ສະມາຊິກສະພາແຫ່ງຊາດເຂດທີ 1 ພົບປະພະນັກງານຫລັກແຫລ່ງກະຊວງສຶກສາທິການ ແລະ ກິລາ

- advert banner 728 90 728x90 - ສະມາຊິກສະພາແຫ່ງຊາດເຂດທີ 1 ພົບປະພະນັກງານຫລັກແຫລ່ງກະຊວງສຶກສາທິການ ແລະ ກິລາ

ເມື່ອທ້າຍອາທິດຜ່ານມາ, ທີ່ມະຫາວິທະຍາໄລແຫ່ງຊາດ, ສະມາຊິກສະພາແຫ່ງ ຊາດຊຸດ ທີ 8 ປະຈໍາເຂດເລືອກຕັ້ງທີ 1 ນະຄອນຫຼວງວຽງຈັນ, ໄດ້ ພົບປະພະນັກງານຫຼັກແຫຼ່ງ ຂອງກະຊວງສຶກສາທິການ ແລະ ກິລາ (ສສກ) ນຳໂດຍ ທ່ານ ນາງ ແສງເດືອນຫລ້າ ຈັນທະບູນ ລັດຖະມົນຕີ ກະຊວງ ສຶກສາທິການ ແລະ ກິລາ. ເພື່ອ ເຜີຍແຜ່ຜົນສໍາເລັດກອງປະຊຸມ ສະໄໝສາມັນ ເທື່ອທີ 4 ຂອງ ສະພາແຫ່ງຊາດ ຊຸດທີ 8 ແລະ ສະພາປະຊາຊົນນະຄອນຫຼວງວຽງຈັນ ຊຸດທີ 1, ພ້ອມທັງຮັບ ຟັງຄໍາຄິດເຫັນ, ຄໍາສະເໜີຂອງ ບັນດາພະນັກງານກໍຄືຜູ້ມີສິດ ເລືອກຕັ້ງຕໍ່ການຈັດຕັ້ງປະຕິ ບັດແຜນພັດທະນາເສດຖະ ກິດ-ສັງຄົມ, ແຜນງົບປະມານ ແຫ່ງລັດ, ການຈັດຕັ້ງປະຕິບັດ ລັດຖະທໍາມະນູນ, ກົດໝາຍ ແລະ ບັນຫາສັງຄົມຕ່າງໆ ເພື່ອ ເປັນຂໍ້ມູນໃຫ້ແກ່ສະມາຊິກ ສະພາແຫ່ງຊາດໄດ້ນໍາໄປຄົ້ນ ຄວ້າພິຈາລະນາໃນກອງປະ ຊຸມສະໄໝສາມັນເທື່ອທີ 5 ຂອງສະພາແຫ່ງຊາດຊຸດທີ 8.

- lattana 1 - ສະມາຊິກສະພາແຫ່ງຊາດເຂດທີ 1 ພົບປະພະນັກງານຫລັກແຫລ່ງກະຊວງສຶກສາທິການ ແລະ ກິລາ

- 84 - ສະມາຊິກສະພາແຫ່ງຊາດເຂດທີ 1 ພົບປະພະນັກງານຫລັກແຫລ່ງກະຊວງສຶກສາທິການ ແລະ ກິລາ

+ ສະມາຊິກສະພາເປັນ​ຫ່ວງ​ໜີ້​ສິນ​ສາທາລະນະ

+ ສະມາຊິກສະພາປະຊາຊົນແຂວງຫລວງນ້ຳທາລົງກວດກາຄຸນນະພາບການຜະລິດນ້ຳປະປາເທສະບານເມືອງ

ໃນໂອກາດນີ້, ທ່ານ ນາງ ແສງເດືອນ ຫຼ້າຈັນທະບູນ ໄດ້ ລາຍງານ ການຈັດຕັ້ງປະຕິ ບັດແຜນພັດທະນາການສຶກ ສາ ແລະ ກິລາປະຈໍາປີ 2017, ເຊິ່ງ ໄດ້ເອົາໃຈໃສ່ໃນ 10 ຂະ ແໜງການຍ່ອຍ ໂດຍໄດ້ເນັ້ນ ໃສ່ວຽກຈຸດສຸມຄື: ການຂະຫຍາຍ ແລະ ສ້ອມແປງຫ້ອງຮຽນ ແລະ ໂຮງຮຽນໄປສູ່ ເຂດຫ່າງໄກສອກຫຼີກ ໂດຍ ການມີສ່ວນຮ່ວມຂອງຊຸມຊົນ, ສະໜອງອຸປະກອນການຮັບ ໃຊ້ການຮຽນ-ການສອນ, ເຝິກ ອົບຮົມ ແລະ ຍົກລະດັບຄູ- ອາຈານລວມທັງການສ້າງ ຄວາມເຂັ້ມແຂງວຽກງານ ບໍລິຫານ ແລະ ຄຸ້ມຄອງການ ສຶກສາ ແລະ ກິລາ ໃຫ້ແກ່ຜູ້ ບໍລິຫານການສຶກສາ ແລະ ກິ ລາໃນແຕ່ລະຂັ້ນ, ສ່ວນທິດ ທາງ ແລະ ແຜນວຽກຈຸດສຸມປີ 2018 ແມ່ນ ສືບຕໍ່ຈັດຕັ້ງປະ ຕິບັດແຜນພັດທະນາການສຶກສາ ແລະ ກິລາ 5 ປີ (2016-2020) ຕາມການຮັບຮອງ ຂອງສະພາແຫ່ງຊາດ.

 

- 55 - ສະມາຊິກສະພາແຫ່ງຊາດເຂດທີ 1 ພົບປະພະນັກງານຫລັກແຫລ່ງກະຊວງສຶກສາທິການ ແລະ ກິລາ

ຈາກນັ້ນ, ຜູ້ເຂົ້າຮ່ວມ ກໍໄດ້ ຮັບຟັງຜົນການພິຈາລະນາ ແລະ ຮັບຮອງເອົາບົດລາຍ ງານຈັດຕັ້ງປະຕິບັດແຜນພັດ ທະນາເສດຖະກິດ-ສັງຄົມ ແລະ ແຜນງົບປະມານແຫ່ງ ລັດໝົດປີ 2017 ແລະ ແຜນ ການປີ 2018 ຂອງລັດຖະ ບານ; ຜົນການພິຈາລະນາ ແລະ ຮັບຮອງເອົາການ ຈັດຕັ້ງ ປະຕິບັດວຽກງານທ່ອງທ່ຽວ ໃນ ປີ 2018; ຜົນພິຈາລະນາ ແລະ ຮັບຮອງເອົາວຽກງານ ຂອງອົງການກວດສອບແຫ່ງລັດ ແລະ ຜົນການກວດກາ ຂອງອົງການກວດກາລັດຖະບານຕາມຜົນການກວດສອບຂອງອົງການກວດສອບແຫ່ງລັດ; ຜົນການພິຈາລະນາ ແລະ ຮັບຮອງເອົາບົດລາຍງານ ການເຄື່ອນໄຫວວຽກງານ ຂອງອົງການໄອຍະການປະ ຊາຊົນສູງສຸດ, ສານປະຊາຊົນ ສູງສຸດ ແລະ ກະຊວງຍຸຕິທໍາ ກ່ຽວກັບການຈັດຕັ້ງປະຕິບັດ ຄໍາຕັດສິນຂອງສານ; ຜົນການ ພິຈາລະນາ ແລະ ຮັບຮອງເອົາ ບົດລາຍງານການເຄື່ອນໄຫວ ວຽກງານ ປະຈໍາປີ 2017 ແລະ ທິດທາງແຜນການປີ 2018 ຂອງສະພາແຫ່ງຊາດ ຊຸດທີ 8 ແລະ ການຮັບຮອງ ເອົາ ເນື້ອໃນການຕິດຕາມ ກວດກາປະຈໍາປີ 2018 ຂອງ ສະພາແຫ່ງຊາດຊຸດທີ 8; ແຜນ ການສ້າງ ແລະ ປັບປຸງກົດ ໝາຍປະຈໍາປີ 2018 ຂອງ ສະພາແຫ່ງຊາດ ຊຸດທີ 8 ແລະ ຜົນການພິຈາລະນາ ແລະ ຮັບ ຮອງເອົາການສ້າງ ແລະ ປັບ ປຸງກົດໝາຍ.