ບໍລິສັດ​ ໜູ​ຄຳ ​ກໍ່ສ້າງ ​ພ້ອມ​ປະກອບສ່ວນ​ພັດທະນາ​ເສດຖະກິດ​ຂອງ​ຊາດ

- Gold Rat - ບໍລິສັດ​ ໜູ​ຄຳ ​ກໍ່ສ້າງ ​ພ້ອມ​ປະກອບສ່ວນ​ພັດທະນາ​ເສດຖະກິດ​ຂອງ​ຊາດ
- Untitled design - ບໍລິສັດ​ ໜູ​ຄຳ ​ກໍ່ສ້າງ ​ພ້ອມ​ປະກອບສ່ວນ​ພັດທະນາ​ເສດຖະກິດ​ຂອງ​ຊາດ

ບໍລິສັດ ໜູ​ຄຳ​ກໍ່ສ້າງ​ຂົວ​-ທາງ ​ແລະ ເຄຫາ​ສະຖານ ຈຳກັ​ດ, ມີ​ຄວາມ​ພ້ອມ​ດ້ານ​ກົນ​ຈັກ, ວິຊາ​ການ, ​ແຮງ​ງານ​ ແລ​ະ ທຶນຮອນ, ​ເພື່ອປະກອບສ່ວນ​ໃນ​ການ​ສ້າງ​ສາ​​ພັດທະນາ​​ປະ​ເທດ​ຊາດ, ຊຶ່ງ​ຜ່ານ​ມາ​ມີຫລາຍ​ໂຄງ​ການຂອງ​ລັດກໍ​​ໄດ້​ເຮັດ​ສຳ​ເລັດເປັນຢ່າງດີ, ເຖິງ​ວ່າວິ​ກິດ​ການ​ທາງ​ດ້ານ​ເສດຖະກິດ​ລວມຈະ​ເປັນ​ໄພ​ຂົ່ມຂູ່​ຕໍ່​ການ​ດຳ​ເນີນ​ທຸລະ​ກິດ, ​ແຕ່​ກໍສາມ​າດ​ເຮັດຫລ້ອນໜ້າ​ທີ່, ພ້ອມທັງ​ມອບ​ພັນທະ​ອາກອນຕ່າງໆໃຫ້​ລັດຫລາຍ​ກວ່າ 2 ​ຕື້​ກີບຕໍ່​ປີ.

ທ່ານປະທານ​ບໍລິສັດດັ່ງກ່າວ​​ ໄດ້ໃຫ້ຮູ້​ວ່າ: ຍ້ອນ​ເອົາ​ໃຈ​ໃສ່​ປະຕິບັດ​ຕາມ​ທິດ​ທາ​ງນະ​ໂຍບາຍ​ຂອງ​ພັກ​-ລັດ​ໃນ​ການ​ເຄື່ອນ​ໄຫວ​ທຸລະ​ກິດ, ເຊິ່ງເບື້ອງຕົ້ນ​ມີທຶນຈົດທະບຽນພຽງ 300-400 ລ້ານກີບ​, ແຕ່ມາ​ຮອດ​ປະຈຸ​ບັນ​ໄດ້​ເພິ່ມຂຶ້ນ​ເປັນ 20​ຕື້​ກີບ, ພ້ອມ​ທັງ​ມີ​ເຄື່ອງ​ມື, ກົນ​ຈັກ, ວິ​ຊາ​ການ​ , ວັດຖຸ​ອຸປະກອນ ພ້ອມທີ່​ສາມາດ​ຮັບ​​ໂຄງການກໍ່ສ້າງຂະໜາດ​ໃຫຍ່​ຢູ່​ພາຍ​ໃນ​ປະ​ເທດ​ໄດ້. ຕະຫລອດ​ໄລຍະ​ຜ່ານ​ມາ, ບໍລິສັດຕົນ​ແມ່ນເຄີຍ​ໄດ້​ຮັບ​ຄວາມ​ໄວ້​​ເນື້ອ​ເຊື່ອ​ໃຈ​ຈາກ​ພາກລັດພັດທະນາຫລາຍໆ​ໂຄງການ​​ໃນ​​ແຂວງ​ສະຫວັນ​ນະ​ເຂດ ​ເຊັ່ນ​​: ໂຄງການ​ຊົນລະ​ປະ ທານ​ເມືອງ​ພະ​ລານ, ​ໂຄງການ​ຊິງ​ຊັ່ງ​ນ້ຳໜັກ​ດົງ​ເຫັນ, ​ໂຄງ​ການ​ສະໜອງ​ອຸປະກອນ​ຊົນລະປະທານ​,​ ໂຄງການ​ສ້າງ​ເສັ້ນທາງ​ຕັດ​ຜ່ານບ້ານ​ແດນ​ສະ​ຫັວນ​ເມື​ອງ​ເຊ​ໂປ​ນ ແລະ ໂຄງການອື່ນ.

​ໄປ​ຄຽງ​ຄູ່​ກັບ​ການ​ປະ​ກອບສ່ວນ​ໃນ​ການ​ພັດທະນາ​ເສດຖະກິດ-​ສັງຄົມ, ​ໃນແຕ່ລະ​ປີ ກໍ​ບໍ່ໄດ້​ລົດ​ລະ​ໃນ​ການ​​ມອບ​ພັນທະຕ່າງໆ​ໃຫ້​ລັດ, ​ເຊິ່ງປີ​ຜ່ານ​ມາກໍໄດ້​ມອບ​ແລ້ວຫລາຍ​ກວ່າ 2 ​ຕື້​ກີບ ​ແລະ ​ຄາດ​ວ່າ​ປີ​ນີ້​ຈະສູ້​ຊົນ​ມອບ​ພັນທະ​ໃຫ້​ລັດ​ໄດ້​ລື່ນ​ເກົ່າ. ແນວ​ໃດ​ກໍຕາມ,​ ເຫັນວ່າ​ຍັງ​ຄວາມ​ສ່ຽງ ແລະ ​ສິ່ງ​ທ້າ​ທາຍຫລາຍດ້ານ​ຢູ່, ​ເນື່ອງ​ຈາກ​​ອັດຕາ​ແລກປ່ຽນຂອງເງິນຕາຕ່າງປະເທດທີ່ເໜັງຕິງສູງຂຶ້ນ, ໄດ້​​ສົ່ງ​ຜົນສະທ້ອນ​ເຮັດ​ໃຫ້​ການ​ໃຊ້​ຈ່າຍ​ຕົວ​ຈິງສູງ​ກວ່າມູນ​ຄ່າ​ຂອງ​ໂຄງການ, ​​ໂດຍ​ສະ​ເພາະ​ວັດ​ສະດຸ​ອຸປະກອນທີ່​ນຳ​ໃຊ້​ເຂົ້າ​ໃນ​ການ​ກໍ່ສ້າງ ​ແລະບັນຫາ​ເງິນ​ທຶນ​ທີ່​ຈະ​ນຳ​ໃຊ້​ເຂົ້າ​ໃນ​ໂຄງ​ການກໍ​ມີ​ຄວາມ​ຝືດ​ເຄືອງ, ​ເນື່ອງຈາກ ບາງ​ໂຄງການ​ທີ່​ເຮັດ​ສຳ​ເລັດ​ແລ້ວ​ຍັງ​ບໍ່​ໄດ້ຮັບ​ການ​ຊໍາລະ​ຈາກ​ພາກລັດ.

- Wave100S AD to Website 2020 0 - ບໍລິສັດ​ ໜູ​ຄຳ ​ກໍ່ສ້າງ ​ພ້ອມ​ປະກອບສ່ວນ​ພັດທະນາ​ເສດຖະກິດ​ຂອງ​ຊາດ
- WhatsApp Image 2020 05 27 at 5 - ບໍລິສັດ​ ໜູ​ຄຳ ​ກໍ່ສ້າງ ​ພ້ອມ​ປະກອບສ່ວນ​ພັດທະນາ​ເສດຖະກິດ​ຂອງ​ຊາດ
- WhatsApp Image 2020 05 27 at 5 - ບໍລິສັດ​ ໜູ​ຄຳ ​ກໍ່ສ້າງ ​ພ້ອມ​ປະກອບສ່ວນ​ພັດທະນາ​ເສດຖະກິດ​ຂອງ​ຊາດ
error: Alert: ເນື້ອຫາຂ່າວມີລິຂະສິດ !!