ລາວຫາລືການຜະລິດກະສິກຳສະອາດຕິດພັນກັບຂະແໜງການປູກຝັງ

- Untitled design - ລາວຫາລືການຜະລິດກະສິກຳສະອາດຕິດພັນກັບຂະແໜງການປູກຝັງ

- third meeting 300x183 - ລາວຫາລືການຜະລິດກະສິກຳສະອາດຕິດພັນກັບຂະແໜງການປູກຝັງວັນທີ 20 ເມສານີ້, ກະຊວງກະສິກຳ ແລະ ປ່າໄມ້, ໄດ້ຈັດກອງປະຊຸມປຶກສາຫາລືການຜະລິດກະສິກຳສະອາດຕິດພັນກັບຂະແໜງປູກຝັງ ຂຶ້ທີ່ນະຄອນຫຼວງວຽງຈັນ, ໂດຍການເຂົ້າຮ່ວມຂອງທ່ານ ລຽນ ທິແກ້ວ ລັດຖະມົນຕີກະຊວງດັ່ງກ່າວ, ມີຜູ້ປະກອບການ-ຜູ້ຜະລິດ, ພ້ອມດ້ວຍຂະແໜງການກ່ຽວຂ້ອງເຂົ້າຮ່ວມເປັນຈຳນວນຫຼາຍ.

ລັດຖະມົນຕີກະຊວງກະສິກຳ ແລະ ປ່າໄມ້ກ່າວໃນກອງປະຊຸມວ່າ: ເພື່ອເປັນການສະຫຼຸບຕີລາຄາຄືນບັນດາຈຸດດີ, ຈຸດອ່ອນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ໃນການຈັດຕັ້ງປະຕິບັດວຽກງານພັດທະນາກະສິກຳສະອາດຕິດພັນກັບຂະແໜງການປູກຝັ່ງໃນໄລຍະຜ່ານມາຮອດປີ 2016 ແລະ ວຽກຈຸດສຸມແຕ່ນີ້ຮອດປີ 2020, ເພື່ອເປັນການຍ້ອງຍໍຊົມເຊີຍຜົນງານຂອງຊາວກະສິກອນ, ກຸ່ມຜູ້ຜະລິດ, ຜູ້ປະກອບການທີ່ຜະລິດກະສິກຳສະອາດໄດ້ຕາມມາດຕະຖານການຜະລິດກະສິກຳອິນຊີ ແລະ ກະສິກຳທີ່ດີ, ທັງເປັນການປຶກສາຫາລື ແລະ ເປັນເອກະພາບທາງດ້ານທັດສະນະຂອງຜູ້ເຂົ້າຮ່ວມກອງປະຊຸມໃນຄັ້ງນີ້, ຕໍ່ວຽກງານຜະລິດກະສິກຳສະອາດໃນຊຸມປີຕໍ່ໜ້າ,ໂດຍສະເພາະແມ່ນການຈັດຕັ້ງປະຕິບັດພັນທະລະບົບການຜະລິດກະສິກຳສະອາດໃນປະເທດເຮົາໃຫ້ໄປຕາມ 2 ລະບົບຄື: ລະບົບການຜະລິດຕາມມາດຕະຖານກະສິກຳອິນຊີ ແລະ ລະບົບການຜະລິດຕາມມາດຖະຖານກະສິກຳທີ່ດີ ແລະ ທັງເປັນການຄົ້ນຄວ້ານະໂຍບາຍ ແລະ ການສ້າງນິຕິກຳຕ່າງໆໃນການພັດທະນາກະສິກຳສະອາດ, ໂດຍສະເພາະແມ່ນບັນດາລະບຽບການຕ່າງໆເພື່ອຄຸ້ມຄອງການພັດທະນາກະສິກຳສະອາດ ແລະ ກຳນົດເຂດຈຸດສຸມ, ເພື່ອເຊື່ອມໂຍງກົນໄກປະສານງານໃນການຈັດຕັ້ງປະຕິບັດພັນທະໜ້າທີ່ຕາມພາລະບົດບາດຂອງຂະແໜງການປູກຝັ່ງກັບກົມກອງທີ່ກ່ຽວຂ້ອງ, ຕະຫຼອດຮອດອົງການປົກຄອງທ້ອງຖິ່ນຂັ້ນຕ່າງໆ, ທັງນີ້ກໍເພື່ອເຮັດໃຫ້ຂະແໜງການປູກຝັ່ງມີຄວາມເຂັ້ມແຂງຮອບດ້ານ, ໂດຍສະ ເພາະແມ່ນການຈັດຕັ້ງປະຕິບັດວຽກງານຜະລິດກະສິກຳສະອາດທີ່ຕິດພັນກັບຂະແໜງການປູກຝັ່ງໃຫ້ມີຜົນສຳເລັດດີຂື້ນກວ່າເກົ່າ.

- Wave100S AD to Website 2020 0 - ລາວຫາລືການຜະລິດກະສິກຳສະອາດຕິດພັນກັບຂະແໜງການປູກຝັງ

ທ່ານ ລັດຖະມົນຕີກ່າວວ່າ: ກະສິກຳສະອາດຖືເປັນແນວທາງນະໂຍບາຍໄລຍະໃໝ່ຂອງປະເທດເຮົາ,ກໍຄືພາກພື້ນ ແລະ ສາກົນ, ຊຶ່ງເປັນລະບົບການຜະລິດທີ່ຄຳນຶງເຖິງການນຳໃຊ້ຊັບພະຍາກອນທຳມະ ຊາດແບບຍືນຍົງ, ເນື່ອງຈາກຊາວກະສິກອນສາມາດເພີ່ງຕົນເອງໄດ້ ແລະ ສາມາດເພີ່ງພາກັນໄດ້,ເຮັດໃຫ້ມີຄຸນນະພາບຊີວິດທີ່ດີຂື້ນ, ມີຄວາມໝັ້ນຄົງ ແລະ ມີຄວາມປອດໄພທາງດ້ານສະບຽງອາຫານ, ແລະ ໂພຊະນາການ, ສິ່ງສຳຄັນແມ່ນມີຜົນກະທົບໜ້ອຍຕໍ່ຜູ້ຜະລິດຜະລິດ ແລະ ຜູ້ບໍລິໂພກນັບທັງພາຍໃນ ແລະ ຕ່າງປະເທດ.

- WhatsApp Image 2020 05 27 at 5 - ລາວຫາລືການຜະລິດກະສິກຳສະອາດຕິດພັນກັບຂະແໜງການປູກຝັງ
- WhatsApp Image 2020 05 27 at 5 - ລາວຫາລືການຜະລິດກະສິກຳສະອາດຕິດພັນກັບຂະແໜງການປູກຝັງ
error: Alert: ເນື້ອຫາຂ່າວມີລິຂະສິດ !!