ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ຈະໄຂຂຶ້ນໃນລະຫວ່າງວັນທີ 25 ເມສາ-18 ພຶດສະພານີ້

- Untitled design - ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ຈະໄຂຂຶ້ນໃນລະຫວ່າງວັນທີ 25 ເມສາ-18 ພຶດສະພານີ້

- MT 300x294 - ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ຈະໄຂຂຶ້ນໃນລະຫວ່າງວັນທີ 25 ເມສາ-18 ພຶດສະພານີ້       ວັນທີ 20 ເມສານີ້, ທີ່ຫໍສະພາແຫ່ງຊາດ, ທ່ານນາງ ສວນສະຫວັນ ວິຍະເກດ ກຳມະການສຳຮອງສູນກາງພັກ, ເລຂາທິການສະພາແຫ່ງຊາດ ໄດ້ຖະແຫລງຕໍ່ສື່ມວນຊົນລາວວ່າ: ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ຈະໄດ້ໄຂຂຶ້ນໃນວັນທີ 25 ເມສາ ເຖິງ 18 ພຶດສະພານີ້ ເປັນເວລາ 17 ວັນ, ທີ່ຫໍປະຊຸມສະພາແຫ່ງຊາດ, ນະຄອນຫລວງວຽງຈັນ, ໂດຍຈະໄດ້ຮັບການລາຍງານ, ພິຈາລະນາ ແລະ ຕົກລົງບັນຫາສຳຄັນຕ່າງໆຄື: ຮັບຟັງການລາຍງານໂດຍສັງເຂດຂອງທ່ານນາຍົກລັດຖະ ມົນຕີກ່ຽວກັບການຈັດຕັ້ງປະຕິບັດວຽກງານຈຸດສຸມໃນໄລຍະ 6 ເດືອນຜ່ານມາ ແລະ ທິດທາງແຜນການວຽກຈຸດສຸມໃນ 6 ເດືອນຕໍ່ໜ້າຂອງລັດຖະບານ, ຮັບຟັງການລາຍງານຂອງລັດຖະ ມົນຕີກະຊວງແຜນການ ແລະ ການລົງທຶນກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມໝົດປີ 2016 ແລະ ການຜັນຂະຫຍາຍການຈັດຕັ້ງປະຕິບັດແຜນປີ 2017, ຮັບຟັງການລາຍງານຂອງລັດຖະມົນຕີກະຊວງການເງິນກ່ຽວກັບບົດສະຫລຸບສະພາບການຈັດຕັ້ງປະຕິບັດແຜນງົບປະ ມານແຫ່ງລັດ 3 ເດືອນຂ້າມຜ່ານທ້າຍປີ 2016, ບົດລາຍງານສະພາບການຈັດຕັ້ງປະຕິບັດແຜນງົບ ປະມານແຫ່ງຊາດ ງວດ1 ປີ 2017 ແລະ ຄາດຄະເນທິດທາງແຜນການ 6 ເດືອນຕົ້ນປີ 2017, ຮັບຟັງການລາຍງານຂອງກະຊວງອຸດສາຫະກຳ ແລະ ການຄ້າກ່ຽວກັບສະພາບການຄຸ້ມຄອງລາຄາສິນ ຄ້າ, ອັດຕາເງິນເຟີ້, ອັດຕາແລກປ່ຽນ ທີ່ພວມກະທົບຕໍ່ການຜະລິດ, ການດຳລົງຊີວິດຂອງສັງຄົມ, ທິດທາງ ແລະ ມາດຕະການແກ້ໄຂໃນຕໍ່ໜ້າ, ພ້ອມນີ້ ຍັງມີການພິຈາລະນາຮັບຮອງເອົາບົດລາຍງານການເຄື່ອນໄຫວວຽກງານ 5 ປີ (2012-2016) ແລະ ທິດທາງວຽກງານ 5 ປີ (2017-2021) ຂອງອົງການກວດສອບແຫ່ງລັດ, ພິຈາລະນາຮັບຮອງເອົາການເລືອກຕັ້ງປະທານອົງການກວດສອບແຫ່ງລັດ.

ນອກນີ້ ຍັງຈະໄດ້ຮັບຟັງການລາຍງານຂອງອົງການໄອຍະການປະຊາຊົນສູງສຸດ ກ່ຽວກັບການປະຕິບັດສິດສັ່ງຟ້ອງຄະດີອາຍາຂຶ້ນສານ ແລະ ການເຂົ້າຮ່ວມການດຳເນີນຄະດີແພ່ງຢູ່ທີ່ປະຊຸມສານ ໃນໄລຍະຜ່ານມາ ແລະ ກຳນົດທິດທາງໃນການປັບປຸງຍົກສູງຄຸນນະພາບກ່ຽວກັບວຽກງານດັ່ງກ່າວ, ຮັບຟັງການລາຍງານຂອງສານປະຊາຊົນສູງສຸດ ກ່ຽວກັບການດຳເນີນຄະດີຢູ່ສານຂັ້ນຕົ້ນ ແລະ ສານຂັ້ນອຸທອນໄລຍະຜ່ານມາ, ທິດທາງປັບປຸງ ແລະ ຍົກສູງຄຸນນະພາບໃນວຽກງານດັ່ງກ່າວ, ພ້ອມທັງ ພິຈາລະນາຮັບຮອງເອົາບົດລາຍງານການເຄື່ອນໄຫວຂອງຄະນະປະຈຳສະພາແຫ່ງຊາດ ລະຫວ່າງສອງກອງປະຊຸມສະພາແຫ່ງຊາດ, ແຕ່ກອງປະຊຸມສະໄໝສາມັນເທື່ອທີ 2 ຫາ ກອງປະຊຸມສະໄໝສາມັນເທື່ອທີ 3 ແລະ ເທື່ອທີ 4 ຂອງສະພາແຫ່ງຊາດຊຸດທີ VIII, ພິຈາລະນາຮັບຮອງເອົາການສະເໜີແຕ່ງຕັ້ງຮອງປະທານກຳມາທິການຂອງສະພາແຫ່ງຊາດ, ຕາມການສະເໜີຂອງຄະນະປະຈຳສະພາແຫ່ງຊາດ, ຮັບຟັງການຊີ້ແຈງຂອງພາກສ່ວນກ່ຽວຂ້ອງຕໍ່ຄຳສະເໜີຂອງສັງຄົມຜ່ານໂທລະສັບສາຍດ່ວນຂອງກອງປະຊຸມສະໄໝສາມັນຂອງສະພາແຫ່ງຊາດຊຸດທີ VIII. ຂະນະດຽວກັນ ຍັງຈະໄດ້ມີການພິຈາລະນາຮັບຮອງເອົາກົດໝາຍສ້າງໃໝ່, ກົດໝາຍສະບັບປັບປຸງ ແລະ ປະກອບຄຳເຫັນໃສ່ກົດໝາຍທາບທາມ ລວມມີ 14 ສະບັບ, ໃນນັ້ນ ມີກົດໝາຍສ້າງໃໝ່ 5 ສະບັບ, ກົດໝາຍປັບປຸງ ຈຳນວນ 8 ສະບັບ ແລະ ກົດໝາຍທາບທາມ 1 ສະບັບ.

ພິເສດ ໃນໄລຍະດຳເນີນກອງປະຊຸມສະໄໝສາມັນເທື່ອນີ້ ບັນດາທ່ານສາມາດສົ່ງຄຳຄິດຄຳເຫັນ ແລະ ຄຳສະເໜີໄປຍັງກອງປະຊຸມໄດ້ 4 ຊ່ອງທາງຄື: ໂທລະສັບສາຍດ່ວນ (ໂດຍບໍ່ເສຍຄ່າ): 156, ໂທລະສານ ຫລື ແຟັກ: 021 452627, ສົ່ງຈົດໝາຍທາງຕູ້ໄປສະນີ: ຕູ້ ປນ 662 ແລະ ສົ່ງທາງອີເມວ [email protected]

- Wave100S AD to Website 2020 0 - ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ຈະໄຂຂຶ້ນໃນລະຫວ່າງວັນທີ 25 ເມສາ-18 ພຶດສະພານີ້

 

- WhatsApp Image 2020 05 27 at 5 - ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ຈະໄຂຂຶ້ນໃນລະຫວ່າງວັນທີ 25 ເມສາ-18 ພຶດສະພານີ້
- WhatsApp Image 2020 05 27 at 5 - ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ຈະໄຂຂຶ້ນໃນລະຫວ່າງວັນທີ 25 ເມສາ-18 ພຶດສະພານີ້
error: Alert: ເນື້ອຫາຂ່າວມີລິຂະສິດ !!