ເປີດ​ຂະ​ບວນການສັກ​ຢາ​ກັນ​ພະຍາດ​ທົ່ວ​ປະ​ເທດ

- advert banner 728 90 728x90 - ເປີດ​ຂະ​ບວນການສັກ​ຢາ​ກັນ​ພະຍາດ​ທົ່ວ​ປະ​ເທດ

ໃນ​ວັນ​ທີ 26 ມີນານີ້ ລາວຈະເລີ່ມປຸກລະດົມການສັກຢາກັນພະຍາດ ໄລຍະ 10​ ວັນ ໃນ 13​ ແຂວງ ແລະ 90 ເມືອງ ​ເພື່ອແນໃສ່ເດັກອາຍຸ 0 ຫາ 5 ປີ ໃຫ້ບັນລຸ 460.000ຄົນ ເຊິ່ງໂຄງການສັກຢາກັນພະຍາດແຫ່ງຊາດດັ່ງກ່າວ​ໂດຍການສະໜັບສະໜູນຈາກອົງການຢູນີເຊັບ ແລະ ອົງການອນາໄມໂລກ.

- lattana 1 - ເປີດ​ຂະ​ບວນການສັກ​ຢາ​ກັນ​ພະຍາດ​ທົ່ວ​ປະ​ເທດ

ທ່ານ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ກ່າວວ່າ: ໂດຍການສະໜັບສະໜູນຈາກເພື່ອນຮ່ວມງານຕ່າງໆ, ໃນຜ່ານມາ ສປປ ລາວ ໄດ້ດຳເນີນງານຢ່າງຈິງຈັງໃນການຕອບໂຕ້ ການລະບາດຂອງພະຍາດໂປລີໂອ ລວມທັງໄດ້ດຳເນີນການບໍລິການສັກຢາກັນພະຍາດເພີ່ມເຕີມຫລາຍຮອບ, ຂະຫຍາຍການໂຄສະນາໃຫ້ຊຸມຊົນຮູ້ກ່ຽວກັບພະຍາດກ້າມຊີ້ນອ່ອນແຮງກະທັນຫັນ ແລະ ການເຝົ້າລະວັງ. ເຖິງແນວໃດກໍຕາມ ການຄຸກຄາມຂອງພະຍາດແມ່ນຍັງມີຢູ່ ເພາະໂປລີໂອແມ່ນສາມາດຕິດຕໍ່ມາຈາກປະເທດອື່ນ, ພວກເຮົາຕ້ອງສືບຕໍ່ເພີ່ມທະວີຄວາມເຂັ້ມແຂງຂອງວຽກວຽກງານສັກຢາກັນພະຍາດຮອບປົກກະຕິ ເພື່ອໃຫ້ໝັ້ນໃຈວ່າເດັກທຸກຄົນໄດ້ຮັບການປົກປ້ອງ.

ທ່ານ ມີໂອຊິນ ຢູນ ຮອງຜູ້ຕາງໜ້າອົງການຢູນີເຊັບ ໄດ້ເນັ້ນວ່າ: ອົງການຢູນີເຊັບມີຄວາມມຸ້ງໝັ້ນ ໃນການສະໜັບສະໜູນລັດຖະບານ ເພື່ອປົກປ້ອງເດັກທຸກຄົນ ດ້ວຍການໃຫ້ວັກຊິນປ້ອງກັນພະຍາດທີ່ສາມາດປ້ອງກັນໄດ້. ພ້ອມກັນນີ້ ອົງການຢູນີເຊັບຈະສະໜັບສະໜູນກິດຈະກຳໂຄສະນາຊຸມຊົນໃນການຜະລິດສື່ໂຄສະນາໃຫ້ຄວາມຮູ້ ແລະ ຂໍ້ມູນຂ່າວສານທີ່ແທດເໝາະກັບວັດທະນະທຳລາວ ແລະ ເຜີຍແຜ່ຂໍ້ມູນຂ່າວສານຜ່ານສື່ຕ່າງໆເຊັ່ນ: ວິທະຍຸ, ໂທລະພາບ ແລະ ໂທລະໂຄ່ງໃຫ້ຫລາກຫລາຍ.

ທ່ານນາງ ຈູລີແອັດ ຟະແລັຊ ຜູ້ຕາງຫນ້າອົງການອະນາໄມໂລກ ກ່າວວ່າ: ການປະສານງານອັນເຂັ້ມແຂງລະຫວ່າງອົງການອະນາໄມໂລກ ແລະ ບັນດາປະເທດຜູ້ໃຫ້ທຶນ ແລະ ຄູ່ຮ່ວມງານ ໄດ້ອຳນວຍໃຫ້ພວກເຮົາສາມາດດຳເນີນວຽກງານລຶບລ້າງໂປລີໂອໄດ້ 99% ໃນທົ່ວໂລກ. ການເປີດຂະບວນການປຸກລະດົມການສັກຢາກັນພະຍາດໃນຂັ້ນແຂວງຂອງ ສປປ ລາວ ຈະເປັນສ່ວນປະກອບໃນການປະຕິບັດເປົ້າໝາຍການລຶບລ້າງພະຍາດໂປລີໂອທົ່ວໂລກ; ຢັບຢັ້ງການເກີດພະຍາດໂປລີໂອໃນປະເທດ, ປັບປຸງລະບົບການເຝົ້າລະວັງ ແລະ ລະບົບການສັກຢາກັນພະຍາດໃຫ້ນັບມື້ເຂັ້ມແຂງ.

- 1 1 - ເປີດ​ຂະ​ບວນການສັກ​ຢາ​ກັນ​ພະຍາດ​ທົ່ວ​ປະ​ເທດ

ໂຄງການ​ດັ່ງ​ກ່າວມີອາສາສະໝັກ 7.200 ຄົນ ແລະ ພະນັກງານແພດ 1.400 ຄົນ ຈະດຳເນີນວຽກງານຢ່າງເຂັ້ມແຂງ ເພື່ອໃຫ້ໝັ້ນໃຈວ່າເດັກກຸ່ມອາຍຸ 0-5 ປີໃນແຂວງ ແລະ ເມືອງເປົ້າໝາຍໄດ້ຮັບການຢອດຢາໂປລິໂອ 2 ເທື່ອ. ພະນັກງານແພດ ກະຊວງສາທາລະນະສຸກ ປະມານ 210 ຄົນ ແລະ ຄູ່ຮ່ວມງານຈາກອົງການຈັດຕັ້ງຕ່າງໆ ຈະລົງຕິດຕາມຊຸກຍູ້ຊ່ວຍເຫລືອກິດຈະກຳເພື່ອໃຫ້ເດັກທຸກຄົນໄດ້ຮັບການບໍລິການຢອດຢາໂປລິໂອ ໂດຍສະເພາະແມ່ນເດັກທີ່ດ້ອຍໂອກາດ ແລະ ໃນເຂດຫ່າງໄກສອກຫລີກເຊິ່ງການດຳເນີນວຽກງານສັກຢາກັນພະຍາດຮອບປົກກະຕິ ໂດຍການໃຫ້ວັກຊີນປ້ອງກັນໂປລີໂອຢອດທີ 3 ໃນປີ 2017 ແມ່ນມີອັດຕາກວມ 85%, ຕໍ່າກວ່າເປົ້າໝາຍທີ່ວາງໄວ້ 90% ເພື່ອສ້າງພູມຄຸ້ມກັນພຽງພໍໃຫ້ຊຸມຊົນ.