ໜ່ວຍພັກ ທະນາຄານການຄ້າຕ່າງປະເທດ ສາຂາຊຽງຂວາງດຳເນີນທຸລະກິດມີຜົນກຳໄລ
ໂດຍ:ຣັດສະໝີ ດວງສັດຈະ.
ໜ່ວຍພັກ ທະນາຄານ ການຄ້າຕ່າງປະເທດລາວ ສາ ຂາຊຽງຂວາງ (ທຄຕລ- ຊຂ) ໄດ້ສ້າງຕັ້ງຂຶ້ນໃນທ້າຍປີ 2010 ແລະ ຊີ້ນຳໂດຍກົງຈາກ ຄະນະປະຈໍາພັກແຂວງຊຽງ ຂວາງ, ມີພາລະບົດບາດໃນ ການດຳເນີນທຸລະກິດດ້ານ ການທະ ນາຄານຢູ່ແຂວງຊຽງ ຂວາງ ແລະ ໄດ້ມີການລະດົມ ແຫຼ່ງທຶນເຂົ້າທະນາຄານດ້ວຍ ຮູບແບບເພື່ອສະໜອງແຫຼ່ງ ທຶນຢ່າງພຽງພໍຕໍ່ການພັດທະ ນາເສດຖະກິດ-ສັງຄົມຂອງ ທ້ອງຖິ່ນ, ໂດຍໃຫ້ກູ້ຢືມດ້ວຍ ສິນເຊື່ອປະເພດຕ່າງໆ ແກ່ຫົວ ໜ່ວຍທຸລະກິດ, ບຸກຄົນ ແລະ ປະຊາຊົນ, ພ້ອມທັງເຮັດ ການ ຊໍາລະສະສາງ, ຊື້-ຂາຍ ເງິນ ຕາຕ່າງປະເທດ ແລະ ມີບົດ ບາດເປັນຫົວໜ່ວຍຂາຍຜະ ລິດຕະພັນການບໍລິການຕ່າງໆ ຂອງທະນາຄານ ເພື່ອສ້າງ ລາຍຮັບ, ສ້າງກຳໄລ ແລະ ເພີ່ມ ທຶນໃຫ້ແກ່ທະນາຄານນັບມື້ ຫຼາຍຂຶ້ນ.
ສະຫາຍ ຄໍາແພງ ກຸມ ພົນພັກດີ ເລຂາໜ່ວຍພັກ- ຫົວ ໜ້າ ທຄຕລ-ຊຂ ໃຫ້ຮູ້ວ່າ: ໜ່ວຍ ພັກ ທຄຕລ-ຊຂ ປະກອບມີສະ ມາຊິກພັກທັງໝົດ 12 ສະຫາຍ, ໃນນັ້ນມີສະມາຊິກພັກສຳ ຮອງ 3 ສະຫາຍ, ພ້ອມນີ້ ຍັງ ມີອົງການຈັດຕັ້ງມະຫາຊົນໃນ ນີ້ປະກອບມີສະມາຊິກກໍາມະ ບານ 47 ສະຫາຍ, ສະມາຊິກ ຊາວໜຸ່ມ 40 ສະຫາຍ, ສະມາ ຊິກແມ່ຍິງ 24 ຄົນ ແລະ ປະ ກອບດ້ວຍ 4 ຂະແໜງວິຊາ ສະເພາະ, ມີ 4 ໜ່ວຍບໍລິການ; ມີພະນັກງານທັງໝົດ 53 ຄົນ ໃນນີ້ມີ ພະນັກງານ ສັນຍາ ຈ້າງ 4 ຄົນ.
ໃນປີ 2017 ໜ່ວຍພັກ ທຄຕລ-ຊຂໄດ້ເອົາໃຈໃສ່ສຶກ ສາອົບຮົມແນວຄິດການ ເມືອງ ໃຫ້ແກ່ພະນັກງານ-ສະມາຊິກພັກຢ່າງເປັນປົກກະຕິໂດຍ ຈັດ ຕັ້ງເຜີຍແຜ່ແນວທາງນະໂຍ ບາຍຂອງພັກ, ລະບຽບກົດ ໝາຍຂອງລັດ ແລະ ເອກະ ສານສຳຄັນອື່ນໆ ອັນໄດ້ເຮັດ ໃຫ້ທຸກຄົນມີຄວາມເປັນເອ ກະພາບ, ເຊື່ອໝັ້ນ ແລະ ປະຕິ ບັດຕາມແນວທາງປ່ຽນແປງ ໃໝ່ຂອງພັກ, ມີຄວາມອົດ ທົນ, ໂດຍສະເພາະຄະນະໜ່ວຍ ພັກ-ສະມາຊິກພັກ ລ້ວນແຕ່ ໄດ້ເຊື່ອມຊຶມແນວທາງນະ ໂຍບາຍ, ມະຕິ, ຄຳສັ່ງກົດລະ ບຽບຂອງພັກ ແລະ ຂໍ້ກຳນົດ ກົດໝາຍຂອງລັດ, ຮູ້ຫັນເອົາ ແນວທາງ ນະໂຍບາຍຂອງ ພັກ ໃຫ້ແທດເໝາະກັບໜ້າທີ່ ການເມືອງ ແລະ ເງື່ອນໄຂຕົວ ຈິງຂອງໜ່ວຍພັກຕົນ, ພ້ອມ ນັ້ນ ພາຍໃນຄະນະພັກ- ສະມາ ຊິກພັກມີຄວາມສາມັກຄີເປັນ ເອກະພາບ, ມີສະຕິຕໍ່ການຈັດ ຕັ້ງ, ລະບຽບວິໄນຂອງພັກ, ເປັນແບບຢ່າງນຳໜ້າໃຫ້ມະ ຫາຊົນໃນສິ່ງທີ່ດີ ແລະ ເຮັດ ສຳເລັດໜ້າທີ່ວຽກງານທີ່ໄດ້ ຮັບມອບໝາຍຢ່າງມີປະສິດ ທິຜົນ.
+ ທະນາຄານການຄ້າຕ່າງປະເທດສາຂາແຂວງອັດຕະປື ມອບອຸປະກອນການສຶກສາໃຫ້ໂຮງຮຽນເຂດຫ່າງໄກສອກຫລີກເມືອງຊານໄຊ
ສະຫາຍ ເລຂາໜ່ວຍພັກ ທຄຕລ-ຊຂ ໄດ້ຢືນຢັນວ່າ: ຜ່ານການນໍາພາ ແລະ ເຄື່ອນ ໄຫວຂອງໜ່ວຍພັກຕາມ 5 ເນື້ອໃນຮູ້ນໍາພາຮອບດ້ານ ໄດ້ ເຮັດໃຫ້ຖັນແຖວສະມາຊິກ ພັກ-ພະນັກງານ ສ່ວນຫຼາຍມີ ຄວາມຮັບຮູ້, ເຊື່ອມຊຶມ ແລະ ເປັນເອກະພາບສູງຕໍ່ແນວ ທາງນະໂຍບາຍຂອງພັກ, ມີ ຄວາມຫ້າວຫັນ ແລະ ສຸມເຫື່ອ ແຮງ- ສະຕິປັນຍາ ເຂົ້າໃນ ການປະຕິບັດໜ້າທີ່ວຽກງານ ວິຊາສະເພາະທີ່ໄດ້ຮັບມອບ ໝາຍເຮັດໃຫ້ສາຂາມີຜົນ ສຳເລັດໃນຫຼາຍດ້ານ, ພາຍ ຫຼັງການສ້າງຕັ້ງໜ່ວຍພັກ ໄດ້ 6 ປີມານີ້ ວຽກງານຫລາຍ ດ້ານໄດ້ຮັບການຈັດຕັ້ງປະ ຕິບັດຢ່າງມີໝາກຜົນ, ມີການ ຂະຫຍາຍຕົວໃນບາດກ້າວ ທີ່ດີຢ່າງຕໍ່ ເນື່ອງເປັນຕົ້ນການ ລະດົມເງິນຝາກກໍມີໂຕເລກ ສູງຂຶ້ນ, ຈຳນວນບັນຊີ ກໍເພີ່ມ ຂຶ້ນ, ຜູ້ໃຊ້ບັດ ATM ກໍໄດ້ເພີ່ມ ຂຶ້ນຢ່າງໄວວາ, ບັນດາຜະ ລິດຕະພັນໃໝ່ໄດ້ຖືກນຳສະ ເໜີຕໍ່ສັງຄົມດ້ວຍຫລາຍຮູບ ການ ພ້ອມນັ້ນຍອດເງິນກູ້ ກໍ ເພີ່ມຂຶ້ນຢ່າງຕໍ່ເນື່ອງ, ຄຸນ ນະພາບຂອງເງິນກູ້ກໍຢູ່ໃນ ລະດັບດີ, ໜີ້ທີ່ບໍ່ເກີດດອກ ອອກຜົນຢູ່ໃນລະດັບຕ່ຳ; ມີການປັບປຸງຂອດບໍລິການ ລູກຄ້າໃຫ້ກະທັດຮັດ, ເບົາ ບາງ, ວ່ອງໄວ, ນອກນີ້ຍັງ ນຳໃຊ້ເຄື່ອງມື, ເຕັກໂນໂລຊີ ທີ່ທັນສະໄໝ, ມີປະສິດທິ ພາບສູງເຂົ້າໃນການບໍລິ ການ, ຄຸ້ມຄອງ,ກວດກາ ແລະ ການບໍລິຫານອັນໄດ້ ເຮັດໃຫ້ສາມາດຫັນການ ບໍລິການໄປສູ່ຄວາມທັນສະ ໄໝຫລາຍຂຶ້ນ.
ວຽກງານ ລະດົມເງິນ ຝາກໄດ້ຖືກຈັດຕັ້ງປະຕິບັດ ໄປຕາມແຜນການທີ່ກຳນົດ ໄວ້ໂດຍຄວບຄູ່ກັບການນຳ ສະເໜີ ຜະລິດຕະພັນໃໝ່ ທີ່ ສ້າງຄວາມສະດວກ, ວ່ອງ ໄວໃນການໃຫ້ບໍລິການ ໂດຍ ສະເພາະການນຳໃຊ້ລະບົບ Online Banking ເປັນ ຕົ້ນການຝາກ-ຖອນເງິນຢູ່ ໃສກໍໄດ້ໃນລະບົບ ເຄ່ືອຂ່າຍ ຂອງ BCEL, ການໂອນເງິນ ຜ່ານລະບົບ Computer Online ທັງພາຍໃນ ແລະ ຕ່າງປະເທດ, ການໂອນເງິນ ຜ່ານຕູ້ ATM, BCEL-One ການນຳໃຊ້ບັດອີເລັກໂທຣ ນິກຜ່ານຕູ້ ATM, ເຄື່ອງຮູດ ບັດ ແລະ E-Banking … ຮອດທ້າຍປີ 2016 ຍອດ ເງິນຝາກໂດຍລວມຂອງ ສາຂາມີຫລາຍກວ່າ 430 ຕື້ກີບປະຕິບັດລື່ນຈາກປີ 2015 ເພີ່ມ 10% ແລະ ມີຫລາຍກວ່າ 20.000 ບັນຊີ.
ດ້ານການ ຄຸ້ມຄອງສິນ ເຊື່ອ ໄດ້ທົບທວນຜົນ ການດຳ ເນີນ ວຽກງານສິນເຊ່ືອຂອງ ສາຂາ ຢ່າງເປັນປະຈຳ, ການ ພິຈາລະນາປ່ອຍສິນເຊື່ອໄດ້ ມີການວິ ເຄາະຄວາມ ສ່ຽງຢ່າງ ຮອບດ້ານ ແລະ ເອົາໃຈໃສ່ຄຸ້ມ ຄອງສິນເຊື່ອທີ່ປ່ອຍໄປ ແລ້ວ, ຮອດ ທ້າຍປີ 2016 ຍອດເງິນ ກູ້ບັນລຸຫລາຍກວ່າ 250 ຕື້ກີບ ເພີ່ມ ຂຶ້ນຈາກປີ 2015 ປະມານ 13% ແລະ ສິ່ງສຳຄັນເງິນທີ່ ປ່ອຍອອກໄປມີຄຸນນະພາບດີ, ເປັນໜີ້ທີ່ບໍ່ເກີດດອກອອກ ຜົນ ຢູ່ໃນລະດັບຕ່ຳ, ຂະຫຍາຍຜະ ລິດຕະພັນ ATM 20.000 ກວ່າບັດ, ບັດ VISA 200 ກວ່າ ບັດ, ຜະລິດຕະພັນບັດ E- Banking 2.040 ລາຍການ, ເຄື່ອງ EDC 34 ເຄື່ອງ; ນອກນັ້ນຍັງບໍລິການໂອນເງິນ ພາຍໃນ, ບໍລິການໜັງສືສິນ ເຊື່ອ, ຊື້-ຂາຍເງິນຕາຕ່າງ ປະ ເທດ, ໂອນເງິນລະຫວ່າງປະ ເທດດ້ວຍລະບົບ Swift, ໂອນ ເງິນຜ່ານລະບົບ Money Grame ແລະ BCEL one ແລະ ບໍລິການອື່ນໆ ນັບມື້ເພີ່ມ ຂຶ້ນ; ຜ່ານການ ເຄື່ອນໄຫວ ດຳ ເນີນທຸລະກິດໄລຍະ 1 ປີຜ່ານມາ ສາມາດມີຜົນກຳໄລ ແລະ ປະຕິ ບັດພັນທະຕໍ່ລັດຄົບຖ້ວນຖືກ ຕ້ອງຕາມກົດໝາຍ.
ສະຫາຍເລຂາໜ່ວຍ ພັກ- ຫົວໜ້າ ທຄຕລ-ຊຂ ໃຫ້ຮູ້ວ່າ: ໃນຕໍ່ໜ້ານີ້, ຈະສືບຕໍ່ຍົກສູງ ຄວາມສາມາດໃນການນຳພາຂອງຄະນະໜ່ວຍພັກ, ສະມາ ຊິກພັກ ເຂົ້າໃນທຸກຂົງເຂດ ວຽກ ງານ, ປັບປຸງການຈັດຕັ້ງພາຍ ໃນໃຫ້ໜັກແໜ້ນ ເຂັ້ມແຂງ ແລະ ປອດໃສ, ບຳລຸງກໍ່ສ້າງ ສະມາຊິກພັກ-ພະນັກງານໃຫ້ ມີຄຸນນະພາບ, ເສີມຂະຫຍາຍ ຫົວຄິດປະດິດສ້າງ, ໂດຍສະ ເພາະສ້າງ ທຄຕລ-ຊຂ ໃຫ້ ເຕີບ ໃຫຍ່ ເຂັ້ມແຂງ, ບໍລິການ ວ່ອງໄວມີຄຸນນະພາບ ແລະ ມີຄວາມທັນສະໄໝສ້າງ ຄວາມໝັ້ນໃຈ ໃຫ້ແກ່ສັງຄົມ; ສູ້ຊົນລະດົມເງິນ ຝາກ ໃຫ້ເພີ່ມ ຂຶ້ນ 30% ແລະ ປ່ອຍເງິນກູ້ ໃຫ້ເພີ່ມຂຶ້ນ 35%, ຂະນະ ດຽວກັນ ກໍພັດທະນາລະບົບ IT ຕາມທິດຂອງສຳນັກງານ ໃຫຍ່, ຍົກສູງຄຸນນະພາບ ຂອງວຽກງານກວດກາເພື່ອ ຮັບປະກັນການເຄື່ອນໄຫວ ວຽກງານໃຫ້ມີປະສິດທິພາບ ສູງ, ປ້ອງກັນບໍ່ໃຫ້ເກີດປະກົດ ການຫຍໍ້ທໍ້ ແລະ ຍູ້ແຮງການ ເຄື່ອນໄຫວຂອງບັນດາອົງ ການ ຈັດຕັ້ງມະຫາຊົນໃຫ້ມີ ຂະບວນການຟົດຟຶ້ນ ແລະ ຖືກຕ້ອງຕາມພາລະບົດບາດ ຂອງຕົນ./.
