ເມືອງສັງທອງເຜີຍແຜ່ຄວາມຮູ້ເລື່ອງເງິນ

- advert banner 728 90 728x90 - ເມືອງສັງທອງເຜີຍແຜ່ຄວາມຮູ້ເລື່ອງເງິນ

ໂດຍ: ຣັດສະໝີ   ດວງສັດຈະ

- lattana 1 - ເມືອງສັງທອງເຜີຍແຜ່ຄວາມຮູ້ເລື່ອງເງິນ

ເມືອງສັງທອງ ນະຄອນ ຫຼວງວຽງຈັນ ຮ່ວມກັບກົມຄຸ້ມ ຄອງສະຖາບັນການເງິນ ທະນາ ຄານແຫ່ງ ສປປ ລາວ (ທຫລ) ໄດ້ຈັດກອງປະຊຸມເຜີຍແຜ່ ຄວາມຮູ້ກ່ຽວກັບວຽກງານ ສະຖາບັນການເງິນ ແລະ ຄວາມຮູ້ ເລື່ອງເງິນຂຶ້ນໃນວັນທີ 21 ມີນາ ນີ້, ທີ່ສະໂມສອນເມືອງດັ່ງກ່າວ ໂດຍການເຂົ້າຮ່ວມ ຂອງທ່ານ ຮອງເຈົ້າເມືອງ-ເມືອງສັງທອງ ແລະ ທ່ານ ຮອງຫົວໜ້າກົມ ຄຸ້ມຄອງສະຖາບັນການເງິນ. ໃນກອງປະຊຸມ, ນັກວິຊາການ ຂອງ ກົມຄຸ້ມຄອງສະຖາບັນ ການເງິນ ໄດ້ນໍາສະເໜີໂດຍ ຫຍໍ້ດ້ານພາລະບົດບາດ ແລະ ໜ້າທີ່ຂອງ ທຫລ ເຊິ່ງເປັນ ທະນາຄານກາງຂອງປະເທດ; ວຽກງານຂໍ້ມູນຕ້ານການຟອກເງິນ ແລະການສະໜອງ ທຶນ ໃຫ້ແກ່ ການກໍ່ການຮ້າຍ; ວຽກ ງານຄຸ້ມຄອງຫຼັກຊັບ ແລະ ຕະ ຫຼາດຫຼັກຊັບ; ວຽກງານສົ່ງ ເສີມ, ນໍາໃຊ້ ແລະ ວິທີເບິ່ງ ເງິນ ກີບ, ການຈັບ ຈ່າຍຊື້-ຂາຍ ດ້ວຍເງິນກີບ ແລະ ວຽກອື່ນໆ ທີ່ ປິ່ນອ້ອມວຽກງານສະຖາ ບັນ ການເງິນ ແລະ ການຮອບ ຮູ້ ເລື່ອງເງິນ, ເພື່ອເຮັດໃຫ້ອໍາ ນາດການປົກຄອງບ້ານອ້ອມ ຂ້າງເມືອງ ແລະ ພະນັກງານ ທຸກຂັ້ນ ເຂົ້າໃຈແຈ້ງກ່ຽວກັບ ວຽກງານສະຖາບັນການ ເງິນ ພ້ອມທັງໃຫ້ມີການຕິດຕາມ, ກວດກາການເຄື່ອນໄຫວຂອງສະຖາບັນການເງິນ ທີ່ໄດ້ຮັບ ການອະນຸຍາດຈາກ ທຫລ ແລະ ໃຫ້ອົງການຈັດຕັ້ງທຸກ ພາກສ່ວນ ລວມທັງປະຊາຊົນ ບັນດາເຜົ່າ ຊ່ວຍກັນເປັນຫູ, ເປັນຕາ, ບໍ່ໃຫ້ການຮ່ວມມື ແລະ ເປັນກະບອກສຽງຕິດຕາມ ກວດກາເຄື່ອນໄຫວນອກລະ ບົບດໍາເນີນທຸລະກິດ ທາງ ດ້ານການເງິນໂດຍ ບໍ່ໄດ້ຮັບ ອະນຸຍາດຈາກ ທຫລ.

 

+ ໜ່ວຍພັກ ທະນາຄານການຄ້າຕ່າງປະເທດ ສາຂາຊຽງຂວາງດຳເນີນທຸລະກິດມີຜົນກຳໄລ

+ ທະນາຄານກາງອາເມລິກາປັບຂຶ້ນອັດຕາ ດອກເບ້ຍສູງທີ່ສຸດໃນຮອບ 10 ປີ

- 1 1 - ເມືອງສັງທອງເຜີຍແຜ່ຄວາມຮູ້ເລື່ອງເງິນ
- Tiger Head 728x90 - ເມືອງສັງທອງເຜີຍແຜ່ຄວາມຮູ້ເລື່ອງເງິນ

ກອງປະຊຸມເທື່ອນີ້ ຍັງ ເປັນການຊຸກຍູ້, ສົ່ງເສີມໃຫ້ ສະຖາບັນການເງິນມີການ ຂະຫຍາຍຕົວຢ່າງຕໍ່ເນື່ອງ ສາມາດຕອບ ສະໜອງທາງ ດ້ານແຫຼ່ງທຶນ ໃຫ້ປະຊາ ຊົນ ໄດ້ສະດວກຫຼາຍຂຶ້ນ ສາມາດແກ້ ໄຂຊີວິດການ ເປັນຢູ່ໃຫ້ ດີຂຶ້ນເທື່ອລະກ້າວ ແລະ ທັງເປັນການປະກອບ ສ່ວນເຂົ້າໃນການພັດທະນາ ເສດຖະກິດ-ສັງຄົມໃຫ້ມີ ຄວາມເຂັ້ມແຂງ ເຊິ່ງໃນຜ່ານ ມາ ທຫລ ໄດ້ກຳນົດທິດທາງ, ຍຸດທະສາດໃນການຄຸ້ມຄອງ ແລະ ພັດທະນາຂະແໜງ ການເງິນ ເພື່ອຫັນເອົາບັນດາ ສະຖາບັນການເງິນ ທີ່ເຄື່ອນ ໄຫວຮູບແບບບໍ່ເປັນທາງ ການ ເຂົ້າສູ່ລະບຽບການຄຸ້ມ ຄອງໃຫ້ໄປໃນລວງດຽວກັນເທື່ອລະກ້າວ ແລະ ເພື່ອສ້າງ ເງື່ອນໄຂໃຫ້ປະຊາຊົນ ສາ ມາດເຂົ້າຫາແຫຼ່ງທຶນໄດ້ງ່າຍ ແລະ ຫຼາຍຂຶ້ນໃນຕໍ່ໜ້າ.

error: Content is protected !!