ຜູ້ນຳ ສ.ເກົາຫລີ ຢ້ຽມຢາມ ຫວຽດນາມ ຫວັງເພີ່ມການຮ່ວມມືດ້ານການຄ້າ

- advert banner 728 90 728x90 - ຜູ້ນຳ ສ.ເກົາຫລີ ຢ້ຽມຢາມ ຫວຽດນາມ ຫວັງເພີ່ມການຮ່ວມມືດ້ານການຄ້າ

ປະທານາທິບໍດີ ສ.​ເກົາຫລີ ສະ​ແດງ​ຄວາມ​ຫວັງ​ວ່າ: ມູນ​ຄ່າ​ການ​ຄ້າ​ກັບ​ຫວຽດນາມ​ຈະ​ເພີ່ມ​ຫລາຍ​ຂຶ້ນ ​ແລະ ຈະ​ມີ​ການ​ສົ່ງ​ເສີມ​ການ​ຮ່ວມ​ມື​ໃນ​ຫລາຍ​ມິ​ຕິ​ທີ່​ກ່ຽວຂ້ອງ ​ໃນ​ໂອກາດ​ຢ້ຽມຢາມ​ນະຄອນຫລວງ​ຮ່າ​ໂນ້ຍຢ່າງ​ເປັນ​ທາງ​ການ.

- lattana 1 - ຜູ້ນຳ ສ.ເກົາຫລີ ຢ້ຽມຢາມ ຫວຽດນາມ ຫວັງເພີ່ມການຮ່ວມມືດ້ານການຄ້າ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ຮ່າ​ໂນ້ຍ ສສ ຫວຽດນາມ ​ໃນ​ວັນ​ທີ 23 ມີນາ​ວ່າ: ປະທານາທິບໍດີ ມຸນ ​ແຈ​ອິນ ກ່າວ​ລະຫວ່າງ​ການ​ຫາລື​ລະດັບ​ທະວີ​ພາຄີ​ກັບ​ປະທານ​ປະ​ເທດ ​ເຈິ​ນ ດາຍ ກວາງ ທີ່​ນະຄອນຫລວງ​ຮ່າ​ໂນ້ຍ ​ໃນ​ວັນ​ທີ 23 ມີນາ ສະ​ແດງ​ຄວາມ​ຫວັງ​ວ່າການ​ຄ້າ​ລະຫວ່າງ​ສອງ​ປະ​ເທດ​ຈະ​ຂະຫຍາຍຕົວ​​ເພີ່ມ​ຂຶ້ນ​ເຖິງ 100.000 ລ້ານ​ໂດ​ລາ​ສະຫະລັດ ພາຍ​ໃນ​ປີ 2020. ປັດຈຸບັນ ສ.​ເກົາຫລີ ຖື​ເປັນ​ປະ​ເທດ​ຜູ້​ລົງທຶນ​ລາຍ​ໃຫຍ່​ທີ່​ສຸດ​ຂອງ​ຫວຽດນາມ ​ແລະ ​ເປັນ​ປະ​ເທດ​ຄູ່​ຄ້າ​ລາຍ​ໃຫຍ່​ອັນ​ດັບ 2 ​ໂດຍມູນ​ຄ່າ​ການ​ຄ້າ​ລະດັບ​ທະວີ​ພາຄີ​ບັນລຸ 61.500 ລ້ານ​ໂດ​ລາ​ສະຫະລັດ ​ໃນ​ປີຜ່ານມາ.

ຂະນະ​ທີ່​ທ່ານ ​ເຈິ​ນ ດາຍ ກວາງ ກ່າວ​ເຖິງ​ການ​ພົວພັນ​ທາງ​ການ​ທູດ​ລະຫວ່າງ​ລັດຖະບານ​ຮ່າ​ໂນ້ຍກັບ​ລັດຖະບານ​ເຊ​ອຸ​ນ ວ່າ​ພັດທະນາ​ຢ່າງ​ວ່ອງ​ໄວ ​ແລະ ​ເຕັມ​ໄປ​ດ້ວຍ​ປະສິດທິພາບ ນັບ​ແຕ່​ການ​ສະຖາປະນາ​ການ​ພົວພັນ​ຢ່າງ​ເປັນ​ທາງ​ການ ​ໃນ​ປີ 1992. ນອກຈາກ​ນີ້ ຜູ້ນຳ​ຫວຽດນາມ​ຍັງ​​ເຊີນຊວນ​ໃຫ້​ນັກທຸລະກິດ​ຈາກ ສ.​ເກົາຫລີ ​ເພີ່ມ​ການ​ລົງທຶນ​ໃນ​ຫວຽດນາມ ​ໂດຍ​ສະ​ເພາະ​ໃນ​ໂຄງການ​ພັດທະນາ​ລະບົບ​ໂຄງ​ລ່າງ​ພື້ນຖານ, ລະບົບ​ສາທາລະ​ນຸປະ​ໂພ​ກ ​ແລະ ອຸດສາຫະກຳ​ດ້ານ​ພະລັງງານ.

- 1 1 - ຜູ້ນຳ ສ.ເກົາຫລີ ຢ້ຽມຢາມ ຫວຽດນາມ ຫວັງເພີ່ມການຮ່ວມມືດ້ານການຄ້າ