ແມນຢູ ພ້ອມຈ່າຍຄວ້າ ເນມາ ເປັນສະຖິຕິໂລກ

- advert banner 728 90 728x90 - ແມນຢູ ພ້ອມຈ່າຍຄວ້າ ເນມາ ເປັນສະຖິຕິໂລກ

​ໂຊ​ເຊ ມູຣິນ​ໂຢ ຜູ້​ຈັດການ​ທີ​ມ ​ແມນ​ເຊັສ​ເຕີ ຢູ​ໄນ​ເຕັດ ຕົກ​ເປັນ​ຂ່າວ​ເລັ່ງຈ່າຍ 260 ລ້ານ​ປອນ ຄວ້າ ​ເນ​ມາ ດາວ​ຍິງ ປາຣີສ ​ແຊງ​ແຊກ​ແມງ ​ເສີມ​ທີ​ມລະດູ​ການ​ນີ້, ຫລັງ​ມີ​ຂ່າວ​ດາວ​ເຕະ​ທີ​ມຊາດ​ບຣາຊິນ​ບໍ່​ມີ​ຄວາມສຸກ​ກັບ​ການ​ຫລິ້ນ​ໃນ​ຝຣັ່ງ, ​ແຕ່​ຕ້ອງ​ຍາດ​ກັບ ​ຣີລ ມາດຣິດ ທີ່​ຢາກ​ໄດ້​ເຊັ່ນ​ກັນ.

- lattana 1 - ແມນຢູ ພ້ອມຈ່າຍຄວ້າ ເນມາ ເປັນສະຖິຕິໂລກ

​ໂຊ​ເຊ ມູຣິນ​ໂຢ ຜູ້​ຈັດການ​ທີ​ມ ​​ແມນ​ເຊັສ​ເຕີ ຢູ​ໄນ​ເຕັດ ສະ​ໂມ​ສອນ​ຍັກ​ໃຫຍ່​ແຫ່ງ​ ພຣີ​ເມຍ​ລີກ ຕົກ​ເປັນ​ຂ່າວ​ວ່າ​ກຳລັງ​ພິຈາລະນາ​ທີ່​ຈະ​ຈ່າຍ​ເງິນ​ເປັນ​ສະຖິຕິ​ໂລກ​ເຖິງ 260 ລ້ານ​ປອນ ​ເພື່ອ​ຄວ້າ ​ເນ​ມາ ຫົວ​ຫອກ​ຄົນ​ເກັ່ງ ປາຣີສ ​ແຊງ​ແຊກ​ແມງ ສະ​ໂມ​ສອນ​ມະຫາ​ເສດຖີ​ແຫ່ງ​ ລີກ​ເອິງ ​ໂດຍ​ອາດ​ມີ ປອລ ປ໊ອກບາ ກອງ​ກາງ​ທີ​ມຊາດ​ຝຣັ່ງ ​ເປັນ​ສ່ວນ​ໜຶ່ງ​ໃນ​ຂໍ້​ຕົກລົງ​ດັ່ງກ່າວ.

ມີ​ຂ່າວ​ລື​ອີກ​ວ່າ: ​ເນ​ມາ ບໍ່​ມີ​ຄວາມສຸກ​ໃນ​ການ​ຫລິ້ນຢູ່​ຖິ່ນ ປາຣ໌ກ ​ເດ​ສ໌ ​ແພຣັງ. ຂະນະ​ທີ່ ຜູ້​ຈັດການ​ທີ​ມ ​ແມນ​ເຊັສ​ເຕີ ຢູ​ໄນ​ເຕັດ ຕ້ອງການ​ໄດ້​ກອງ​ໜ້າ​ລະດັບ​ໂລກ​ເຂົ້າມາ​ປະ​ດັບ​​ບາ​ລະ​ມີ, ຫລັງ​ຈາກ​ເຫັນ ອາ​ເລັກ​ຊິ​ສ ຊານ​ເຊຊ ດາວ​​ເຕະ​ທີ​ມຊາດ​ຊີ​ລີ ປະສົບ​ຄວາມ​ຫລົ້ມ​ເຫ​ລວ​ໃນ​ຖິ່ນ​ໂອລ ​ແທຣັຟຟອຣ໌ດ.

ຣີລ ມາດຣິດ ສະ​ໂມ​ສອນ​ຍັກ​ໃຫຍ່​ແຫ່ງ ລາ​ລີ​ກາ ສະ​ເປ​ນ ກໍ​ເປັນ​ອີກ​ທີ​ມທີ່​ຕົກ​ເປັນ​ຂ່າວ​ກັບ​ດາວ​ເຕະ​ທີ​ມຊາດ​ບຣາຊິນ​ເຊັ່ນ​ກັນ, ​ແຕ່ ​ແມນ​ເຊັສ​ເຕີ ຢູ​ໄນ​ເຕັດ ພ້ອມ​ທີ່​ຈະ​ສູ້ ​ແລະ ອາດ​ສົ່ງ ປ໊ອກບາ ທີ່​ມີ​ຂ່າວ​ວ່າ​ບໍ່​ມີ​ຄວາມ​ສຸກກັບ ​ແມນ​ເຊັສ​ເຕີ ຢູ​ໄນ​ເຕັດ ​ໃຫ້​ກັບ ​ເປ​ແອ​ສ​ເຊ ​ໃນ​ຖານະ​ສ່ວນ​ໜຶ່ງ​ຂອງ​ຂໍ້​ຕົກລົງ.

ນອກຈາກ​ນີ້ ຍັງ​ມີ​ລາຍ​ງານ​ວ່າ: ​ແມນ​ເຊັສ​ເຕີ ຢູ​ໄນ​ເຕັດ ພ້ອມ​ທີ່​ຈະ​ສະ​ເໜີ​ຄ່າ​ເມື່ອຍ​ໃຫ້ ​ເນ​ມາ ສູງ​ເຖິງ​ປີ​ລະ 30 ລ້ານ​ປອນ.