ແປ້ງນົວບໍ່ມີຄຸນປະໂຫຍດ

- advert banner 728 90 728x90 - ແປ້ງນົວບໍ່ມີຄຸນປະໂຫຍດ

ໃນການຜະລິດແປ້ງນົວທັງຊະນິດກ້ອນ ແລະ ຊະນິດຝຸ່ນ ໃຊ້ແປ້ງມັນຕົ້ນ ແລະ ກາກນຳ້ຕານເປັນວັດຖຸດິບຫລັກ, ແຕ່ແຫ່ລງອື່ນແມ່ນມາຈາກກະດູກສັດ, ກະດູກງົວ, ກະດູກຄວາຍ, ໂຊດາໄຟ ແລະ ປຸ໋ຍຢູເຣຍ. ຄວາມຈິງແລ້ວ ແປ້ງນົວບໍ່ມີປະໂຫຍດທາງໂພຊະນາການເລີຍແມ່ນແຕ່ໜ້ອຍດຽວ, ແປ້ງນົວມີປະໂຫຍດພຽງເຮັດໃຫ້ອາຫານມີລົດຊາດໂດຍລວມດີຂຶ້ນ ນົວຂຶ້ນ ຫລື ແຊບຂຶ້ນ, ແຕ່ຕ້ອງໃສ່ໃນປະລິມານທີ່ເໝາະສົມ. ສ່ວນອັນຕະລາຍຂອງແປ້ງນົວຖືກແບ່ງອອກເປັນ 2 ພາກສ່ວນ ຄື :

- lattana 1 - ແປ້ງນົວບໍ່ມີຄຸນປະໂຫຍດ
  1. ພິດໄພ ແລະ ອັນຕະລາຍທີ່ເກີດຈາກເກືອໂຊດຽມ : ໝາຍຄວາມວ່າແປ້ງນົວມີໂຊດຽມທີ່ມາຈາກໂຊດາໄຟ ເປັນອົງປະກອບສຳຄັນຄືກັນກັບເກືອ, ແຕ່ອັນຕະລາຍຫລາຍກ່ວາເກືອຢູ່ບ່ອນວ່າ ເກືອໃຊ້ພຽງໜ້ອຍດຽວກໍຮູ້ສຶກວ່າມີລົດຊາດເຄັມ, ແຕ່ແປ້ງນົວໃສ່ຫລາຍເທົ່າໃດກໍບໍ່ຮູ້ສຶກວ່າມີປະລິມານໂຊດຽມຫລາຍ ເພາະບໍ່ມີລົດຊາດໃຫ້ຮູ້ສຶກ ຫລື ເວົ້າອີກແບບຢ່າງໜຶ່ງວ່າແປ້ງນົວມີພິດແຝງໃນໂຊດຽມເຊິ່ງມີພິດອັນຕະລາຍຄື :

     – ເຮັດໃຫ້ພູມຕ້ານທານ ຫລື ພູມຄຸ້ມກັນຂອງຮ່າງກາຍມະນຸດຫລຸດລົງ : ເຖິງວ່າແປ້ງນົວຈະບໍ່ເຮັດໃຫ້ໃຜເປັນພະຍາດເອດ, ແຕ່ມັນເຮັດໃຫ້ພູມຕ້ານທານຮ່າງກາຍບົກພ່ອງ ຍິ່ງຖ້າຄົນປ່ວຍເປັນພະຍາດເອດມາກິນອາຫານທີ່ໃສ່ແປ້ງນົວ ຍິ່ງເຮັດໃຫ້ຕາຍໄວກ່ວາທີ່ຄວນເປັນ.

  – ເຮັດໃຫ້ເກີດການສະສົມໃນສະໝອງເດັກ  ເຊິ່ງເມື່ອເດັກໃຫຍ່ຂຶ້ນຈະເປັນຄົນປັນຍາອ່ອນ : ໃນປະຈຸບັນມີເດັກປັນຍາອ່ອນເພີ່ມຫລາຍຂຶ້ນເລື້ອຍໆ ນັບແຕ່ມີແປ້ງນົວແຜ່ຫລາຍໃນປະເທດ ແປ້ງນົວເຮັດໃຫ້ເດັກນ້ອຍເກີດອາການຊັອກໂຄມ່າ ເຊິ່ງບາງເທື່ອແພດບໍ່ຮູ້ສາເຫດ ອາດເຮັດໃຫ້ປິ່ນປົວຜິດພາດ ເປັນອັນຕະລາຍໄດ້. ນອກຈາກນີ້, ຍັງເປັນໄພຕໍ່ແມ່ຍິງຖືພາ ເຮັດໃຫ້ຮ່າງກາຍບວມ ແລະ ຍັງມີພິດໄພຕໍ່ລູກໃນທ້ອງ ແລະ ເດັກແຮກເກີດນຳອີກ.

     – ແປ້ງນົວເປັນອັນຕະລາຍຕໍ່ຄົນປ່ວຍພະຍາດຕ່າງໆ ເຊັ່ນ : ພະຍາດໝາກໄຂ່ຫລັງ, ຄວາມດັນເລືອດສູງ ແລະ ພະຍາດຫົວໃຈ  ເປັນຕົ້ນ.

  1. ພິດໄພ ແລະ ອັນຕະລາຍທ່ີເກີດຈາກແປ້ງນົວແທ້ ສົ່ງຜົນຄື :

– ເຮັດໃຫ້ເກີດອາການແພ້ແປ້ງນົວ ເຊິ່ງຈະມີອາການມຶນ, ຊາ ແລະ ອອກຮ້ອນຢູ່ປາກ, ລີ້ນ, ໃບໜ້າ, ແກ້ມ, ກ້ານຄໍ, ໜ້າເອິກ, ບາງຄົນມີຕຸ່ມຜື່ນແດງເກີດຂື້ນຢູ່ຕາມຕົນໂຕ, ແໜ້ນໜ້າເອິກ, ຫົວໃຈເຕັ້ນຊ້າລົງ, ຫາຍໃຈບໍ່ສະດວກ ເປັນຕົ້ນ ຈົນເປັນທີ່ຮູ້ຈັກ ແລະ ຂະໜານນາມວ່າເປັນອາການແພ້ແປ້ງໃນພັດຕະຄານຈີນ.

– ທຳລາຍສະໝອງພາກສ່ວນໜ້າ ເຊິ່ງເປັນພາກສ່ວນສຳຄັນໃນການຄວບຄຸມການຈະເລີນເຕີບໃຫຍ່ ແລະ ລະບົບສືບພັນຂອງ ຮ່າງກາຍ ເຮັດໃຫ້ຈະເລີນເຕີບໃຫຍ່ຊ້າ, ປັນຍາອ່ອນ, ລະບົບສືບພັນຜິດປົກກະຕິ, ເປັນໝັນ, ອະໄວຍະວະສືບພັນນ້ອຍລົງ ທັງໃນ ເລື່ອງຂອງຂະໜາດແລະນຳ້ໜັກ.

– ທຳລາຍລະບົບປະສາດຕາ ສາຍຕາເສື່ອມ ຫລື ຕາບອດ ໂດຍສະເພາະແມ່ນໃນສັດທົດລອງ ຍິ່ງອາຍຸນ້ອຍຈະຍິ່ງເກີດຜົນຮ້າຍສູງ.

– ທຳລາຍກະດູກ ແລະ ໄຂກະດູກ ເຊິ່ງເປັນພາກສ່ວນທີ່ຜະລິດເມັດເລືອດແດງໃນຮ່າງກາຍ ເຮັດໃຫ້ເລືອດຈາງໄດ້.

- Tiger Head 728x90 - ແປ້ງນົວບໍ່ມີຄຸນປະໂຫຍດ
- 1 1 - ແປ້ງນົວບໍ່ມີຄຸນປະໂຫຍດ

– ເຮັດໃຫ້ວິຕາມິນໃນຮ່າງກາຍຫລຸດລົງ ໂດຍສະເພາະແມ່ນວິຕາມິນເບ 6 ເຊິ່ງສາມາດປິ່ນປົວອາການແພ້ແປ້ງນົວໄດ້.

– ເຮັດໃຫ້ເປັນພະຍາດມະເຮັງຊະນິດຕ່າງໆໄດ້ງ່າຍຂຶ້ນ.

– ທຳລາຍລະບົບປະສາດພາກສ່ວນກາງ ເຮັດໃຫ້ເປັນພະຍາດປະສາດໄດ້ງ່າຍຂຶ້ນ.

– ປ່ຽນແປງໂກຣໂມໂຊມ ເຮັດໃຫ້ຜິດປົກກະຕິ, ປາກແຫ່ວງ, ຫູແຫ່ວງ ແລະ ດັງບິ່ນ, ແຂນຂາພິການ ເປັນຕົ້ນ.

 

error: Content is protected !!