ປະທ້ວງເດືອດຢູ່ເວເນຊູເອລາ

- Untitled design - ປະທ້ວງເດືອດຢູ່ເວເນຊູເອລາ

​ໃນ​ວັນ​ທີ 21 ​ເມສາ​ນີ້,  ກາ​ນປະ​ທ້ວງ​ໃຫຍ່​ຢູ່​ເວ​ເນ​ຊູ​ເອລາ ​ເພື່ອ​ຕໍ່ຕ້ານ​ປະທານາທິບໍດີ ນິ​ໂກ​ລັສ ມາ​ດູ​ໂຣ ​ແລະ ຮຽກຮ້ອງ​ໃຫ້​ມີ​ການ​ຈັດການ​ເລືອກ​ຕັ້ງ​ເທື່ອ​ໃໝ່ ຕະຫລອດ​ຮອດ​ປ່ອຍ​ຕົວ​ບັນດາ​ນັກ​ການ​ເມືອງ​ຝ່າຍ​ຄ້ານ​ທີ່​ຖືກ​ຈຳ​ຄຸກ ​ໄດ້​ລຸກລາມ​ກາຍ​ເປັນຄວາມ​ຮຸນ​ແຮງ ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ​ແລ້ວ​ຢ່າງ​ໜ້ອຍ 3 ຄົນ ​ແລະ ບາດ​ເຈັບ​ອີກ​ຈຳນວນ​ຫລາຍ.

ການ​ປະ​ທ້ວງ​ຕໍ່ຕ້ານ​ລັດຖະບານ​ທີ່​ກຸ່ມ​ຜູ້​ຊຸມນຸມ​​ເອີ້ນ​ວ່າ: “ມານ​ດາ​ແຫ່ງ​ການ​ປະ​ທ້ວງ​ທັງ​ໝົດ” ມີ​ຂຶ້ນ​ໃນ​ຫລາຍ​ເມືອງ​ທົ່ວ​ເວ​ເນ​ຊູ​ເອລາ ນັບ​ແຕ່​ວັນ​ທີ 19 ​ເມສາ ​ແລະ ມີ​ປະຊາຊົນ​ເຂົ້າຮ່ວມ​ເປັນ​ຈຳນວນ​ຫລາຍ, ບາງ​ແຫ່ງ​ເກີດ​ການ​ຜະ​ເຊີນ​ໜ້າ ​ແລະ ປະ​ທະ​ກັນ​ລະຫວ່າງ​ກຸ່ມ​ຜູ້​ປະ​ທ້ວງ​ກັບ​ເຈົ້າໜ້າ​ທີ່​ຕຳຫລວດ. ປະທານາທິບໍດີ ມາ​ດູ​ໂຣ ກ່າວ​ຫາ​ຜູ້​ປະ​ທ້ວງ​ລັດຖະບານ​ວ່າ​ທຳຮ້າຍ​ຕຳຫລວດ ​ແລະ ກໍ່​ເຫດ​ປຸ້ນ​ສະດົມ​ຮ້ານ​ຄ້າ​ຕ່າງໆ.

ທ່ານ ​ເອນຣີ​ເກ້ ກາປຣີ​ເລ​ສ ຜູ້ນຳ​ຝ່າຍ​ຄ້ານ​ຮຽກຮ້ອງ​ໃຫ້​ຊາວ​ເວ​ເນ​ຊູ​ເອລາ ອອກ​ມາສະ​ແດງ​ພະລັງ​ກົດ​ດັນ​ລັດຖະບານ​ໃຫ້​ຍອມ​ກ້າວ​ລົງ​ຈາກ​ອຳນາດ ​ແລະ ຈັດການ​ເລືອກ​ຕັ້ງ​ເທື່ອ​ໃໝ່ ​ເພາະ​ບັນດາ​ແກນ​ນຳ​ຝ່າຍຄ້ານ​ເບິ່ງ​ວ່າ​ລັດຖະບານ​ຫລົ້ມ​ເຫ​ລວ​ໃນ​ການ​ບໍລິຫານ​ປະ​ເທດ ສົ່ງ​ຜົນ​ໃຫ້​ເກີດ​ບັນຫາ​ເສດຖະກິດ​ຕົກ​ຕໍ່າ, ​ເງິນ​ເຟີ້​ຮຸນ​ແຮງ ​ແລະ ອາ​ດຊະ​ຍາ​ກຳ​ທີ່​ເພີ່ມ​ສູງ​ຂຶ້ນ.

- Wave100S AD to Website 2020 0 - ປະທ້ວງເດືອດຢູ່ເວເນຊູເອລາ

- WhatsApp Image 2020 05 27 at 5 - ປະທ້ວງເດືອດຢູ່ເວເນຊູເອລາ
- WhatsApp Image 2020 05 27 at 5 - ປະທ້ວງເດືອດຢູ່ເວເນຊູເອລາ
error: Alert: ເນື້ອຫາຂ່າວມີລິຂະສິດ !!