ກໍາມະການ 1 ດຽວຈາກຫົວພັນ ຖືກຮັບຮອງເປັນກໍາມະການລະດັບ ຟີຟາ

- advert banner 728 90 728x90 - ກໍາມະການ 1 ດຽວຈາກຫົວພັນ ຖືກຮັບຮອງເປັນກໍາມະການລະດັບ ຟີຟາ

ສະຫະພັນບານເຕະແຫ່ງຊາດລາວ ໄດ້ສົ່ງກໍາມະການຕັດສິນລາວເຂົ້າຮ່ວມທົດສອບສະຫະພັນອາຊຽນ ໃນຕົ້ນເດືອນມີນາ 2018. ຜ່ານການທົດສອບຜົນປະກົດວ່າ ກໍາມະການຕັດສິນຂອງສະຫະພັນບານເຕະແຫ່ງຊາດລາວ ກ້າວສູ່ກໍາມະການລະດັບຟີຟາ ພາຍຫລັງໄດ້ຖືກຮັບຮອງຈາກ ສະຫະພັນບານເຕະນາໆຊາດ (ຟີຟາ) ຢ່າງເປັນທາງການ ເມື່ອບໍ່ດົນມານີ້.

- lattana 1 - ກໍາມະການ 1 ດຽວຈາກຫົວພັນ ຖືກຮັບຮອງເປັນກໍາມະການລະດັບ ຟີຟາ

ທ່ານ ບຸນພັນ ສີສຸວັນ ເປີດເຜີຍຫລັງໄດ້ເປັນກໍາມະການ ຟີຟາ ວ່າ: ກ່ອນທີ່ຈະກ້າວຂຶ້ນມາເປັນກໍາມະການຕັດສິນນີ້ ແມ່ນໄດ້ມາສຶກສາຕໍ່ວິຊາຊີບທີ່ມະຫາວິທະຍາໄລແຫ່ງຊາດລາວ ສາຂາພາລະສຶກສາ ເມື່ອປີ 2010-2011 ແລະ ມີອາຈານແນະນໍາໃຫ້ໄປເປັນກໍາມະການຕັດສິນ, ກ່ອນເຂົ້າຝຶກອົບຮົມເປັນກໍາມະການຂັ້ນພື້ນຖານຄັ້ງທໍາອິດ ເມື່ອສົກປີ 2011-2012 ຕໍ່ດ້ວຍການຝຶກອົບຮົມກໍາມະການຂັ້ນ ສະຫະພັນບານເຕະອາຊຽນ (ເອເອັຟເອັຟ) ແລະ ອາຊີ (ເອເອັຟຊີ) ຄ່ອຍກ້າວໆຂຶ້ນມາເປັນກໍາມະການລະດັບສູງຂອງລາວ ຈົນມາເຖິງປັດຈຸບັນສາມາດເສັງຕິດເປັນກໍາມະການຟີຟາ. ຢ່າງໃດກໍຕາມ, ການເປັນກໍາມະການລະດັບຟີຟາຍັງບໍ່ທັນສົມບູນເທື່ອ ເພາະຈະຕ້ອງໄປຜ່ານການທົດສອບອີກເທື່ອໜຶ່ງ ທີ່ປະເທດມາເລເຊຍ ຫລື ອິນໂດເນເຊຍ ໃນກາງປີນີ້ ເຊິ່ງຮູ້ສຶກພາກພູມໃຈຫລາຍ ເພາະເປັນຄົນຈາກແຂວງຫົວພັນຄົນທໍາອິດ ທີ່ກ້າວມາຢູ່ໃນຈຸດນີ້ ແລະ ກໍຕ້ອງຂໍຂອບໃຈທາງອາຈານຈາກມະຫາວິທະຍາໄລແຫ່ງຊາດລາວ ລວມເຖິງອາຈານໃນສະຫະພັນບານເຕະແຫ່ງຊາດລາວ ທີ່ຊີ້ທິດເຍືອງທາງມາໂດຍຕະຫລອດ ເຊິ່ງຂ້າພະເຈົ້າຈະຕັ້ງໜ້າຝຶກຝົນ ແລະ ພັດທະນາຕົວເອງໄປເລື້ອຍໆ ເພື່ອກ້າວເປັນກໍາມະການຕັດສິນທີ່ດີຂອງລາວ ແລະ ຟີຟາ.

ສໍາລັບທ້າວ ບຸນພັນ ສີສຸວັນ ເກີດເມື່ອວັນທີ 27 ຕຸລາ 1990 ທີ່ບ້ານຫາດກູ້ ທີ່ເມືອງແອດ ແຂວງຫົວພັນ ກ່ອນຈະກ້າວມາເປັນກໍາມະການຕັດສິນ ມາຮຽນຢູ່ມະຫາວິທະຍາໄລແຫ່ງຊາດ ປີ 2010 ແລະ ກ່າວມາເປັນກໍາມະການຢ່າງເຕັມຕົວ ດ້ວຍການເປັນຜູ້ຊ່ວຍກໍາມະການຕັດສິນໃນລາວພຣີເມຍລີກ ນັບແຕ່ປີ 2013 ຈົນເຖິງປັດຈຸບັນ, ພ້ອມທັງເປັນກໍາມະການຕັດສິນຟຸດຊໍ ນັບແຕ່ປີ 2015-2017.