ໂມຮາເມັດ ຊາລ້າ ກອງໜ້າມາແຮງ

- advert banner 728 90 728x90 - ໂມຮາເມັດ ຊາລ້າ ກອງໜ້າມາແຮງ

CIES Football Observatory ບໍລິສັດສຳ ຫລວດດ້ານກິລາບານເຕະຊື່ ດັງຂອງໂລກ ປະກາດຜົນສຳ ຫລວດນັກເຕະທີ່ມີຄ່າຕົວເພີ່ມ ຂຶ້ນເມື່ອບໍ່ດົນມານີ້ວ່າ: ໂມຮາ ເມັດ ຊາລ້າ ກອງຫນ້າທິມ ຊາດເອຢິບ ອາຍຸ 25 ປີ ຂອງ ສະໂມສອນ ລີເວີພູລ ມີຄ່າຕົວ ເພີ່ມຂຶ້ນຈາກ 88,1 ລ້ານເອີໂຣ ໃນເດືອນກັນຍາ 2017 ເປັນ 162,8 ລ້ານເອີໂຣ ໃນເດືອນມີ ນາ 2018 ນີ້ ເພີ່ມຂຶ້ນ 74,7 ລ້ານເອີໂຣ. ຊາລາ ຫາກໍຍິງ 4 ປະຕູຊ່ວຍຕົ້ນສັງກັດເປີດບ້ານຖະຫລົ່ມ ວັດຟ໋ອດ 5-0 ໃນ ທ້າຍອາທິດຜ່ານມາ. ກາຍເປັນ ນັກເຕະທີ່ຍິງປະຕູໃຫ້ສະໂມ ສອນຫລາຍສຸດໃນຫນຶ່ງລະດູ ການ 36 ປະຕູ ແຊງສະຖິຕິ ຂອງ ເຟີນານໂດ ຕໍຣເຣັສ (Fernando Torres) ຍິງ 33 ປະຕູ, ກາຍເປັນນັກເຕະ ຊາວເອຢິບຄົນທຳອິດຍິງ Hat-tricks ໃນພຣີເມຍລີກ ອັງກິດ ແລະ ກາຍເປັນດາວຍິງ ສູງສຸດໃນປັດຈຸບັນ 28 ປະຕູ.
ຂະນະທີ່ ແອເດີສັນ ໂມຣາ ເອັສ ຜູ້ຮັກສາປະຕູຊາວເບຣຊິນ ອາຍຸ 24 ປີ ຈາກແມນຊິຕີ້ ເພີ່ມ ຂຶ້ນ 74,4 ລ້ານເອີໂຣ ຈາກ 24,3 ລ້ານເອີໂຣ ເປັນ 98,7 ລ້ານເອີໂຣ; ເລຣອຍ ຊາເນ້ ກອງກາງຕົວບຸກທິມຊາດເຢຍລະມັນ ອາຍຸ 20 ປີ ເພີ່ມຂຶ້ນ 63 ລ້ານເອີໂຣ ຈາກ 88,2 ເປັນ 151,2 ລ້ານເອີໂຣ; ຄີລຽນ ເອັມບັບເປ້ ກອງຫນ້າຊາວ ຝຣັ່ງ ອາຍຸ 19 ປີ ເພີ່ມຂຶ້ນ 54,7 ເປັນ 188,5 ລ້ານເອີ ໂຣ; ກາບ້ຽວ ເຈຊຸສ ກອງຫນ້າ 20 ປີ ທິມຊາດເບຣຊິນ ເພີ່ມ ຂຶ້ນ 53,1 ລ້ານເອີໂຣ ເປັນ 105,9 ລ້ານເອີໂຣ.
ສ່ວນນັກເຕະທີ່ມີຄ່າຕົວ ແພງສຸດ ຈາກການສຳຫລວດ ຂອງ CIES Football Observatory ຊຶ່ງອີງໃສ່ອາ ຍຸ, ສັນຍາ, ຕຳແຫນ່ງ ແລະ ຜົນງານເປັນຕົ້ນ ອັນດັບ 1 ເນ ມາ ປະມານ 213 ເອີໂຣ, ທີ 2 ລີໂອເນວ ແມັສຊີ້ ປະມານ 202 ລ້ານປອນ, ອັນດັບ 3 ແຮ ຣີ້ ເຄນ ປະມານ 195 ລ້ານເອີ ໂຣ, ທີ 4 ຄີລຽນ ເອັມບັບເປ້ ປະມານ 188,5 ລ້ານເອີໂຣ ແລະ ທີ 5 ເປົາໂລ ດີບາລ້າ ປະມານ 174,6 ລ້ານເອີໂຣ.

- Tiger Head 728x90 - ໂມຮາເມັດ ຊາລ້າ ກອງໜ້າມາແຮງ
- 1 1 - ໂມຮາເມັດ ຊາລ້າ ກອງໜ້າມາແຮງ
- lattana 1 - ໂມຮາເມັດ ຊາລ້າ ກອງໜ້າມາແຮງ
error: Content is protected !!