະສິດທິພາບສູງ ແລະ ມີມົນລະພິດຕໍ່າ, ໂດຍສະເພາະລົດຍົນທີ່ຂັບເຄື່ອນດ້ວຍພະລັງງານໄຟຟ້າເຊັ່ນ: ລົດຍົນໄຟຟ້າ ແລະ ລົດຍົນໄຮບຣິດ ດັ່ງນີ້ເປັນຕົ້ນ. ນອກນີ້ຍັງເປັນເວທີສໍາຄັນສໍາຫຼັບເຈລະຈາທຸລະກິດ ໂດຍຈະມີຜູ້ເຂົ້າຮ່ວມສະແດງສິນຄ້າ 500 ກວ່າບໍລິສັດ. ຈາກໄທ, ໃຕ້ຫວັນ, ຫວຽດນາມ, ຍີ່ປຸ່ນ, ມາເລເຊຍ, ສິງກະໂປ, ອິນໂດເນເຊຍ, ອິຕາລີ, ເຢຍລະມັນ, ຈີນ, ອາເມລິກາໃຕ້, ລັດເຊຍ ແລະ ອື່ນໆ. ພ້ອມທັງມີສິນຄ້າ ແລະ ບໍລິການຫຼາຍຢ່າງເຊັ່ນ: ອາໄຫລ່ ແລະ ຊິ້ນສ່ວນລົດ, ອຸປະກອນປະດັບລົດ, ປິໂຕລ່ຽມ, ນໍ້າມັນຫລໍ່ລື່ນ, ຜະລິດຕະພັນບໍາລຸງຮັກສາລົດ, ອຸປະກອນ ແລະ ເຄື່ອງຈັກໜັກສໍາຫຼັບຜະລິດຊິ້ນສ່ວນລົດ, ຍານພະຫະນະ, ບໍລິການສ້ອມແປງ ແລະ ບໍາລຸງຮັກສາລົດ, ອຸປະກອນໄອທີ, ການບໍລິຫານຈັດການ ແລະ ອື່ນໆ.

ທ່ານ ນາງ ຍານີ ສີມີໄຊ ໃຫ້ຮູ້ວ່າ: ໃນປີ 2017 ໄທໄດ້ສົ່ງອອກ ລົດຍົນມາລາວ ລວມມີມູນຄ່າກວ່າ 343 ລ້ານໂດລາສະຫະລັດ ແລະ ສົ່ງ ຊິ້ນສ່ວນ ອະໄຫລ່ລົດຍົນ ແລະ ອຸປະກອນຕົບແຕ່ງລວມມີມູນຄ່າຫຼາຍກວ່າ 37 ລ້ານໂດລາສະຫະລັດ.

- 1 1 - ໄທຈະໄຂງານສະແດງສິນຄ້າລົດຍົນອະໄຫລ່ລົດຍົນ ຄັ້ງທີ 8