ວາງສີລາເລີກກໍ່ສ້າງຫໍຫລັກເມືອງແຂວງໄຊຍະບູລີ

- advert banner 728 90 728x90 - ວາງສີລາເລີກກໍ່ສ້າງຫໍຫລັກເມືອງແຂວງໄຊຍະບູລີ

ພິທີວາງສີລາລຶກກໍ່ສ້າງຫໍຫລັກເມືອງແຂວງໄຊຍະບູລີ, ໄດ້ຈັດຂຶ້ນໃນ​ວັນທີ 20 ມີນານີ້, ຢູ່ສະຖານທີ່ກໍ່ສ້າງດັ່ງກ່າວ, ບ້ານທ່ານາເມືອງໄຊຍະບູລີ, ໂດຍການເຂົ້າຮ່ວມຂອງທ່ານ ຈັນສີ ໂພສີຄໍາ ຫົວໜ້າຄະນະຈັດຕັ້ງສູນກາງພັກ, ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ, ມີບັນດາການນຳແຂວງ, ເມືອງ ແລະ ປະຊາຊົນຊາວເມືອງໄຊຍະບູລີເຂົ້າຮ່ວມຈໍານວນຫລາຍ.

- lattana 1 - ວາງສີລາເລີກກໍ່ສ້າງຫໍຫລັກເມືອງແຂວງໄຊຍະບູລີ

ຫໍຫລັກເມືອງດັ່ງກ່າວ, ມີເນື້ອທີ່ທັງ​ໝົດ 1,5 ເຮັກຕາ, ມີລັກສະນະເປັນຫໍປະສາດມີ 4 ໜ້າ, 4 ດ້ານ, ປະດັບປະດາດ້ວຍດວງລວດລາຍທີ່ສະທ້ອນໃຫ້ເຫັນເຖິງການດຳລົງຊີວິດຮີດຄອງປະເພນີອັນດີງາມ, ພິເສດແມ່ນມີຮູບຊ້າງ, ເຊິ່ງເປັນສັນຍາລັກຂອງແຂວງໄຊຍະບູລີ, ການອອກແບບແມ່ນໄດ້ນຳເອົາສະຖາປັດຕະຍະກຳສິນທີ່ເປັນເອກະລັກທາງດ້ານວັດທະນະທຳ, ຄວາມອຸດົມຮັ່ງມີທາງດ້ານວັດທະນະທຳ, ປະຫວັດສາດບັນດາເຜົ່າມາລວມຢູ່ໃນຫໍຫລັກເມືອງແຫ່ງນີ້, ລວມມີມູນຄ່າການກໍ່ສ້າງທັງໝົດ 8,3 ຕື້ກີບ, ຊຶ່ງແມ່ນງົບປະມານພັດທະນາທ້ອງຖິ່ນ ແລະ ທຶນປຸກລະດົມຂອງແຂວງ ແລະ ຄາດວ່າຈະໃຫ້ສຳເລັດການກໍ່ສ້າງໃນປີ 2019, ໂດຍແມ່ນບໍລິສັດ ສໍມະນີວົງ ກໍ່ສ້າງຈຳກັດ ເປັນຜູ້ຮັບເໝົາກໍ່ສ້າງ.

ທ່ານ ພົງສະຫວັນ ສິດທະວົງ ໄດ້ກ່າວວ່າ: ໄຊຍະບູລີ, ເປັນແຂວງໜຶ່ງ ທີ່ອຸດົມສົມບູນໄປດ້ວຍຊັບໃນດິນສິນໃນນ້ຳ, ມີທຳມະຊາດສວຍງາມ, ເປັນສູນລວມທາງດ້ານວັດທະນະທຳ, ປະຫວັດສາດ ແລະ ມີຮີດຄອງປະເພນີທີ່ເປັນເອກະລັກຂອງຕົນມາແຕ່ບູຮານນະການ ແລະ ຫໍຫລັກເມືອງນີ້, ຈະເປັນສິ່ງບົ່ງບອກເຖິງສັນຍາລັກແຫ່ງຄວາມສາມັກຄີ, ຄວາມເປັນສີລິມຸງຄຸນ, ຄວາມຜາສຸກ, ຄວາມອຸດົມສົມບູນຢູ່ເຢັນເປັນສຸກ ແລະ ມີຄວາມສີວິໄລທາງດ້ານຈິດໃຈ, ສັງຄົມມີຄວາມຍຸຕິທຳ ແລະ ຍັງເປັນການຢັ້ງຢືນເຖິງຄວາມອົງອາດກ້າຫານໃນການຕໍ່ສູ້ປົກປັກຮັກສາບ້ານເມືອງອີກດ້ວຍ.

- 1 1 - ວາງສີລາເລີກກໍ່ສ້າງຫໍຫລັກເມືອງແຂວງໄຊຍະບູລີ