ທ່ານ ທິນຈໍ ລາອອກຈາກຕຳແໜ່ງ ປະທານາທິບໍດີມຽນມາ

- advert banner 728 90 728x90 - ທ່ານ ທິນຈໍ ລາອອກຈາກຕຳແໜ່ງ ປະທານາທິບໍດີມຽນມາ

ປະທານາທິບໍດີ ທິນ​ຈໍ ລາ​ອອກ​ຈາກ​ຕຳ​ແໜ່​ງຜູ້ນຳ​ມຽນມາ ​ໂດຍ​ບໍ່​ເປີດ​ເຜີຍ​ເຫດຜົນ​ຢ່າງ​ເປັນ​ທາງ​ການ, ​ແຕ່​ຫລາຍ​ຝ່າຍ​ເຊື່ອ​ວ່າ​ກ່ຽວຂ້ອງ​ກັບ​ເລື່ອງ​ສຸຂະພາບ.

- lattana 1 - ທ່ານ ທິນຈໍ ລາອອກຈາກຕຳແໜ່ງ ປະທານາທິບໍດີມຽນມາ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ເມືອງ​ຢາງ​ກຸ້ງ ປະ​ເທດ​ມຽນມາ ​ໃນ​ວັນ​ທີ 21 ມີນາ​ວ່າ: ທຳນຽບປະທານາທິບໍດີ​ມຽນມາ​ອອກ​ຖະ​ແຫລ​ງການ​ໃນ​ວັນ​ທີ 21 ມີນາ​ວ່າ: ປະທານາທິບໍດີ ທິນ​ຈໍ ລາ​ອອກ​ຈາກ​ຕຳ​ແໜ່​ງ​ແລ້ວ ​ໂດຍ​ການ​ລາ​ອອກ​ມີ​ຜົນ​ທັນທີ ​ແລະ ​ໃນ​ລະຫວ່າງ​ນີ້ ພົນ​ເອກ ມິນ​ສະ​ວີ ຮອງ​ປະທານາທິບໍດີ​ຄົນທີ 1 ຈະ​ປະຕິບັດ​ໜ້າ​ທີ່​ຮັກສາ​ການ​ແທນ ຈົນ​ກວ່າ​ລັດຖະສະພາ​ຈະ​ລົງມະຕິ​ເລືອກ​ປະທານາທິບໍດີ​ຄົນ​ໃໝ່​ໄດ້ ຄື​ພາຍ​ໃນ 7 ວັນ.

​ເຖິງ​ວ່າ​ຖະ​ແຫລ​ງການ​ຂອງ​ລັດຖະບານ​ມຽນມາ​ບໍ່​ໄດ້​ລະບຸ​ເຫດຜົນ ຫລື ສາ​ເຫດ​ທີ່​ຈະ​ແຈ້ງ​ໃນ​ການ​ລາ​ອອກ​ຈາກ​ຕຳ​ແໜ່​ງຂອງ​ທ່ານ ທິນ​ຈໍ ອາຍຸ 71 ປີ ​ເຊິ່ງຮັບ​ຕຳ​ແໜ່​ງ​ໃນ​ວັນ​ທີ 30 ມີນາ 2016, ​ແຕ່​ການ​ເຄື່ອນ​ໄຫວ​ທີ່​ເກີດ​ຂຶ້ນສອດຄ່ອງ​ກັບ​ລາຍ​ງານ​ທີ່​ມີ​ການ​ເປີດ​ເຜີຍ​ອອກ​ມາ​ກ່ອນ​ໜ້າ​ນີ້​ວ່າ: ທ່ານ ທິນ​ຈໍ ​ເຂົ້າພົບ​ແພດ​ມາ​ແລ້ວ​ຫລາຍ​ຄັ້ງທັງ​ໃນ ​ແລະ ຕ່າງປະ​ເທດ ​ໂດຍ​ເທື່ອ​ຫລ້າ​ສຸດ​ເກີດ​ຂຶ້ນຢູ່​ສິງກະ​ໂປ ​ໃນ​ເດືອນ​ມັງກອນ​ຜ່ານ​ມາ.