ການເງິນແຂວງຈໍາປາສັກ-ສະຫວັນນະເຂດປະກາດແຕ່ງຕັ້ງຊັບຊ້ອນພະນັກງານຫລາຍຕໍາແໜ່ງ

- advert banner 728 90 728x90 - ການເງິນແຂວງຈໍາປາສັກ-ສະຫວັນນະເຂດປະກາດແຕ່ງຕັ້ງຊັບຊ້ອນພະນັກງານຫລາຍຕໍາແໜ່ງ

 ໃນທ້າຍອາທິດຜ່ານມາ, ທີ່ສະໂມສອນຫ້ອງວ່າການປົກຄອງແຂວງຈໍາປາສັກ ແລະ ສະຫວັນນະເຂດ, ໄດ້ມີພີທີປະກາດການຈັດຕັ້ງຊັບຊ້ອນພະນັກງານຂອງຂະແໜງການເງິນຫລາຍຕໍາ ແໜ່ງ, ໂດຍການເປັນປະທານຂອງທ່ານ ບຸນໂຈມ ອຸບົນປະເສີດ ຮອງລັດຖະມົນຕີກະຊວງການເງິນ, ມີບັນດາຮອງເຈົ້າແຂວງ, ເຈົ້າເມືອງ, ມີຫົວໜ້າກົມ, ຫົວໜ້າພະແນກ, ຮອງພະແນກຂະແໜງການເງິນ ແລະ ພາກສ່ວນກ່ຽວຂ້ອງເຂົ້າຮ່ວມ.

- lattana 1 - ການເງິນແຂວງຈໍາປາສັກ-ສະຫວັນນະເຂດປະກາດແຕ່ງຕັ້ງຊັບຊ້ອນພະນັກງານຫລາຍຕໍາແໜ່ງ

ສໍາລັບການຊັບຊ້ອນຄັ້ງນີ້ໄດ້ຍົກຍ້າຍ: ທ່ານ ວິຊຽນ ສົມບູນຂັນ ຮອງຫົວໜ້າພະແນກການເງິນແຂວງຈໍາປາສັກ ໄປຮັບໜ້າທີ່ໃໝ່ຢູູ່ຫ້ອງການຄະນະຮັບຜິດຊອບອະນຸສາວະລີແຂວງຈໍາປາສັກ, ຍົກຍ້າຍທ່ານ ໄພທູນ ສີພູມມາ ຮອງຫົວໜ້າພະແນກການເງິນແຂວງຈໍາປາສັກໄປຮັບໜ້າທີ່ໃໝ່ຢູູ່ພະແນກວິທະຍາສາດ ແລະ ເຕັກໂນໂລຊີແຂວງຈໍາປາສັກ ແລະ ຮັບເອົາທ່ານ ຄໍາພູນ ເທບສຸວັນ ຮອງຫົວໜ້າຫ້ອງວ່າການປົກຄອງແຂວງຈໍາປາສັກເປັນຮອງຫົວໜ້າພະແນກການເງິນແຂວງຈໍາປາສັກ, ຍົກຍ້າຍ ທ່ານ ກິດາວອນ ເທບປັນຍາ ຮອງຫົວໜ້າຂະແໜງງົບປະມານແຫ່ງລັດ ພະແນກການເງິນໄປຮັບໜ້າທີ່

ໃໝ່ຢູູ່ສ່ວຍສາອາກອນປະຈໍາແຂວງຈໍາປາສັກ, ຍົກຍ້າຍທ່ານ ສີສົມພອນ ຄໍາວຽງທອງ ຮອງຫົວໜ້າຫ້ອງການຄຸ້ມຄອງການເງິນລັດວິສາຫະກິດ ພະແນກການເງິນແຂວງຈໍາປາສັກ ໄປຮັບໜ້າທີ່ໃໝ່ຢູູ່ສ່ວຍສາອາກອນແຂວງຈໍາປາສັກ, ຍົກຍ້າຍ ແລະ ແຕ່ງຕັ້ງທ່ານ ສຸກກະເສີມ ສີຫານຸວົງ ຜູ້ອໍານວຍການວິທະຍາໄລການເງິນພາກໃຕ້ເປັນຫົວໜ້າສ່ວຍສາອາກອນແຂວງຈໍາປາສັກ ແລະ ແຕ່ງຕັ້ງທ່ານນາງ ບຸນເພັງ ພົມມາພັກດີ ຮອງຜູ້ອໍານວຍການວິທະຍາໄລການເງິນພາກໃຕ້ເປັນຜູ້ຮັກສາການຜູ້ອໍານວຍການວິທະຍາໄລການເງິນພາກໃຕ້, ຍົກຍ້າຍທ່ານ ສໍາລະ ບຸນນໍາ ຮອງຫົວໜ້າສ່ວຍສາອາກອນປະຈໍາແຂວງຈໍາປາສັກໄປສັງກັດຢູ່ພະແນການເງິນແຂວງ.

ສໍາລັບຂະແໜງສ່ວຍສາອາກອນແຂວງໄດ້ປະກາດຍົກຍ້າຍ ແລະ ແຕ່ງຕັ້ງຫົວໜ້າ, ຮອງຫົວໜ້າຂະແໜງ ແລະ ຫົວໜ້າສ່ວຍສາອາກອນປະຈຳເມືອງ ຂອງແຂວງຈຳປາສັກປະກອບມີ: ຂະແໜງຈັດຕັ້ງ, ບໍລິຫານ ແລະ ການເງິນ 3 ທ່ານ, ຂະແໜງກວດກາພາຍໃນ 3 ທ່ານ, ຂະແໜງແຜນການ, ບໍລິການລາຍຮັບ 3 ທ່ານ, ຂະແໜງກວດກາຫລັງການແຈ້ງລາຍຮັບ 4 ທ່ານ, ສ່ວຍສາອາກອນປະຈໍາເມືອງປາກເຊ ຍົກຍ້າຍ ແລະ ແຕ່ງຕັ້ງທ່ານ ນາງ ສຸບິນ ພັນທະນາໄລ ຫົວໜ້າຫ້ອງການຈັດຕັ້ງ-ບໍລິຫານ ເປັນຫົວໜ້າສ່ວຍສາອາກອນປະຈຳເມືອງປາເຊ ພ້ອມດ້ວຍຄະນະ 2 ທ່ານ, ສ່ວຍສາອາກອນປະຈໍາເມືອງໂພນທອງ ຍົກຍ້າຍ ແລະ ແຕ່ງຕັ້ງທ່ານ ບຸນຈັນ ໄຊໂສພາ ຫົວໜ້າຫ້ອງກວດກາບັນຊືວິສາຫະກິດ  ເປັນຫົວໜ້າສ່ວຍສາອາກອນປະຈໍາເມືອງໂພນທອງ ພ້ອມດ້ວຍຄະນະ 1 ທ່ານ, ສ່ວຍສາອາກອນປະຈໍາເມືອງໂຂງແຕ່ງຕັ້ງທ່ານ ສົມຊາຍ ພັນທະວົງ ຮອງຫົວໜ້າຫ້ອງການເງິນເມືອງໂຂງ ເປັນຫົວໜ້າສ່ວຍສາອາກອນປະຈໍາເມືອງໂຂງ ພ້ອມດ້ວຍຄະນະ 1 ທ່ານ. ສ່ວນຢູ່ແຂວງສະຫວັນນະເຂດ ໄດ້ປະກາດແຕ່ງຕັ້ງຊັບຊ້ອນຫົວໜ້າ, ຮອງຫົວໜ້າຂະແໜງ ແລະ ຫົວໜ້າສ່ວຍສາອາກອນປະຈຳເມືອງ ຂອງແຂວງປະກອບມີ: ຂະແໜງຈັດຕັ້ງ, ບໍລິຫານ ແລະ ການເງິນ 3 ທ່ານ, ຂະແໜງກວດກາພາຍໃນ 3 ທ່ານ, ຂະແໜງແຜນການ, ບໍລິການລາຍຮັບ 4 ທ່ານ, ຂະແໜງກວດກາຫລັງການແຈ້ງລາຍຮັບ 3 ທ່ານ ແລະ ສ່ວຍສາອາກອນປະຈໍາເມືອງໄກສອນພົມວິຫານ ຍົກຍ້າຍ ແລະ ແຕ່ງຕັ້ງທ່ານ ພູລັດສະໝີ ແພງທະລັງສີ ຫົວໜ້າຫ້ອງຄຸ້ມຄອງລາຍຮັບສ່ວຍສາອາກອນປະຈຳແຂວງສະຫວັນນະເຂດ ເປັນສ່ວຍສາອາກອນປະຈໍາເມືອງໄກສອນພົມວິຫານ ແລະ ຍົກຍ້າຍ-ແຕ່ງຕັ້ງທ່ານ ບຸນເລີດ ເພຍເທບ ຫົວໜ້າໜ່ວຍງານຄຸ້ມຄອງເກັບເກັບລາຍຮັບປະຈຳຂົວມິດຕະພາບ II ເປັນຮອງ, ສ່ວຍສາອາກອນປະຈຳເມືອງເມືອງອຸທຸມພອນຍົກຍ້າຍ ແລະ ແຕ່ງຕັ້ງທ່ານ ເກດສະໜອນ ປັດທຳມະວົງ ຮອງຫົວໜ້າສ່ວຍສາອາກອນປະຈໍາເມືອງໄກສອນພົມວິຫານ ເປັນຫົວໜ້າສ່ວຍສາອາກອນປະຈຳເມືອງເມືອງອຸທຸມພອນ. ສຳລັບການປະກາດການຈັດຕັ້ງຊັບຊ້ອນພະນັກງານຂອງຂະແໜງການເງິນທັງແຂວງຈຳປາສັກ ແລະ ແຂວງສະ ຫວັນນະເຂດ ແມ່ນອີງ​ໃສ່​ພາລະ​ບົດບາດ​​ໃໝ່ ແລະ ​ໄດ້​ຄົ້ນຄວ້າ​ປະສານສົມທົບ​ກັບ​ອົງການ​ປົກຄອງ​ທ້ອງ​ຖິ່ນຊຶ່ງໃນໄລຍະນີ້ກະຊວງການເງິນແມ່ນກໍາລັງສືບຕໍ່ປັບປຸງກົງຈັກການຈັດຕັ້ງ ແລະ ໄດ້ຮຽກຮ້ອງໃຫ້ເອົາໃຈໃສ່ສືບຕໍ່ປັບປຸງຂະແໜງການປົກຄອງການເກັບລາຍຮັບໄປຕາມລະບຽບກົດໝາຍ. ທັງນີ້, ກໍ່ເພື່ອເຮັດໃຫ້ກົງຈັກການຈັດຕັ້ງໃຫ້ມີຄວາມຄ່ອງຕົວ ແລະ ເປັນໄປຕາມລະບຽບກົດໝາຍທີ່ກໍານົດໄວ້ ທັງເປັນການແກ້ໄຂບັນຫາທີ່ຍັງບໍ່ທັນຄ່ອງຕົວລະຫວ່າງຄະນະພັກຄະນະນໍາ ແລະ ອົງການປົກຄອງທ້ອງຖິ່ນໃນໄລຍະຜ່ານມາ. ທີ່ສຳຄັນ, ແມ່ນການຈັດຕັ້ງປະຕິບັດວຽກງານການຈັດເກັບລາຍຮັບເຂົ້າງົບປະມານແຫ່ງລັດໃຫ້ສໍາເລັດຕາມລະດັບຄາດໝາຍວາງໄວ້.