2018 ຈໍາປາບານຣັກບີ້ຈະເຂົ້າເຖິງ 42 ໂຮງຮຽນ

- advert banner 728 90 728x90 - 2018 ຈໍາປາບານຣັກບີ້ຈະເຂົ້າເຖິງ 42 ໂຮງຮຽນ

ທ້າຍອາທິດຜ່ານມາ ທີ່ຄະນະກໍາມະການໂອແລມປິກແຫ່ງຊາດລາວ, ສະຫະພັນກິລາຣັກບີ້ແຫ່ງຊາດລາວ ຮ່ວມກັບພະແນນສຶກສາທິການ ແລະ ກິລາ ນະຄອນຫລວງວຽງຈັນ ໄດ້ຈັດກອງປະຊຸມກຽມຂະຫຍາຍໂຄງການ ຈໍາປາບານຣັກບີ້ໃຫ້ເຂົ້າເຖິງ 42 ໂຮງຮຽນທົ່ວນະຄອນຫລວງວຽງຈັນ ເພື່ອສ້າງນັກກິລາຮຸ່ນສືບທອດທີມຊາດ ໂດຍມີທ່ານ ຊົມພູ ແກ້ວປັນຍາ ຫົວໜ້າພະແນນສຶກສາທິການ ແລະ ກິລາ ນະຄອນຫລວງວຽງຈັນ, ທ່ານ ວິຣະຢຸດ ຣາທິກຸນ ປະທານສະຫະພັນກິລາຣັກບີ້ແຫ່ງຊາດລາວ, ມີບັນດາຜູ້ຕາງໜ້າໂຮງຮຽນທົ່ວນະຄອນຫລວງວຽງຈັນເຂົ້າຮ່ວມ.

- lattana 1 - 2018 ຈໍາປາບານຣັກບີ້ຈະເຂົ້າເຖິງ 42 ໂຮງຮຽນ

ທ່ານ ວິຣະຢຸດ ຣາທິກຸນ ​ໃຫ້​ສໍາພາດ​ວ່າ: ສະຫະພັນກິລາຣັກບີ້ແຫ່ງຊາດລາວມີຄວາມພາກພູມໃຈທີ່ໄດ້ຮ່ວມກັບພະແນກສຶກສາທິການ ແລະ ກິລາ ນະຄອນຫລວງວຽງຈັນ ກຽມຂະຫຍາຍກິລາຣັກບີ້ເຂົ້າໃນ 42 ໂຮງຮຽນ ໂດຍຈະເລີ່ມປີ 2018 ພາຍໃຕ້ໂຄງການ “ຈໍາປາ​ບານຣັກບີ້” ເພື່ອເຮັດໃຫ້ນັກຮຽນຫັນມາຫລິ້ນກິລາປະເພດນີ້ຫລາຍຂຶ້ນ ​ເຊິ່ງ​ປັດຈຸບັນ​ໂຄງການ​ດັ່ງກ່າ​ວມີ​ນັກ​ກິລາ 400 ຄົນ ​ໃນ​ຈໍານວນ 33 ທີ​ມ ​ທົ່ວ​ນະຄອນຫລວງວຽງ​ຈັນ,​ ​ໃນ​ນັ້ນນັກ​ກິລາ​ສ່ວນ​ຫລາຍ​ແມ່ນນັກ​ກິລາ​ຍິງ​ກວມ​ເອົາ 57% ຂອງ​ຜູ້ຫລິ້ນ​ໃນ ລາວ. ນອກຈາກ​ນັ້ນ ຍັງ​ເປັນ​ການ​ກະກຽມ​ຄວາມ​ພ້ອມ​ເຂົ້າ​ຮ່ວມ​ງານ​ກິລາ​ແຫ່ງ​ຊາດ​ຄັ້ງ​ທີ 11 ທີ່​ແຂວງ​ຊຽງ​ຂວາ​ງ​ເປັນ​ເຈົ້າ​ພາບ ​ຈະ​ຈັດ​ຂຶ້ນ​ໃນ​ທ້າຍ​ປີ 2018 ນີ້.

ທ່ານ ປີ​ຊາ ວົງ​ເດືອນ​ເພັງ ຄະນະ​ບໍລິຫານ​ສະຫະພັນ​ກິລາຣັກບີ້​ແຫ່ງ​ຊາດ​ລາວ ​ໄດ້​ໃຫ້​ສໍາພາດ​ວ່າ: ​ໂຄງການ​ດັ່ງ​ກ່າວ​ແມ່ນ​ໄດ້​ເລີ່​ມມາ​ແຕ່​ປີ 2017 ​ເຊິ່ງມີ​ນັກ​ກິລາ​ເຂົ້າ​ຮ່ວມ​ຫລາຍ​ກວ່າ 3.000 ຄົນ​ທີ່​ເຂົ້າຮ່ວມ​ຄັດ​ເລືອກ​ທີ​ມຊາດ. ນອກຈາກ​ນັ້ນ ນັກ​ກິລາ​ສ່ວນ​ຫລາຍ​ກໍ​ຜ່ານ​ເຂົ້າ​ຮ່ວມ​ແຂ່ງຂັນ​ລາຍການ​ຕ່າງໆ​ມາ​ກ່ອນ ​ເຊິ່ງ​ໂຄງການ​ດັ່ງກ່າວ​ໄດ້​ສອນ​ວິທີ​ການ​ຫລິ້ນ​ບານ​ທີ່​ຖືກ​ວິ​ທີ ​ແລະ ທັກ​ສະ​ໃນ​ການ​ແຂ່ງຂັນ​ລະດັບ​ສາກົນ.

- 1 1 - 2018 ຈໍາປາບານຣັກບີ້ຈະເຂົ້າເຖິງ 42 ໂຮງຮຽນ