ເຈົ້າໜ້າທີ່ຄຳມ່ວນເຂັ້ມງວດ 3 ເດືອນ ສາມາດຢຶດສັດປ່າຜິດກົດໝາຍ 337 ໂຕ

- advert banner 728 90 728x90 - ເຈົ້າໜ້າທີ່ຄຳມ່ວນເຂັ້ມງວດ 3 ເດືອນ ສາມາດຢຶດສັດປ່າຜິດກົດໝາຍ 337 ໂຕ

ເຈົ້າໜ້າທີ່ກວດກາສັດນ້ຳ-ສັດປ່າ, ກອງກວດກາປ່າໄມ້ແຂວງຄຳມ່ວນສົບທົບກັບພາກສ່ວນທີ່ກ່ຽວຂ້ອງເຄື່ອນໄຫວຕິດຕາມ, ກວດກາການຫລັກລອບຊື້-ຂາຍສັດນ້ຳ-ສັດປ່າ ແລະ ເຄື່ອງປ່າຂອງດົງທີ່ຜິດລະບຽບກົດໝາຍຢູ່ຕາມສາຍທາງ, ຕະຫລາດ, ແລວຊາຍແດນລະຫວ່າງປະເທດ ແລະ ສະຖານທີ່ຕ່າງໆ, ເຊິ່ງນັບແຕ່ຕົ້ນເດືອນມັງກອນຫາທ້າຍເດືອນມີນານີ້ ສາມາດອາຍັດ ແລະ ຢຶດສັດປ່າທີ່ຜິດກົດໝາຍທັງສັດປ່າທີ່ຍັງມີຊີວິດ ແລະ ສັດປ່າທີ່ຕາຍແລ້ວໄດ້ທັງໝົດ 337 ໂຕ, ລວມນ້ຳໜັກເກືອບ 200 ກິໂລ ເຊັ່ນ: ໝູປ່າ, ຟານ, ໄກ່ປ່າ, ລີງ, ກະຮອກ, ງູ, ນົກໜູ ແລະ ອື່ນໆ.

ທ່ານຫົວໜ້າຂະແໜງກວດກາສັດນ້ຳ-ສັດປ່າ ກອງກວດກາປ່າໄມ້ແຂວງ ກ່າວວ່າ: ຈຳນວນສັດທີ່ຢຶດມານີ້ ສຳລັບພາກສ່ວນທີ່ຍັງມີຊີວິດຢູ່ແມ່ນໄດ້ປ່ອຍຄືນສູ່ທຳມະຊາດແລ້ວ 84 ໂຕ, ລວມນ້ຳໜັກ 26,4 ກິໂລ, ສ່ວນທີ່ຕາຍແລ້ວແມ່ນໄດ້ເຜົາທຳລາຍຖີ້ມ ເພື່ອແນໃສ່ສະກັດກັ້ນ ແລະ ຕ້ານການລ່າສັດ, ຊື້ຂາຍສັດນໍ້າ-ສັດປ່າປະເພດຫວງຫ້າມໃຫ້ໝົດໄປ.

- 1 1 - ເຈົ້າໜ້າທີ່ຄຳມ່ວນເຂັ້ມງວດ 3 ເດືອນ ສາມາດຢຶດສັດປ່າຜິດກົດໝາຍ 337 ໂຕ
- lattana 1 - ເຈົ້າໜ້າທີ່ຄຳມ່ວນເຂັ້ມງວດ 3 ເດືອນ ສາມາດຢຶດສັດປ່າຜິດກົດໝາຍ 337 ໂຕ
error: Content is protected !!