ເປີດຫ້ອງກວດຄຸນນະພາບນ້ຳມັນເຊື້ອໄຟຢູ່ດ່ານສາກົນພູເກືອ ແຂວງອັດຕະປື

ເມື່ອບໍ່ດົນມານີ້, ທ່ານລັດ ຖະມົນຕີກະຊວງວິທະຍາ ສາດ ແລະ ເຕັກໂນໂລຊີ ບໍ່ວຽງ ຄໍາ ວົງດາລາ ແລະ ທ່ານເຈົ້າ ແຂວງ ອັດຕະປື ເລັດ ໄຊຍະ ພອນ ໄດ້ໃຫ້ກຽດເຂົ້າຮ່ວມ ພິທີເປີດຫ້ອງກວດກາຄຸນນະ ພາບນໍ້າມັນເຊື້ອໄຟປະຈໍາດ່ານສາກົນພູເກືອແຂວງອັດຕະປື, ເຊິ່ງເປັນຫ້ອງກວດກາຄຸນນະ ພາບນໍ້າມັນແຫ່ງທີ 16 ໃນທົ່ວ ປະເທດ.
ຫົວໜ້າກົມມາດຕະຖານ ແລະ ວັດແທກ ໃຫ້ຮູ້ວ່າ: ໃນ ຜ່ານມາ, ໄດ້ມີການຮ້ອງຮຽນ ຈາກຜູ້ຊົມໃຊ້ນໍ້າມັນເຊື້ອໄຟ ສະເໜີຕໍ່ພາກສ່ວນກ່ຽວຂ້ອງ ເພື່ອໃຫ້ເອົາໃຈໃສ່ກວດກາຄຸນນະພາບນໍ້າມັນເຊື້ອໄຟທີ່ນໍາ ເຂົ້າມາຈໍາໜ່າຍພາຍໃນປະ ເທດ, ຈາກນັ້ນ, ລັດຖະບານ ໄດ້ ສັ່ງໃຫ້ມີການກວດກາຄຸນນະ ພາບນໍ້າມັນເຊື້ອໄຟທົ່ວປະເທດ, ພ້ອມທັງອອກແຈ້ງການຂອງລັດຖະມົນຕີກະຊວງວິທະຍາ ສາດ ແລະ ເຕັກໂນ ໂລຊີກ່ຽວ ກັບການຈັດຕັ້ງ ປະຕິບັດການ ກວດກາຄຸນນະພາບນໍ້າມັນ ເຊື້ອໄຟທີ່ຜະລິດ, ນໍາເຂົ້າ-ສົ່ງ ອອກ ແລະ ຈໍາໜ່າຍຢູ່ໃນ ສປປ ລາວ ເພື່ອໃຫ້ຮັບປະ ກັນ ທາງດ້ານມາດຕະຖານ ແຫ່ງຊາດກໍຄືມາດຕະຖານ ສາກົນ.

+ ປີຜ່ານມາເຊື້ອໄຟລາວສະຫວັນນະເຂດມອບພັນທະໃຫ້ລັດບັນລຸໄດ້ຫລາຍກວ່າ 127 ຕື້ກີບ

+ ສະຫວັນນະເຂດເອົາໃຈໃສ່ກວດກາຫົວສີດນ້ຳມັນເຊື້ອໄຟ