ທີມຊາດລາວຖືກຈັດຢູ່ກຸ່ມບີ ບານເຕະຊີງຂັນເຈົ້າຊີວິດບຣູໄນ

ການແຂ່ງຂັນບານ​ເຕະຊີງຂັນເຈົ້າຊີວິດບຣູໄນ ຈະຈັດຂຶ້ນທ້າຍເດືອນເມສານີ້ ໂດຍມີ 7 ປະເທດເຂົ້າຮ່ວມ. ຂະນະທີ່ ທີມຊາດລາວຖືກຈັດຢູ່ໃນກຸ່ມບີຮ່ວມກັບທີມຊາດກໍາປູເຈຍ.

ນັກກິລາທີມ​ຊາດ​ລາວ ຮຸ່ນ​ອາ​ຍຸ 21 ປີ ເຂົ້າຮ່ວມການແຂ່ງຂັນບານ​ເຕະຊີງຂັນເຈົ້າຊີວິດບຣູໄນ ເຊິ່ງຈະຈັດຂຶ້ນລະຫວ່າງວັນທີ 20 ເມສາ ຫາ 5 ພຶດສະພາ 2018 ທີ່ປະເທດບຣູໄນ ໂດຍມີ 7 ປະເທດເຂົ້າຮ່ວມຄື: ຕີມໍເລສເຕ, ມຽນມາ, ບຣູໄນ, ໄທ, ລາວ, ສິງກະໂປ ແລະ ປະເທດກໍາປູເຈຍ. ການແຂ່ງຂັນໄດ້ແບ່ງອອກເປັນ 2 ກຸ່ມຄື: ກຸ່ມເອ ປະກອບມີຕີ​ມໍເລ​ສ​ເຕ, ມຽນ​ມາ, ບ​ຣູ​ໄນ ແລະ ໄທ; ສ່ວນກຸ່ມບີປະກອບມີລາວ, ສິງ​ກະ​ໂປ ແລະ ກຳ​ປູ​ເຈຍ.