ວິທີຊ່ວຍຫລຸດບັນຫາໜ້າທ້ອງແຕກລາຍ

ຮອຍແຕກລາຍເວລາຖືພານັ້ນຄົນທີ່ຖືພາຕ້ອງທຳໃຈໄວ້ ຍ້ອນຫລີກເວັ້ນບໍ່ໄດ້ ຟັງແລ້ວເປັນຄຳເວົ້າທີ່ເຮັດໃຫ້້ອຸກໃຈຫລັງເກີດລູກເພາະບໍ່ມີໃຜຢາກທ້ອງລາຍ.

ມື້ນີ້ພວກເຮົາຈຶ່ງນຳເອົາ 6 ວິທີຊ່ວຍຫລຸດຜ່ອນອາການໜ້າທ້ອງແຕກລາຍມາແນະນຳທ່ານ.

ແມ່ຍິງເຮົາເມື່ອຖືພາຍ່ອມເກີດຮອຍຫ່ຽວ ແລະ ຮອຍແຕກລາຍຕ່າງໆຕາມຮ່າງກາຍ ລວມໄປເຖິງທ້ອງລາຍ ສຳລັບແມ່ຍິງທີ່ ກວມຢູ່ໃນກຸ່ມສ່ຽງບໍ່ສາມາດຫລີກເວັ້ນບັນຫາທ້ອງລາຍໄດ້ ເນື່ອງຈາກກຳມະພັນກໍບໍ່ຕ້ອງກັງວົນອີກຕໍ່ໄປ ເພາະເຮົາມີວິທີຫລຸດອາການທ້ອງລາຍມາໃຫ້ທ່ານລອງປະຕິບັດເບິ່ງ :

     – ຟ້າວປິ່ນປົວອາການທ້ອງລາຍແຕ່ຫົວທີ : ສິ່ງທຳອິດທີ່ທ່ານຄວນເຮັດເພື່ອກຳຈັດ ຫລື ຫລຸດຜ່ອນອາການທ້ອງລາຍກໍແມ່ນ ກວດເບິ່ງວ່າທ່ານມີຮອຍແຕກຮອຍລາຍຈາກການຖືພາເກີດຂຶ້ນຫລືບໍ່ ເຊິ່ງຖ້າພົບໄວເທົ່າໃດທ່ານກໍສາມາດແກ້ໄຂບັນຫານີ້ໃຫ້ໝົດໄປໄດ້ ເພາະຫາກທ່ານປ່ອຍໄວ້ຈົນຮອຍແຕກລາຍນັ້ນຂະຫຍາຍຂຶ້ນ ທ້ອງລາຍອາດຈະຕິດໂຕທ່ານໄປຈົນບໍ່ສາມາດເຮັດໃຫ້ຈາງລົງໄດ້.

     – ໃຊ້ຄຣີມທາຜິວ : ໃຊ້ຄຣີມທາຜິວນວດບໍລິເວນໜ້າທ້ອງມື້ລະຫລາຍໆເທື່ອເພື່ອເພີ່ມຄວາມຊຸ່ມຊື່ນໃຫ້ແກ່ຜິວໜັງໜ້າທ້ອງ ເຖິງວ່າຄຣີມທີ່ທ່ານໃຊ້ຈະບໍ່ແມ່ນຄຣີມສະເພາະສຳລັບຜິວແຕກລາຍກໍຕາມ ຫລາຍຄົນນິຍົມໃຊ້ຄຣີມທ່ີມີສ່ວນປະສົມຂອງໂຄໂຄບັດເຕີ, ແຕ່ກໍຍັງບໍ່ມີຜົນການວິໄຈມາຮອງຮັບເຖິງຄຸນສົມບັດຂໍ້ນີ້, ແຕ່ມີຜົນການວິໄຈວ່າຄຣີມທີ່ມີສ່ວນປະສົມຂອງສານສະກັດຈາກໂກໂຕໂຄລາ ຫລື ທີ່ຮູ້ຈັກກັນວ່າໄລກອງເຈັນ ຫລື ວາລາເຣຍ, ວິຕາມິນເອີ ແລະ ຄໍລາເຈັນຮີໂດຣໄລເຊດ ມີສ່ວນຊ່ວຍຫລຸດຮອຍແຕກລາຍໄດ້.

     – ຜັດຖູຜິວເປັນປະຈຳ : ຄວນມີຄຣີມຜັດແຊນຜິວສູດອ່ອນໂຍນທີ່ເໝາະສົມກັບຜິວຂອງທ່ານໃຊ້ ຫລື ຈະລອງເຮັດເອງກໍໄດ້ ໂດຍເອົາເປືອກໝາກກ້ຽງແຫ້ງມາບົດປະສົມກັບໂຢເກິດແລ້ວເອົາມາຜັດຖູໃສ່ຜິວເປັນປະຈຳ.

     – ກິນວິຕາມິນເສີມ : ວິຕາມິນເອີຊ່ວຍຟື້ນຟູ ແລະ ເສີມສ້າງຄໍລາເຈັນ ພຽງກິນວິຕາມິນເອີມື້ລະ 1 ເມັດ ຫລື ນວດນຳ້ມັນວິຕາມິນເອີ ກໍສາມາດຊ່ວຍຫລຸດຮອຍແຕກລາຍໄດ້. ນຳ້ມັນຈາກເຂົ້າ ຫລື ເຄື່ອງສຳອາງທີ່ມີສ່ວນປະສົມຂອງເປບທາຍ ແລະ ເຣຕິນັອນ ກໍຊ່ວຍຫລຸດຮອຍແຕກລາຍໄດ້.

     – ດື່ມນຳ້ຫລາຍໆ : ວິທີນີ້ຈະຊ່ວຍໃຫ້ຜິວຂອງທ່ານຊຸ່ມຊື່ນ ແລະ  ຊ່ວຍປ້ອງກັນຮອຍແຕກລາຍໄດ້.

     – ອອກກຳລັງກາຍຂະນະຖືພາ : ແມ່ຍິງຫລາຍຄົນຫລີກເວັ້ນການອອກກຳລັງກາຍທຸກຮູບແບບ ແລະ ໃຊ້ເວລາສ່ວນຫລາຍໄປກັບການພັກຜ່ອນ ນີ້ອາດຈະສົ່ງຜົນຮ້າຍຕໍ່ສຸຂະພາບ ແລະ ຜິວໜັງໄດ້ ລອງຍ່າງອອກກຳລັງກາຍທຸກມື້, ມື້ລະ 5 ນາທີ ຫລື ລອງສະໝັກຝຶກໂຢຄະສຳລັບແມ່ຍິງຖືພາກໍຊ່ວຍໄດ້.