ທ່ານ ປູຕິນ ຈະສືບຕໍ່ສ້າງ ການພົວພັນຢ່າງສ້າງສັນ

- advert banner 728 90 728x90 - ທ່ານ ປູຕິນ ຈະສືບຕໍ່ສ້າງ ການພົວພັນຢ່າງສ້າງສັນ

ປະທານາທິບໍດີ​ ປູ​ຕິນ ​ແຫ່ງຣັດ​ເຊຍ ຖະ​ແຫລ​ງຫລັງ​ຊະນະ​ການ​ເລືອກ​ຕັ້ງວ່າ: ຈະ​ສ້າງ​ການ​ພົວພັນ​ຢ່າ​ງສ້າງສັນ​ກັບປະ​ເທດ​ອື່ນໆ ​ແລະ ຈະ​ບໍ່​ແຂ່ງ​ສະ​ສົມ​ອາວຸດ.

- lattana 1 - ທ່ານ ປູຕິນ ຈະສືບຕໍ່ສ້າງ ການພົວພັນຢ່າງສ້າງສັນ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ມົດ​ສະ​ກູ ປະ​ເທດຣັດ​ເຊຍ ​ໃນ​ວັນ​ທີ 19 ມີນາ​ວ່າ: ປະທານາທິບໍດີ ວະ​ລາ​ດິ​ເມຍ ປູ​ຕິນ ​ແຫ່ງຣັດ​ເຊຍ ກ່າວ​ກັບ​ຜູ້​ສະໝັກ​ທ່ານ​ອື່ນໆ​ທີ່​​ເປັນ​ຄູ່​ແຂ່ງຂັນ​ໃນ​ການ​ເລືອກ​ຕັ້ງຊີງ​ຕຳ​ແໜ່​ງປະທານາທິບໍດີ​ຣັດ​ເຊຍ ​ໃນ​ວັນ​ທີ 18 ມີນາ ຫລັງ​ຮູ້​ຜົນ​ການ​ນັບ​ຄະ​ແນນ​ວ່າ​ທ່ານ​ເປັນ​ຜູ້​ຊະນະ​ການ​ເລືອກ​ຕັ້ງ ດ້ວຍ​ຄະ​ແນນ​ສຽງ​ຢ່າງ​ຫລວງຫລາຍ​ເກືອບ 77% ວ່າ: ທ່ານ​ຈະ​ມຸ່ງ​ເນັ້ນຍົກ​ລະດັບ​ການ​ຄອງ​ຊີບ​ຂອງ​ປະຊາຊົນ​ທົ່ວ​ໄປ​ໃຫ້​ດີ​ຂຶ້ນ, ປັບປຸງ​ດ້ານ​ສຸຂະພາບ​ອະນາ​ໄມ ​ແລະ ການ​ສຶກສາ ລວມທັງ​ບັນຫາ​ອື່ນໆ​ໃນ​ປະ​ເທດ​ທີ່​ສຳຄັນ.

ປະທານາທິບໍດີ ປູ​ຕິນ ​ເຊິ່ງຈະ​ໄດ້​ຄອງ​ອຳນາດ​ຜູ້ນຳ​ປະ​ເທດ​ຕໍ່​ໄປ​ອີກ 1 ສະ​ໄໝ​ວາລະ 6 ປີ ກ່າວ​ອີກ​ວ່າ: ຣັດ​ເຊຍ​ບໍ່​ມີ​ຄວາມ​ມຸ່ງ​ໝັ້ນຈະ​ແຂ່ງຂັນ​ເລື່ອງ​ການ​ສະ​ສົມ​ອາວຸດ, ​ແຕ່​ໃນ​ທາງ​ກົງກັນຂ້າມ ຣັດ​ເຊຍ​ຈະ​ຫາ​ທາງ​ພັດທະນາສ້າງ​ການ​ພົວພັນ​ຢ່າງ​ສ້າງສັນ​ກັບ​ທຸກ​ປະ​ເທດ​ທົ່ວ​ໂລກ, ​ແຕ່​ບໍ່​ແມ່ນ​ທຸກ​ຢ່າງ​ຈະ​ຂຶ້ນກັບຣັດ​ເຊຍ​ເທົ່າ​ນັ້ນ, ຣັດ​ເຊຍ​ຈະ​ພະຍາຍາມ​ຢ່າງ​ເຕັມ​ສ່ວນ​ເພື່ອ​ຫາ​ທາງ​ແກ້​ໄຂ​ບັນຫາ​ກັບປະ​ເທດ​ທີ່​ເປັນ​ຫຸ້ນ​ສ່ວນ​ຂອງ​ພວກ​ເຮົາ ທັງ​ດ້ານ​ການ​ເມືອງ ​ແລະ ການ​ທູດ. ຂະນະ​ດຽວ​ກັນ ກໍ​ຕ້ອງ​ຮັກສາ​ຜົນ​ປະ​ໂຫຍ​ດຂອງ​ປະ​ເທດ​ເອົາ​ໄວ້​ເຊັ່ນ​ກັນ, ຣັດ​ເຊຍ​ຈະ​ຫລຸດ​ງົບປະມານ​ວຽກ​ງານ​ປ້ອງ​ກັນ​ປະ​ເທດ​ໃນ​ປີ​ນີ້ ​ແລະ ປີໜ້າ.

- 1 1 - ທ່ານ ປູຕິນ ຈະສືບຕໍ່ສ້າງ ການພົວພັນຢ່າງສ້າງສັນ