ຮອງນາຍົກລັດຖະມົນຕີເນັ້ນ ແຂວງຫົວພັນ ເອົາໃຈໃສ່ພັດທະນາເສດຖະກິດ-ສັງຄົມຕາມທິດສາມສ້າງ

- advert banner 728 90 728x90 - ຮອງນາຍົກລັດຖະມົນຕີເນັ້ນ ແຂວງຫົວພັນ ເອົາໃຈໃສ່ພັດທະນາເສດຖະກິດ-ສັງຄົມຕາມທິດສາມສ້າງ

ໃນວັນທີ 21 ມີນານີ້ ຢູ່ຫ້ອງວ່າການປົກຄອງແຂວງຫົວພັນ, ທ່ານ ບຸນທອງ ຈິດມານີ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ປະທານກວດກາສູນກາງພັກ ໄດ້ໃຫ້ກຽດພົບປະໂອ້ລົມພະນັກງານຫລັກແຫລ່ງແຂວງຫົວພັນ ເນື່ອງໃນໂອກາດລົງຢ້ຽມຢາມ ແລະ ເຮັດວຽກຢູ່ແຂວງຫົວພັນ.

- lattana 1 - ຮອງນາຍົກລັດຖະມົນຕີເນັ້ນ ແຂວງຫົວພັນ ເອົາໃຈໃສ່ພັດທະນາເສດຖະກິດ-ສັງຄົມຕາມທິດສາມສ້າງ

ກ່ອນອື່ນທ່ານໄດ້ຮັບຟັງບົດລາຍງານຫຍໍ້ສະພາບການພັດທະນາເສດຖະກິດ-ສັງຄົມຂອງແຂວງ, ການແກ້ໄຂຊີວິດການເປັນຢູ່ຂອງປະຊາຊົນ, ວຽກງານວັດທະນະທຳ-ສັງຄົມ, ວຽກງານປ້ອງກັນຊາດ, ປ້ອງກັນຄວາມສະຫງົບ ແລະ ປາກົດການຫຍໍ້ທໍ້ຕ່າງໆໃນສັງຄົມ ພ້ອມທັງຍົກໃຫ້ເຫັນຂໍ້ສະດວກ, ຂໍ້ຫຍຸ້ງຍາກ ແລະ ສິ່ງທ້າທາຍໃນການຈັດຕັ້ງປະຕິບັດວຽກ​ງານ​ດັ່ງກ່າວໃນໄລຍະໜຶ່ງປີຜ່ານມາ ແລະ ທິດທາງສູ້ຊົນໃນປີ 2018 ຊຶ່ງລາຍງານໂດຍທ່ານ ວັນໄຊ ແພງຊຸມມາ ກໍາມະການສູນກາງພັກ, ເລຂາພັກແຂວງ, ເຈົ້າແຂວງຫົວພັນ.

ຈາກນັ້ນ, ທ່ານຮອງນາຍົກລັດຖະມົນຕີ ກໍໄດ້ໃຫ້ທິດຊີ້ນຳການນຳແຂວງ ແລະ ພະນັກງານຫລັກ ແຫລ່ງ ໂດຍທ່ານໄດ້ເນັ້ນໃຫ້ແຕ່ລະຂັ້ນເອົາໃຈໃສ່ເຮັດວຽກງານປ້ອງກັນຊາດ-ປ້ອງກັນຄວາມສະຫງົບຢ່າງຮອບດ້ານ, ເອົາໃຈໃສ່ພັດທະນາເສດຖະກິດແກ້ໄຂຊີວິດການເປັນຢູ່, ໃນນັ້ນໃຫ້ເບິ່ງຄືນຄວາມອາດສາມາດ, ທ່າແຮງບົ່ມຊ້ອນຂອງແຕ່ລະທ້ອງຖິ່ນ, ການຈັດສັນບ້ານ, ຈັດສັນອາຊີບທີ່ໝັ້ນຄົງໃຫ້ແກ່ປະຊາ ຊົນບັນດາເຜົ່າ, ເອົາໃຈໃສ່ເຮັດວຽກງານສາມສ້າງເຂົ້າສູ່ລວງເລິກເຊັ່ນ: ບ້ານພັດທະນາຕາມທິດສາມສ້າງ ແລະ ບ້ານສາມສ້າງທົ່ວໄປ ເພື່ອຮັບປະກັນໃຫ້ປະຊາຊົນມີຄວາມສະເໝີພາບ, ພ້ອມກັນຫລຸດພົ້ນອອກຈາກຄວາມທຸກຍາກ, ເພີ່ມທະວີເອົາໃຈໃສ່ປັບປຸງພັກ-ພະນັກງານລັດ ໂດຍໃຫ້ອີງໃສ່ແຜນການການຂຶ້ນແຜນກຳນົດພະນັກງານຂອງແຕ່ລະກົມກອງ ຫລື ພະແນກການ. ພ້ອມດຽວກັນນີ້, ທ່ານຍັງໄດ້ແກ້ຂໍ້ຂ້ອງໃຈຕໍ່ຄຳສະເໜີຂອງການນຳແຂວງບາງບັນຫາຕື່ມອີກ.

ໃນໂອກາດດຽວກັນ, ທ່ານຍັງໄດ້ຮັບຟັງລາຍງານສະພາບການຈັດຕັ້ງປະຕິບັດຂອງອົງການແນວລາວສ້າງຊາດແຂວງ, ສະພາປະຊາຊົນແຂວງ ກ່ຽວກັບບັນຫາຢາເສບຕິດ ແລະ ຮັບຟັງການຊີ້ແຈງຈາກລັດຖະມົນຕີກະຊວງໂຍທາທິການ ແລະ ຂົນສົ່ງ ກ່ຽວກັບການປັບປຸງບັນດາເສັ້ນທາງຫລວງແຫ່ງຊາດ ຢູ່ແຂວງຫົວພັນ ເພື່ອຮັບປະກັນໃຫ້ແກ່ການສະເຫລີມສະຫລອງ ເມືອງວຽງໄຊ ຄົບຮອບ 50 ປີ ທີ່ຈະມາເຖິງນີ້ ໃຫ້ມີຄວາມສະດວກຫລາຍຂຶ້ນ.