ຄູຝຶກທີມຊາດລາວພໍໃຈຜົນງານ ເຖິງວ່າຈະເສຍໃຫ້ກໍາປູເຈຍ 1-0

- advert banner 728 90 728x90 - ຄູຝຶກທີມຊາດລາວພໍໃຈຜົນງານ ເຖິງວ່າຈະເສຍໃຫ້ກໍາປູເຈຍ 1-0

ນັກກິລາທີມຊາດລາວລົງສະໜາມເສຍໃຫ້ທີມຊາດກໍາປູເຈຍ 1-0 ໃນວັນທີ 21 ມີນາ 2018 ທີ່ສະໜາມກິລາແຫ່ງຊາດລາວ ຫລັກ 16 ຂອງການແຂ່ງຂັນເຕະບານນັດພິເສດຟີຟາເດ. ຂະນະທີ່ຄູຝຶກເພິ່ງພໍໃຈຕໍ່ຜົນງານທີ່ລູກທີມເຮັດໄດ້.

- lattana 1 - ຄູຝຶກທີມຊາດລາວພໍໃຈຜົນງານ ເຖິງວ່າຈະເສຍໃຫ້ກໍາປູເຈຍ 1-0

ທ່ານ ໄມວອງ ຫົວໜ້າຄູຝຶກທີມຊາດລາວ ໃຫ້ສໍາພາດຫລັງຈົບການແຂ່ງຂັນວ່າ: ເຖິງວ່າການລົງສະໜາມຄັ້ງນີ້ພວກເຮົາຈະເສຍໃຫ້ແກ່ທີມຊາດກໍາປູເຈຍກໍຕາມ ມັນໄດ້ສ້າງບາດກ້າວອັນໃໝ່ໃຫ້ແກ່ນັກກິລາທີມຊາດລາວໄດ້ມີໂອກາດປັບປຸງຕົວເອງໃຫ້ຫລາຍຂຶ້ນ. ນອກຈາກນັ້ນ ການຫລິ້ນຂອງນັກກິລາແຕ່ລະຄົນຍັງບໍ່ເຂົ້າກັນ ທັງນີ້ຍ້ອນການຝຶກຊ້ອມຂອງພວກເຮົາຍັງມີຈໍາກັດຢູ່ ໄດ້ຝຶກຊ້ອມພຽງ 2 ອາທິດເທົ່ານັ້ນ. ແນວໃດກໍຕາມ ການລົງສະໜາມຄັ້ງນີ້ ຂ້າພະເຈົ້າຮູ້ສຶກພູມໃຈຫລາຍ ແລະ ເພິ່ງພໍໃຈຕໍ່ຜົນງານ ເຖິງວ່າຈະເສຍໃຫ້ທີມຊາດກໍາປູເຈຍກໍຕາມ ແຕ່ຕົນເອງໝັ້ນໃຈວ່າການລົງສະໜາມຄັ້ງຕໍ່ໄປຈະສ້າງຜົນງານໃຫ້ດີຂຶ້ນກວ່າເກົ່າ ເພື່ອຮຽກສັດທາແຟນບານຄືນມາໃຫ້ໄດ້.

ຂະນະທີ່ ທ້າວ ພຸດທະໄຊ ໂຄຈະເລີນ ຫົວໜ້າທີມຊາດລາວ ໃຫ້້ສໍາພາດຫລັງຈົບການແຂ່ງຂັນວ່າ: ຈາກການລົງສະໜາມຄັ້ງນີ້ເຫັນວ່ານັກກິລາຂອງພວກເຮົາບາງຄົນຍັງຫລິ້ນບໍ່ເຂົ້າກັນ ແລະ ຍັງເສຍຈັງຫວະໃຫ້ແກ່ພວກເຂົາຫລາຍຄັ້ງ, ແຕ່ພວກເຮົາກໍພະຍາຍາມສູ້ຈົນສຸດຄວາມສາມາດ ແຕ່ກໍບໍ່ສາມາດຕ້ານຄວາມແຂ່ງແກ່ນຂອງພວກເຂົາໄດ້. ແນວໃດກໍຕາມ ການລົງສະໜາມໃນຄັ້ງນີ້ ມັນຈະສ້າງປະສົບການໃນການຫລິ້ນ ແລະ ຈະເປັນແຮງຊຸກດັນໃຫ້ແກ່ນັກກິລາແຕ່ລະຄົນກັບມາສູ້ ເພື່ອຮຽກສັດທາແຟນບານຂອງທີມຊາດລາວກັບມາອີກຄັ້ງ. ນອກຈາກນັ້ນ, ພວກເຮົາຈະຕ້ອງໄດ້ຝຶກຊ້ອມກັນໃຫ້ຫລາຍຂຶ້ນ ພ້ອມທັງເກັບກ່ຽວປະສົບການໃຫ້ຫລາຍໆຂຶ້ນ.