ດື່ມນົມຕາມໂມງຊີວິດໄດ້ປະໂຫຍດ

- advert banner 728 90 728x90 - ດື່ມນົມຕາມໂມງຊີວິດໄດ້ປະໂຫຍດ

5:00 – 7:00 ໂມງ : ເວົ້າກັນວ່າໄລຍະເຊົ້າແບບນີ້ເປັນໄລຍະເວລາການເຮັດວຽກຂອງລຳໄສ້ໃຫຍ່ ຄວນຝຶກແອບຂັບຖ່າຍໃນຕອນເຊົ້າໃຫ້ເປັນນິໄສ ການດື່ມນົມສົ້ມທີ່ມີຈຸລິນຊີຈະຊ່ວຍກະຕຸ້ນໃຫ້ລຳໄສ້ໃຫຍ່ເຮັດວຽກໄດ້ດີຂຶ້ນ. ສະນັ້ນ, ເມື່ອຕື່ນນອນໃຫ້ຟ້າວໄປເປີດຕູ້ເຢັນເອົານົມສົ້ມທີ່ມີຈຸລິນຊີທີ່ເປັນປະໂຫຍດ (Probiotic) ມາດື່ມ.

- lattana 1 - ດື່ມນົມຕາມໂມງຊີວິດໄດ້ປະໂຫຍດ

7:00 – 9:00 ໂມງ : ຄວນກິນເຂົ້າເຊົ້າຢ່າງເຕັມທີ່ ເພາະເປັນຄາບທຳອິດຫລັງຈາກຮ່າງກາຍໄດ້ພັກຟື້ນຈາກການຫລັບຍາວ ໄລຍະນີ້ເປັນໄລຍະເວລາຂອງກະເພາະອາຫານ ຮ່າງກາຍຕ້ອງການພະລັງງານ ເຊິ່ງທ່ານຄວນປ່ຽນຈາກການດື່ມກາເຟ ຫລື ຊາ  ມາເປັນການດື່ມນົມພາສເຈີໄຣລົດຊາດຊັອກໂກແລັດ ຫລື ມອລ ທີ່ໃຫ້ພະລັງງານເພື່ອສະໜອງຕໍ່ຄວາມຕ້ອງການຂອງກະເພາະອາຫານຈະດີກ່ວາ.

9:00 – 12:00 ໂມງ : ເປັນໄລຍະຈັງຫວະການຮຽນຮູ້ ແລະ ການເຮັດວຽກຂອງສະໝອງ ເຊິ່ງຕ້ອງການຖືກກະຕຸ້ນເພື່ອໃຫ້ສາມາດໃຊ້ຄວາມຈື່ຈຳໄດ້ເຕັມທີ່ ຖ້າເປັນໄປໄດ້ລອງກິນໂຢເກິດບໍ່ມີໄຂມັນ ຫລື ໂຢເກິດໄຂມັນຕໍ່າທີ່ໃຫ້ ທັງກລູໂກສ ແລະ ກະຕຸ້ນການເຮັດວຽກຂອງແຊນສະໝອງ ເຊິ່ງຈະຊ່ວຍໃຫ້ສະໝອງປອດໂປ່ງ ຈື່ຈຳ ແລະ ຕັດສິນໃຈຫຍັງໄດ້ໄວ.

12:00 – 15:00 ໂມງ : ຕອນທ່ຽງ ແລະ ຕອນບ່າຍເປັນໄລຍະເວລາການເຮັດວຽກຂອງລະບົບຍ່ອຍອາຫານດັ່ງກະເພາະອາຫານ ແລະ ລຳໄສ້ນ້ອຍ, ກະເພາະອາຫານຈະຫລັ່ງກົດອອກມາໃນຕອນທ່ຽງ ການດື່ມນົມສົ້ມຕາມຫລັງອາຫານຈະຊ່ວຍໃຫ້ລຳໄສ້ນ້ອຍຍ່ອຍ ແລະ ດູດຊຶມສານອາຫານດີຂຶ້ນ ຍິ່ງຖ້າເປັນນົມສູດບໍ່ມີໄຂມັນກໍຈະຊ່ວຍລ້າງໄຂມັນທີ່ຈັບໃນລຳໄສ້ໄດ້ນຳອີກ.

15:00 – 17:00 ໂມງ : ເປັນໄລຍະເວລາຂອງພົກຍ່ຽວ ຄວນດື່ມນຳ້ໝາກໄມ້ເພື່ອໃຫ້ມີການຖ່າຍເບົາ ຖ້າບໍ່ສາມາດຫານຳ້ໝາກໄມ້ດື່ມໄດ້ ການດື່ມນົມສົ້ມລົດຊາດໝາກໄມ້ກໍຈະຊ່ວຍໃຫ້ພົກຍ່ຽວຖືກກະຕຸ້ນ ແລະ ໄດ້ຂັບຖ່າຍສິ່ງເສດເຫລືອອອກໄປຈາກຮ່າງກາຍໄດ້ຄືກັນ.

17:00 – 21:00 ໂມງ : ຫລັງເລີກວຽກເປັນໄລຍະເວລາເໝາະສົມແກ່ການກະຕຸ້ນການໄຫລວຽນເລືອດ, ເຍື່ອຫຸ້ມຫົວໃຈ ຍິ່ງສຳລັບຜູ້ເຖົ້າຄວາມດັນເລືອດຈະຕໍ່າລົງ ການອອກກຳລັງກາຍຈະຊ່ວຍກະຕຸ້ນການໄຫລວຽນເລືອດ ແລະ ຄວາມດັນໃຫ້ເໝາະສົມ ໄລຍະນີ້ ຮ່າງກາຍຕ້ອງການວິຕາມິນເຊ ແລະ ເອີຫລາຍ, ແຕ່ເປັນໄລຍະທີ່ບໍ່ຄວນກິນອາຫານຄາບໃຫຍ່ໆ. ດັ່ງນັ້ນ, ການເລືອກດື່ມນົມສົ້ມທີ່ເສີມວິຕາມິນເຊ ແລະ ເອີແທນເຂົ້າແລງອາດເປັນທາງເລືອກທີ່ດີສຸດສຳລັບຜູ້ຮັກສຸຂະພາບ.

- Tiger Head 728x90 - ດື່ມນົມຕາມໂມງຊີວິດໄດ້ປະໂຫຍດ
- 1 1 - ດື່ມນົມຕາມໂມງຊີວິດໄດ້ປະໂຫຍດ

21:00 – 23:00 ໂມງ : ເປັນເວລາທີ່ຕ້ອງເຮັດໃຫ້ຮ່າງກາຍອົບອຸ່ນ ແລະ ຍັງເປັນໄລຍະທີ່ຮ່າງກາຍຈະສາມາດຮັບທາດການຊຽມໄດ້ຫລາຍທີ່ສຸດ. ດັ່ງນັ້ນ, ການດື່ມນົມອຸ່ນໆຈັກຈອກກ່ອນເຂົ້ານອນຈະຊ່ວຍທັງຄວບຄຸມອຸນຫະພູມໃນຮ່າງກາຍ ແລະ ເຮັດໃຫ້ຮ່າງກາຍໄດ້ຮັບທາດການຊຽມ ເພື່ອສຸຂະພາບທີ່ດີຄວນເລືອກນົມໄຂມັນຕໍ່າ ແລະ ມີທາດການຊຽມຫລາຍ ພຽງແຕ່ເອົານົມເຂົ້າເຕົາອົບໄມໂຄຣເວບ 1 ນາທີ ກໍຈະໄດ້ນົມອຸ່ນໆທີ່ມີທາດການຊຽມຢູ່ຄົບຖ້ວນມາດື່ມຊ່ວຍໃຫ້ນອນຫລັບງ່າຍຂຶ້ນ.

23:00 – 5:00 ໂມງ : ເປັນເວລາຂອງການປ່ອຍໃຫ້ຮ່າງກາຍພັກຜ່ອນເພື່ອໃຫ້ຕັບຫລັ່ງສານມີຣາໂທນິນ (Meratonin)  ມາຂ້າເຊື້ອພະຍາດເພື່ອກຳຈັດສານພິດໃຫ້ຮ່າງກາຍ ບໍ່ໃຫ້ມີສານຕົກຄ້າງ ເຮັດໃຫ້ຜິວໜັງສົດໃສ. ຄົນທີ່ນອນເດິກອາດຈະເຮັດໃຫ້ ຕັບເຮັດວຽກບໍ່ເຕັມທີ່ ເຮັດໃຫ້ຮ່າງກາຍບໍ່ໄດ້ລະບາຍສິ່ງເສດເຫລືອອອກໄປ ການໃຫ້ຮ່າງກາຍໄດ້ພັກຜ່ອນເຕັມອີ່ມໃນໄລຍະນີ້ຈະ ຊ່ວຍກຽມຮ່າງກາຍໃຫ້ພ້ອມຕື່ນຂຶ້ນມາຮັບມື້ໃໝ່ຢ່າງສົດຊື່ນ.

error: Content is protected !!