ພັກ-ລັດຖະບານລາວເຂົ້າຮ່ວມພິທີວາງພວງມາລາຕໍ່ການເສຍຊີວິດຂອງອະດີດນາຍົກລັດຖະມົນຕີຫວຽດນາມ

- pay1 - ພັກ-ລັດຖະບານລາວເຂົ້າຮ່ວມພິທີວາງພວງມາລາຕໍ່ການເສຍຊີວິດຂອງອະດີດນາຍົກລັດຖະມົນຕີຫວຽດນາມ
- Untitled design - ພັກ-ລັດຖະບານລາວເຂົ້າຮ່ວມພິທີວາງພວງມາລາຕໍ່ການເສຍຊີວິດຂອງອະດີດນາຍົກລັດຖະມົນຕີຫວຽດນາມ

ໃນຕອນເຊົ້າຂອງວັນທີ 21 ມີນານີ້, ທີ່ສະໂມສອນໃຫຍ່ນະຄອນໂຮ່ຈີມິນ, ສສ.ຫວຽດນາມ, ສະຫາຍ ໄຊສົມພອນ ພົມວິຫານ ກຳມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ, ໄດ້ຕາງໜ້າຄະນະບໍລິຫານງານສູນກາງພັກປະຊາຊົນປະຕິວັດລາວ, ສະພາແຫ່ງຊາດ, ລັດຖະບານແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສູນກາງແນວລາວສ້າງຊາດ, ພ້ອມດ້ວຍປະຊາຊົນລາວບັນດາເຜົ່າ, ໄດ້ນຳພາຄະນະເຂົ້າຮ່ວມງານຊາປະນາກິດສົບຂອງສະຫາຍ ຟານ ວັນ ຄາຍ ອະດີດກຳມະການຄະນະບໍລິຫານງານສູນກາງພັກກອມມູນິດຫວຽດນາມ ສະໄໝທີ V, VI, VII, VIII, IX, ອະດີດກຳມະການກົມການເມືອງສູນກາງພັກກອມມູນິດຫວຽດນາມ ສະໄໝທີ VII, VIII, IX, ອະດີດຄະນະປະຈຳການກົມການເມືອງສະໄໝທີ VIII, ອະດີດນາຍົກລັດຖະມົນຕີແຫ່ງສາທາລະນະລັດສັງຄົມນິຍົມຫວຽດນາມ, ອະດີດສະມາຊິກສະພາແຫ່ງຊາດ ສະໄໝທີ VIII, IX, X, XI, ອະດີດປະທານກໍາມາທິການຮ່ວມມືຫວຽດນາມ-ລາວ ທີ່ໄດ້ເຖິງແກ່ມໍລະນະກໍາໃນຕອນເຊົ້າວັນທີ 17 ມີນາ 2018, ເຊິ່ງລວມອາຍຸໄດ້ 85 ປີ.

ຄະນະບໍລິຫານງານສູນກາງພັກປະຊາຊົນປະຕິວັດລາວ, ສະພາແຫ່ງຊາດ, ລັດຖະບານແຫ່ງສາທາລະນະລັດ ປະຊາທິປະໄຕ ປະຊົາຊົນລາວ ແລະ ສູນກາງແນວລາວສ້າງຊາດ, ພ້ອມດ້ວຍປະຊາຊົນລາວບັນດາເຜົ່າໄດ້ຕີລາຄາສູງຕໍ່ການປະກອບສ່ວນອັນລໍ້າຄ່າຂອງສະຫາຍ ຟານ ວັນ ຄາຍ ໃນການປົກປັກຮັກສາ ແລະ ສ້າງສາພັດທະນາປະເທດຊາດຂອງຫວຽດນາມເປັນເວລາຫລາຍກວ່າ 70 ປີຂອງການເຄື່ອນໄຫວປະຕິວັດຂອງຕົນ, ເປັນຜູ້ທີ່ມີການປະກອບສ່ວນຢ່າງໃຫຍ່ຫລວງໃຫ້ແກ່ພາລະກິດປ່ຽນແປງໃໝ່ຂອງ ສສ.ຫວຽດນາມ, ເປັນຜູ້ໜຶ່ງທີ່ມີຄວາມສຳຄັນໃນການວາງພື້ນຖານອັນໜັກແໜ້ນໃຫ້ແກ່ເສດຖະກິດຕະຫລາດ, ລວມເຖິງການປັບປຸງກົງຈັກບໍລິຫານງານຂອງລັດ ແລະ ກົນໄກເສດຖະກິດຂອງຫວຽດນາມ. ສະຫາຍ ຟານ ວັນ ຄາຍ ຍັງເປັນຜູ້ໜຶ່ງທີ່ປະກອບສ່ວນສຳຄັນໃຫ້ແກ່ການເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດລາວ ແລະ ຫວຽດນາມ ຕະຫລອດມາ.

ການຈາກໄປຂອງສະຫາຍ ຟານ ວັນ ຄາຍ ບໍ່ພຽງແຕ່ເປັນການສູນເສຍຜູ້ນຳທີ່ເຄົາລົບຮັກຂອງພັກ, ລັດ ແລະ ປະຊາຊົນຫວຽດນາມ, ແຕ່ຍັງເປັນການສູນເສຍເພື່ອນມິດສະຫາຍທີ່ສະໜິດສະໜົມ ແລະ ໃກ້ຊິດຂອງພັກ, ລັດ ແລະ ປະຊາຊົນລາວອີກດ້ວຍ.

- Wave100S AD to Website 2020 0 - ພັກ-ລັດຖະບານລາວເຂົ້າຮ່ວມພິທີວາງພວງມາລາຕໍ່ການເສຍຊີວິດຂອງອະດີດນາຍົກລັດຖະມົນຕີຫວຽດນາມ

ໃນຊ່ວງເວລາອັນໂສກເສົ້ານີ້, ຄະນະບໍລິຫານງານສູນກາງພັກປະຊາຊົນປະຕິວັດລາວ, ສະພາແຫ່ງຊາດ, ລັດຖະບານແຫ່ງສາທາລະນະລັດ ປະຊາທິປະໄຕ ປະຊາຊົນລາວ ແລະ ສູນກາງແນວລາວສ້າງຊາດ, ພ້ອມດ້ວຍປະຊາຊົນລາວບັນດາເຜົ່າ ຂໍແບ່ງຄວາມທຸກໂສກ ແລະ ສົ່ງຄວາມເຫັນອົກເຫັນໃຈມາຍັງ ຄະນະບໍລິຫານງານສູນກາງພັກກອມມູນິດຫວຽດນາມ, ສະພາແຫ່ງຊາດ, ລັດຖະບານແຫ່ງສາທາລະນະລັດສັງຄົມນິຍົມຫວຽດນາມ ແລະ ສູນກາງແນວໂຮມປະເທດຊາດຫວຽດນາມ, ພ້ອມດ້ວຍປະຊາຊົນຫວຽດນາມອ້າຍນ້ອງ, ໂດຍສະເພາະຕໍ່ຄອບຄົວ, ຍາດຕິພີ່ນ້ອງ ແລະ ເພື່ອນມິດຂອງສະຫາຍ ຟານ ວັນ ຄາຍ ມານະໂອກາດນີ້ດ້ວຍ.

- WhatsApp Image 2020 05 27 at 5 - ພັກ-ລັດຖະບານລາວເຂົ້າຮ່ວມພິທີວາງພວງມາລາຕໍ່ການເສຍຊີວິດຂອງອະດີດນາຍົກລັດຖະມົນຕີຫວຽດນາມ
- WhatsApp Image 2020 05 27 at 5 - ພັກ-ລັດຖະບານລາວເຂົ້າຮ່ວມພິທີວາງພວງມາລາຕໍ່ການເສຍຊີວິດຂອງອະດີດນາຍົກລັດຖະມົນຕີຫວຽດນາມ
error: Alert: ເນື້ອຫາຂ່າວມີລິຂະສິດ !!