ລາວ​ຈະສະຫລອງ​ວັນ​ໄມ້​ໂລກຂຶ້ນ​ໃນທ້າຍ​ເດືອນມີນາ​ນີ້

- advert banner 728 90 728x90 - ລາວ​ຈະສະຫລອງ​ວັນ​ໄມ້​ໂລກຂຶ້ນ​ໃນທ້າຍ​ເດືອນມີນາ​ນີ້

- Wood world 5 - ລາວ​ຈະສະຫລອງ​ວັນ​ໄມ້​ໂລກຂຶ້ນ​ໃນທ້າຍ​ເດືອນມີນາ​ນີ້

- lattana 1 - ລາວ​ຈະສະຫລອງ​ວັນ​ໄມ້​ໂລກຂຶ້ນ​ໃນທ້າຍ​ເດືອນມີນາ​ນີ້

ໃນ​ວັນ​ທີ 19 ມີນານີ້, ​ທ່ານ ລຽນ ທິ​ແກ້ວ ລັດຖະມົນ​ຕີ​ກະຊວງ​ກະຊວງ​ກະສິກໍາ ​ແລະ ປ່າ​ໄມ້ ​ໄດ້​ຖະ​ແຫລ​ງຕໍ່ສື່ມວນຊົນ​ວ່າ: ສປປ ລາວ ຈະ​ຈັດ​ງານ​ສະ​ເຫລີ​ມສະຫລອງ​ວັນ​ໄມ້​ໂລກໃນ​ວັນ​ທີ 29-31 ມີນານີ້, ທີ່ສູນ​ການ​ຄ້າລາວ-​ໄອ​ເຕັກນະຄອນຫລວງ​ວຽງ​ຈັນ, ພາຍ​ໃຕ້​ຄໍາ​ຂວັນ: “​ໄມ້​ເພື່ອ​ຊີວິດ ຫລື LIVE”, ​ ຊຶ່ງຄາດ​ວ່າຈະ​ມີ​​ຫລາຍກວ່າ 40 ປະ​ເທດເຂົ້າ​ຮ່ວມ. ງານ​ຄັ້ງ​ນີ້ຖື​​ເປັນ​ໂອກາດ​ດີ​ເພື່ອ​​ເຜີຍ​ແຜ່​ຮີ​ດຄອງ​ປະ​​ເພນີ​ອັນ​ດີງາມ​ຂອງ​ຊາດທີ່​ຕິດ​ພັນ​ກັບວຽກງານ​ປ່າ​ ​ແລະ ​ໄມ້. ງານ​ສະ​ເຫລີ​ມຫລອງວັນ​ໄມ້​ໂລກ​​ ແມ່ນຈະ​​ມີຂຶ້ນ​ໃນ​ວັນ​ທີ 21 ມີນາ​ຂອງ​ທຸກປີ ແລະ ຄັ້ງ​ນີ້​ຈັດ​ຂຶ້ນ​ເປັນ​ປີ​ທີ 6, ໂດຍຄັ້ງ​ທໍາ​ອິດ​ຈັດ​ຂຶ້ນ​ໃນ​ປີ 2013 ທີ່​ປະ​ເທດ​ທັນ​ຊາ​ເນັຍ, 2014 ຢູ່ ສປຈີນ, 2015 ຢູ່ປະ​ເທດ​ເຕີ​ກກີ, 2016 ຢູ່​ປະ​ເທດ​ເນ​ປານ ​ແລະ 2017 ​ຈັດ​ຂຶ້ນ ​ຢູ່​ສະຫະລັດ​ອາ​ເມ​ລິ​ກາ ແລະ ​ປີ 2018 ສປປ ລາວ ​ໄດ້ຮັບກຽດຈັດ​ຮ່ວມ​ກັບ 3 ປະ​ເທດ​ຄື: ກໍາປູ​ເຈຍ, ມຽນມາ ​ແລະ ​ສປຈີນ ​ເປັນ​ເຈົ້າພາບຈັດ​ງານ​ຕິດ​ຕໍ່​ກັນ​. ​​ໃນ​ງານ​ກໍ​ຈະມີ​ຫລາກ​ຫລາຍ​ກິດຈະ​ກໍາ ​ເຊັ່ນ: ການ​ວາງສະ​ແດງ​ຜະລິດ​ຕະພັນ​ໄມ້​ຈາກ​​ແຕ່ລະປະ​ເທດ, ການແກະ​ສະ​ລັກໄມ້, ການສະ​ແດງ​ເຄື່ອງ​ດົນຕີສິລະປະ​ພື້ນ​ເມືອງ, ວັດທະນະ​ທໍາ​ທີ່​ເຮັດ​ດ້ວຍ​ໄມ້, ​ໄປ​ທ່ຽວຊົມ​ສະ​ຖານ​ກ້າເບ້ຍ​ໄມ້​ເຂດ​ນໍ້າ​ຊ່ວງ ​ແລະ ອື່ນ​ໆ.

ທ່ານ​ລັດຖະມົນຕີ​ ​ກ່າວ​ວ່າ: ຜ່ານ​ມາ, ພັກ ​ແລະ ລັດຖະບານ ​ໄດ້​ເອົາ​ໃຈ​ໃສ່​​ຕໍ່​ວຽກງານ​ຄຸ້ມ​ຄອງ, ປົກ​ປັກ​ຮັກສາ ​ແລະ ນໍາ​ໃຊ້​ປ່າ​ໄມ້​ແບບ​ຍືນ​ຍົງ, ​​ໂດຍ​ໄດ້​ກໍານົດ​ແນວທາງ​ນະ​ໂຍບາຍ ​ແລະ ຍຸດ​ທະ​ສາດທີ່​ແທດ​ເໝາະ ​ແລະ ສອດຄ່ອງ​ໃນ​ແຕ່ລະ​ໄລຍະ, ​​ເພື່ອເຮັດ​ໃຫ້​ປ່າ​ໄມ້​​ໃນ​ທົ່ວ​ປະ​ເທດ​ມີ​ຄວາມ​ປົກ​ຫຸ້ມ​​ໃຫ້​ໄດ້ 70% ​ໃນປີ 2020. ຄື​ຮູ້ນໍາກັນ​ວ່າປ່າ​ໄມ້​ເປັນ​ຊັບພະະຍາກອນ​ອັນ​ລໍ້າ​ຄ້າ​ຂອງຊາດ​ໃນ​ການ​ພັດທະນາ​ເສດຖະກິດ-ສັງຄົມ, ລືບ​ລ້າງ​ຄວາມທຸກ​ຍາກ ​ແລະ ຄໍ້າປະກັນ​ຊີວິດ​ການ​ເປັນ​ຢູ່​ຂອງ​ປະຊາຊົນ​ບັນດາ​ເຜົ່າ, ​ໂດຍ​ສະ​ເພາະ​ໃນ​ເຂດ​ຊົນນະບົດ​ຫ່າງ​ໄກ​ສອກຫລີກໄດ້ອາໃສປ່າໄມ້ເປັນແຫລ່ງຊອກຢູ່ຫາກິນ ແລະ ການຜະລິດຕ່າງໆ ເພື່ອພັດທະນາຊີວິດການເປັນຢູ່ໃຫ້ດີຂຶ້ນ.